"Avropa çempionatına gedən yol nisbətən asandır"
Futzal üzrə Azərbaycan millisinin baş məşqçisi Tino Perez affa.az saytına müsahibə verib. Stadium.az sizi həmin müsahibə ilə tanış edir:
- Dünya çempionatının əsas mərhələsinə hazırlıq necə gedir?
- Noyabrın 23-dən təlim-məşq toplanışına başlamışıq. Əsasən fiziki hazırlığı yüksəldəcək məşqlərə üstünlük veririk. Çünki bu cür təlim-məşq toplanışını xeyli əvvəl keçmişik. İndi buna ehtiyac var. Taktiki planda çalışmalara da vaxt ayırırıq. Heyətə 3 yeni futzalçı dəvət etmişik. Onların komandaya uyğunlaşması üçün bu vacibdir.
- Futzalçıların durumu sizi nə dərəcədə qane edir?
- Oyunçuların hazırkı vəziyyətindən razıyam. Əhval-ruhiyyəmiz də yaxşıdır. Yeni oyunçuların komandaya qoşulması həm yeni nəfəs gətirir, həm də rəqabət yaradır. Düşünürəm ki, yeni qoşulanlar da komandaya kömək edə biləcək.
- Sizi daha çox hansı problemlər narahat edir?
- Komandanın hazırlıq keçməsi üçün normal şərait yaradılıb. Amma hansısa ölkənin yığması ilə yoldaşlıq oyunları keçirə bilməyəcəyik. Bu da məni narahat edir. Halbuki oyun təcrübəsi çox olmalıdır. Məşq başqa, oyun başqadır. Məşq prosesindəki psixoloji durumla oyundakı ab-hava fərqli olur. Təsəvvür edin, bina tikmək üçün hər cür materialınız var. İlk işiniz bünövrəni möhkəm qurmaq olmalıdır. İdmanda da təməl psixoloji durumdur. Bunu düzəldə bilsək, oyunlarımız da yaxşı alınacaq. Çalışırıq ki, bu boşluğu doldurmaq üçün milli çempionatda çıxış edən klubların üzvlərindən ibarət yığma ilə qarşılaşaq. Oyun noyabrın 29-da və ya 30-da keçiriləcək.
- Psixoloji hazırlıqla özünüz məşğul olursunuz, yoxsa kənardan psixoloq dəvət edəcəksiniz?
- Bu problemi yoluna qoymaq üçün çoxlu oyun keçirmək lazımdır. Məşq prosesində uşaqlar bir-birini yaxşı tanıdığından, verdiyin tapşırığı yerinə yetirirlər. Amma başqa rəqibə qarşı oynayanda məşq prosesində görmədiyini orada aşkarlayırsan.
- DÇ-nin seçmə mərhələsindəki rəqiblər haqda hansı məlumata sahibsiniz?
- İsveç millisi haqda geniş məlumatım yoxdur. Çünki bu komanda aşağı mərhələdə çıxış edib. Amma Xorvatiya və Belarus yığmalarının nəyə qadir olduğunu bilirəm. Meydan sahiblərinin son 2 oyununu izləmişəm. Onlar noyabrın 29-da və dekabrın 1-də Yaponiya millisi ilə yoldaşlıq oyunu keçirəcəklər. Həmin oyunları da diqqətdə saxlayacağam. Ümumi götürdükdə, xorvatlar doğma meydanda çıxış edəcək, heyətlərində təcrübəli futzalçılar çoxdur və əksər oyunçuları tanınmış klubların formasını geyinirlər. Belarus yığması ilə fevralda və avqustda yoldaşlıq oyunlarında qarşılaşmışıq. Bu komandanı daha yaxşı tanıyırıq.
- Qrup mərhələsinin təqvimini necə, yığmamız üçün münasib saymaq olarmı?
- Çox münasibdir. İlk oyunda İsveç millisi ilə qarşılaşacağıq. Birinci oyunlar hər zaman çətin keçir – təzyiq, həyəcan olur. İkinci oyuna daha yaxşı hazırlaşırsan. Güclü rəqiblə birinci oyunda qarşılaşmaqdansa, sonuncu görüşdə üz-üzə gəlmək daha münasibdir.
- Şansları necə qiymətləndirirsiniz?
- Komandaların hamısının şansı var. Hər oyuna final matçı kimi yanaşacağıq. Azərbaycan millisi Avropa çempionatının final mərhələsinə mütəmadi vəsiqə qazansa da, dünya çempionatında iştirak etməyib. Çünki Avropa çempionatına gedən yol nisbətən asandır. Amma dünya çempionatının finalına yüksəlmək üçün qrup mərhələsini minimum ikinci pillədə başa vurmalısan. Daha sonra püşk atılacaq və qrup mərhələsini 1-ci pillədə başa vuran komandalar 2-ci sırada yer alanlarla pley-off oyunlarına çıxacaq. İndi diqqətimizi bu 3 oyuna yönəltməli və pley-off mərhələsinə vəsiqə qazanmalıyıq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |