Fərhad Vəliyev karyerasını bitirdi
"Sumqayıt"ın qapıçısı Fərhad Vəliyev karyerasını başa vurub. Stadium.Az xəbər verir ki, bu barədə təcrübəli qolkiper özü məlumat verib.
Fərhad bildirib ki, bundan sonra özünü məşqçi kimi sınayacaq: "Fikirləşdim ki, karyeramı başa vurum. Yavaş-yavaş məşqçilik fəaliyyətinə başlamaq istəyirəm. İşləyə-işləyə də oxuyub elmimi artıraram. Ən azından 1-2 il oynaya bilərdim. Fikrim də var idi. Hətta mövsümün gedişində də açıqlamalarımda bu barədə danışmışdım.
Ancaq bir qədər düşünəndən sonra qərara aldım ki, artıq getmək vaxtdır. Məşqçiliyə başlasam, daha yaxşı olar. Açığı, ciddi təklif də gəlmədi. Düzdür, "Sumqayıt" yeni müqavilə bağlamaq istəyirdi. Bəzi təkliflərim də var idi, amma məni razı salmadı".
Vəliyev son vaxtlar "Sumqayıt"da ehtiyatda qalmasının və komandanın Avroliqaya düşə bilməməsinin də qərarına təsir etdiyini bildirib: "Bu amillər də qərarıma təsirsiz ötüşmədi. Xeyirlisi nədirsə, o da olsun. "Sumqayıt"a da uğurlar arzu edirəm. Düşünürəm ki, gələcəkdə yaxşı nailiyyətlər əldə edərlər. Futbolçu karyeramı bitirmək mənim üçün ağır olacaq. Adam hər zaman meydanda olmaq istəyir. Futbol mənim üçün həyatdır. Ona görə də bu sahədə qalmaq istəyirəm. Hər bir futbolçu üçün yaşıl meydanlardan ayrılmaq çətin olur".
Bundan sonra karyerasını məşqçi kimi davam etdirəcəyini söyləyən Vəliyev 2 klubdan iş təklifi aldığını deyib: "İki klubdan təklif almışam. Bu barədə düşünürəm. Amma adlarını açıqlaya bilmərəm. 1-2 günə qərarımı verəcəm. Hər ikisi Premyer Liqa klubudur".
Peşəkar karyerasına 1997-ci ildə Sumqayıtın "Kimyaçı" klubunda başlayan Fərhad Vəliyev müxtəlif illərdə "Neftçi", "İnter" (indiki "Keşlə") və "Qarabağ" kimi klubların şərəfini qoruyub. 2006-2010-cu illərdə dəvət aldığı Azərbaycan millisində isə 32 oyun keçirib.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |