Füzuli Məmmədov: "Bizim əsas problemimiz Namiqdə yox, orta sahədədir"
“Neftçi”nin baş məşqçisi Füzuli Məmmədov Azərbaycan Premyer Liqasının 2-ci turunda “Sumqayıt”a 0:2 hesabı ilə uduzduqları oyundan sonra jurnalistlərin suallarını cavablandırıb:
- Tələb etdiyimiz istəyi oyunçularda görə bilmədim. Oyuna baxıb analiz edəcəyik. Qarşıda Avropa Liqası matçı var. Həmin görüşə qədər bütün səhvləri aradan qaldırmaq lazımdır.
- Futbolçularda sanki futbol oynamaq istəyi yox idi. Komandada hər şey qaydasındadır və Krivotsyukun psixoloji durumunda problem var?
- Xeyr, heç bir problemi yoxdur. Sadəcə, çox səhv edir. Komandada hər şey qaydasındadır. Problemlər topla səhvlərdir. Futbolçular daha çox qaçmalıdırlar. Daha çox əziyyət çəkən qalib gəlir. Yalnız keyfiyyət sayəsində qələbə qazanmaq mümkün deyil.
- Qarşıdakı rəqib "Qalatasaray"dır. Sizi dəhşət bürümür?
- Xeyr, heç nə bürümür, futboldur. Məğlubiyyət xoş deyil. Meydana qələbə üçün çıxmışdıq. Bütün tapşırıqlar da bu yöndə verilmişdi. Sadəcə müdafiə və orta sahədə bu qədər səhvlər qollara səbəb oldu. Heç bir vahimə yoxdur. "Qalatasaray"la oyunda da meydana qələbə üçün çıxacağıq.
- Yusuf Laval və Talisson daha yaxşı anlaşırdılar, nəinki sağ cinahda yer alan Namiq Ələsgərovla Cabir Əmirli...
- Namiq Ələsgərov bu gün istədiyimiz oyunu sərgiləmədi, bu üzdən fasilədən sonra əvəzlədim. Bizim əsas problemimiz Namiqdə yox, orta sahədədir.
- "Qalatasaray"la matç hansı səbəbdən Bakı Olimpiya Stadionuna keçirildi?
- Bunun səbəbi həm burdakı ot örtüyünün istədiyimiz səviyyədə olmaması, həm də oradakı örtüyün daha yaxşı olmasıdır. Başqa bir neçə səbəb də var.
- Düşünmürsünüz ki, bu gün taktiki planda daha çox geri qaldınız?
- Xeyr, belə düşünmürəm. Futbolçular çalışırdılar ki, verilən tapşırıqları yerinə yetirsinlər. Amma komanda şəklində bunu edə bilmirdilər.
- İkinci qolu buraxandan sonra 3 hücumçu ilə oynadınız. Amma Monroz mərkəz hücumçularının arxasında oynayırdı. Bu, sizin tapşırığınız idi?
- Bəli. Yusuf Laval top itkisi zamanı yarımmüdafiəyə kömək edirdi.
- Hücumda böyük əzəmət ortaya qoya bilmədiniz. Problem Mirabdulla Abbasovdadır?
- Əksinə, Mirabdulla əvvəlki matçlara nisbətən bu gün pis təsir bağışlamadı. Elə epizodlar oldu ki, hücuma şığıdı, amma ötürmə almadı. Bir epizodda zərbəni yaxşı vura bilmədi. Mirabdullanın əzmkarlığı məni sevindirdi. Onda əvvəl əzmkarlıq görmürdüm. Qarşıda da belə oynasa, əsas heyət oyunçusu ola bilər.
- Mamadu Mbodj əvəzlənərkən sizə etiraz etdi. Onu hansısa cərimə gözləyir?
- Mbodjla indi paltardəyişmə otağında danışdıq, səhvini qəbul etdi. Heç bir oyunçu baş məşqçinin qərarına etiraz etməməlidir. Onu da başa düşürəm. Hesabda geridə idik, belədə futbolçu əsəbi olur. Hansısa cəriməyə ehtiyac yoxdur. Yəqin ki, bir daha belə hal olmaz. Mbodj üç gün əvvəl məşq etmirdi, əzələsində problem var idi. Hətta meydana buraxmağa da ehtiyatlanırdım. Hazır olduğunu demişdi. 6-7 gün məşq etməmişdi, bəzi epizodlarda çatdırmırdı. Əvəzlədik ki, daha hazır olan Stankoviç oynasın.
- "Sumqayıt" son vaxtlar "Neftçi" üçün "solaxay" rəqibdir. "Sumqayıt"ı uda bilməyən "Neftçi" "Qalatasaray"la matça hazır ola bilərmi?
- Hələ vaxtımız var. Bu oyuna qələbə üçün çıxacağıq.
- "Qalatasaray"a da uduzsanız, komandada qalacaqsınız?
- Bu, bizim ilk məğlubiyyətimizdir. Bizim işimiz səhvlər üzərində işləməkdir. Hər şey rəhbərimizdən asılıdır. Rəhbərlik nə qərar versə, onu qəbul etməyə hazıram.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |