"Elfsborq"u məğlub etmək mümkündü" MÜSAHİBƏ
"İnter"in futbolçusu Matiya Şpiçiç müsahibə verib:
- İkinci təsnifat mərhələsinin ilk oyununa 1 gün qalib. İsveç klubu haqda hansı informasiyanız var?
- Biz "Elfsborq"un bir oyununa komandayla birgə baxmışıq. Çox intizamlı komanda təsiri bağışlayıb. Skandinav futbolu oynayır. Sərt mübariziyə üstünlük verirlər. Bizim ötənilki rəqibimiz "Trömse"yə oxşayır. Rəqibə öz futbolunu oynamağa imkan vermirlər. Əsas odu ki, ötən il etdiyimiz səhvləri təkrarlamayaq. Bu mərhələni keçmək bizə çox vacibdi.
- "İnter"də hücumçu probleminin olduğu deyilir. Səfərdə "Elfsborq" kimi komandayla oynamaq nə dərəcədə çətin olacaq?
- Səfərdə oynamaq çətindi. Amma böyük ölçüdə ilk oyunun əhəmiyyəti böyükdü. Rəqiblər bir-birini tanıyacaq. Meydan sahibi risk edərək qol vurmağa can atacaq. Biz öz qapımızı toxunulmaz saxlamalıyıq. Bundan sonra qol vurmaq barədə düşünmək vacibdi. Səfərdə 1 qol vursaq, işimizə kömək edəcək. Əsas odu ki, biz İsveç komandasından çəkinmirik və onlarla açıq mübarizəyə hazırıq.
- "Elfsborq"un oyun üslübunu hansı komandaya oxşatmaq olar?
- Bizim klublara oxşamırlar. Biz daha çox texniki futbol nümayiş etdiririk. "Tiraspol"dan güclü komandadı. Futbol ənənəsi var. Biz tam fərqli oyun nümayiş etdirəcəyik. Fikrimcə, müdafiədə ciddi nəzarət olmalıdı. Moldovada səfərdə etdiyimiz səhvləri təkrarlasaq, rəqib bağışlamayacaq. Həmin səhvləri təkrarlamaq olmaz.
- "Elfsborq"u görüşün favoriti adlandıranlar var. Sən bu fikirlə razısan?
- "Elfsborq" - "İnter" görüşünün favoriti yoxdu. Şanslar bərabərdi. Ola bilər onlar özlərini favorit hesab edir. Bu, onların işidi. Təcrübəli rəqib olduğunu etiraf edirik. İsveç millisinin bir neçə oyunçusu indi "Elfsborq"un şərəfini qoruyur. Biz rəqibin üstün və zəif cəhətlərini öyrənirik. İlk oyundan sonra şansların faizi dəyişəcək. Amma hazırda həm İsveç klubunun, həm də bizim mərhələ adlamaq şanslarımız bərabərdi.
- "Elfsborq" futbolçuları mətbuata iddialı danışır və 3-cü mərhələyə keçəcəklərini söyləyir. Bu, psixoloji təzyiq ola bilər?
- Bəzi futbolçularının söylədikləri fikirlə tanışam. İlk oyunda rəqibdən təzyiq gözləyirəm. Onlar pressinq tətbiq edəcək. Çalışacaqlar erkən qol vursunlar. Bununla belə biz onların qarşısını almalıyıq. İddialı açıqlama verirlərsə, bu bizim üçün problem deyil. Hamımız peşəkar futbolçuyuq. Sözümüzü meydanda deyirik. Heç kimə cavab vermək istəmirəm.
- Yəqin razılaşarsan ki, artıq bir mərhələ keçmək uğur sayılmır...
- Biz bilirik ki, bizdən uğur gözləyirlər. Mümkün qədər daha çox oyun keçirmək istəyirik. Moldova klubunu keçəndən sonra diqqətimiz yönəlib İsveç təmsilçisinə. Futbolda məğlubedilməz komanda yoxdu. Sona qədər oynamaq və qələbə qazanmaq lazımdı. Komandamız "Elfsborq"u keçəcəyinə inanır. Əsas səfərdən sərfəli nəticəylə qayıtmaqdı. Onların heyətində təcrübəli futbolçuların olması bizi qorxutmur. Mərhələ adlamaq istəyən komanda rəqibi məğlub etməlidi. İsveç təmsilçisindən zəif olmadığımızı sübut etməliyik.
- Rəqibi "Trömse"yə oxşatmısan. Ötən il siz Norveç komandasına uduzmaqla yarışı tərk etdiniz. Bu hal yenidən təkrarlana bilər?
- "Trömse"yə oxşaması şəxsi fikrimdi. Bu dəfə səhvləri təkrarlamamalıyıq. Ağıllı futbolla mərhələni adlamaq lazımdı. "Trömse"ni keçmədik, bu oyun artıq keçmişdə qaldı. Amma "Elfsborq"u məğlub etmək mümkündü. Ötənilki səhvimizi düzəltməliyik.
azerisport.com
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |