Rail Məlikov: "Özünə hörmət edən oyunçuya başqa klubun məşqçisinə nəsə jest eləmək yaraşmaz"
Azərbaycan Premyer Liqasının 28-ci turu çərçivəsində öz meydanında "Kəpəz"i darmadağın edən (3:0) AZAL-ın kapitanı Rail Məlikov matçdan sonra müsahibə verib.
- Dünənki məlum hadisələr komandaya, çıxışınıza necə təsir elədi?
- Komanda olaraq çox pis olduq. Düşünürdük ki, bəlkə də oyunlar təxirə salındı. Şəhidlərimizi hörmətlə anırıq. Nə vaxt səfərbərlik elan olunsa, biz də əlimizdə silah vətəni qorumağa hazırıq.
- Qoldan sonra əsgər salamı vermək planlaşdırılmış aksiya idi?
- Bəli. Dünən öz aramızda danışmışdıq ki, qol olsa, bu cür qeyd edək. Şəhid olan əsgərlərin ailələrinə baş sağlığı veririk. Ordumuza güvənirik və onlarla fəxr edirik.
- Qayıdaq oyuna, böyükhesablı qələbə qazanacağınızı gözləyirdinizmi?
- Kim gözləməsə də, biz bu oyunda qalib gələcəyimizi gözləyirdik. Bilirdik ki, yekunda sevinən tərəf biz olacağıq. Çünki başqa yol yox idi. Rəqib iki dəfə yenmişdi bizi. Burda da heç-heçə oynamışdıq. Eyni komandaya 7 xal vermişdik. 2 qol idi fərq, sonda 3 oldu. Onlar da əzmkar oyun oynadılar, ancaq kim güclü idisə, o da uddu. Gəncə klubuna da gələcək oyunlarda uğurlar.
- Bu mövsüm qələbə qazanmaqla yanaşı, həm də az qol buraxırsınız. Xüsusilə də öz meydanınızda çox yaxşı təsir bağışlayırsınız. Bunun sirri nədədi?
- Sirri deyəndə ki, doğma divarlar arasında oynamaq həmişə əlavə stimul olur. Burda məşq edirik, çalışırıq. Eyni zamanda düzgün müdafiə olunuruq, baş məşqçimizdən taktiki gedişlər alırıq, buna da əməl edirik. Bir məqamı da vurğulayaq ki, biz düz meydanlarda oynamağa öyrənmişik. Məsələn, Gəncədəki stadionun qazonu kələ-kötürdü, orda əlbəttə, oyunumuz alınmaz.
- Artıq Avrokuboklara getmək üçün şanslarınız bir xeyli artıb. “Zirə” və “İnter”in də problemləri var və gedə bilməyəcəklər. Avropada çıxış etmək perspektivini necə görürsünüz?
- Çalışırıq ki, hər oyunda qalib gələk. Bizi “alçaldan” insanlara səslənirəm ki, belə davam etsinlər. Çünki, onlar bizim haqqımızda “Qəbələ”ni, “Kəpəz”i uda bilməyəcəklər dedikcə, əlavə stimul olur, qalib gəlirik. Onların dedikləri bizə qətiyyən pis təsir etmir. Əvvəllər yaxşı pul alanda deyirdilər ki, oynamırlar, filan qədər qazanırlar. İndi az maaşa oynayırıq, deyirlər ki, pul almırlar, yaxşı oynayırlar. Biz indi necə edək ki, kimlərinsə xoşuna gələk?
- Rail, yaxşı maddi imkanlı komandalarda da çıxış etmisən, “kasıb” klublarda da. Hansında oynamaq daha asan idi?
- Vaxtilə “Bakı”, “Neftçi” və “Qəbələ” kimi komandalarda oynamışam. Orda klubların vəziyyəti yaxşı olduğu üçün səviyyəli futbolçular da var idi. AZAL-da isə maddi vəziyyət pis olsa da, yaxşı şərtlərlə çıxış etməyə layiq olan futbolçular var. Ancaq təbii ki, çox pul olan yerdə oynamaq daha asandı.
- Qış fasiləsindən sonra AZAL daha inamlı çıxış edir. Bunun səbəbi nədir?
- Elə bir xüsusi səbəbi yoxdu. Kim güclüdüsə, o da qalib gəlir. Bu matçda qələbə qazanmağa hazır idik. Belə baxanda, “Qəbələ” də “Kəpəz”də eynisəviyyəli rəqiblərdi. Əgər biz “Qarabağ”ı, “Qəbələ”ni öz meydanımızda uduruqsa, “Kəpəz”i də udmağa borcluyuq.
- Oyun zamanı rəqibin kapitanı Tural Axundovla sizin baş məşqçiniz arasında gərginlik oldu, bunun səbəbi nə idi?
- Özünə hörmət edən oyunçuya başqa klubun məşqçisinə nəsə jest eləmək yaraşmaz. Kapitandı, onu alçaltmaq istəmirəm, ancaq boş şeylərdi. Mənim Şahin müəllimə böyük hörmətim var. Heç vaxt rəqibin baş məşqçisinə qarşı nəsə etmərəm. Böyük-kiçik var, bizim mentalitetimiz də buna icazə vermir. (apasport)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |