Elnur Əşrəfoğlu Emin Abbasova "tülkü" deməsinə aydınlıq gətirdi
"Emin Abbasov səhv edib, özü də bilir ki, nə səhv edib. Mətbuat konfransında Böyükağa Hacıyevə verdiyi sualdan sonra üçüncü bir tərəfi ortaya atmaq doğru deyildi. Məşqçiyə sual vermisənsə, cavabını istə. Nəyə görə üçüncü tərəfin adını orada hallandırıb gülüş obyektinə çevirməyə çalışırsan?!".
Bu sözləri Stadium.az saytına açıqlamasında "Neftçi"nin mətbuat xidmətinin rəhbəri və "Qol" verilişinin aparıcısı Elnur Əşrəfoğlu deyib. Əşrəfoğlu Emin Abbasovla aralarındakı mübahisə ilə bağlı açıqlama verərkən bunları dilə gətirib: "Eminin özünün mənimlə əlaqəsi var. İstənilən zaman zəng edib sözünü deyə bilər. Bunun əvəzinə, gedib orada-burada müxtəlif sözlər danışır. Bu nə dərəcədə həmkarlığa sığan hərəkətdir?! Tülkü bilirsiniz ki, həm qorxaq, həm də hiyləgər olur. Ona görə də mən belə bir söz işlətdim. Hər halda, həmkarımdır, yenə də istəməzdim belə olsun. Ancaq Emin səhv etdi, cavabını da aldı.
Bilirsiniz, müxtəlif ölkələrdə - məsələn, Türkiyə, İtaliya, Almaniyada futbol verilişləri var və onların hamısı bir-biri ilə rəqabət aparır. Ancaq bu, sağlam rəqabətdir. Onlar çalışırlar ki, verilişlərin səviyyəsini qaldırsınlar, baxımlılığı artırsınlar. Ancaq bizdə paxıllıq ön plana çıxır. Ondansa, gedib verilişi daha baxımlı etmək olardı. Ümumiyyətcə, "Futbol Saatı" verilişi efirə çıxandan Emin Abbasov ortalıqda çox fırlanır, çox söz danışır. Mən "Neftçi"nin mətbuat xidmətinin rəhbəriyəm, buna görə də jurnalistlərə hər zaman dəstək verməliyəm. Ancaq "Neftçi"də işləməyim o demək deyil ki, hansısa telekanalda veriliş apara bilmərəm. Obyektivliyə qalsa, "Qol" verilişində bir neçə dəfə "Neftçi"nin futbolçuları da tənqid olunub, baş məşqçisi də. AZAL-a məğlubiyyətdən sonra mən özüm canlı efirdə belə bir cümlə işlətdim: "Böyükağa Hacıyev, papağını qabağına qoy, fikirləş". Əgər obyektivlik olmasa, mən - Elnur Əşrəfoğlu bu sözü deyərdi?! Bundan başqa, iki dəfə Qurban Qurbanov və bir neçə dəfə də başqaları verilişin qonağı olub. Mən onlara demişəm ki, verilişdə nə danışsın?! Öz fikirlərini sərbəst şəkildə bildiriblər. Obyektivlikdən danışırıqsa, bir fakt da deyim. Sırf obyektivliyi qorumaq üçün "Qol" verilişi canlı olaraq efirə gedir, daha "Futbol Saatı" kimi videoyazıda yox".
Elnur Əşrəfoğlu daha sonra bu mövzu ilə bağlı baş məşqçi Böyükağa Hacıyevlə də mübahisə etdiyini bildirib: "Bu barədə Böyükağa Hacıyevlə də mübahisə etmişəm. Ona bildirdim ki, jurnalist sual veribsə, cavab vermək lazımdır. Çünki onun cavabı normal olsa, qarşı tərəf də üçüncü tərəfi ortaya ata bilməzdi".
Tahir BİNNƏTLİ
|
||||||||||||
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |