Millimizdən Avropa çempionatının ilk günündə 2 bürünc

21.04.2017 | 914 dəfə oxunub

Polşanın paytaxtı Varşavada cüdo üzrə Avropa çempionatına start verilib. Stadium.Az xəbər verir ki, yarışın ilk günündə fərdi mübarizədə 4 azərbaycanlı cüdoçu tatamiyə çıxıb.

Kişilər

60 kq

Bu çəki dərəcəsində ölkəmiz təmsil edən Orxan Səfərov mübarizəyə 1/8 finaldan start verib. Onun ilk rəqibi Matyaz Trboviç (Slovakiya) olub. Görüş həmyerlimizin vaxtından əvvəl qələbəsi ilə yekunlaşıb. Səfərov yarımfinala gedən yolda rusiyalı Robert Mşvidobadze ilə güləşib. Qarşılaşma rəqibin qələbəsi ilə başa çatıb. 

Buna baxmayaraq, Orxan "bürünc" üçün çıxışını davam etdirib. O, təsəlliverici döyüşdə türkiyəli Bəkir Özlü ilə münasibətinə aydınlıq gətirib. Görüş həmyerlimizin qələbəsi ilə nəticələnib. Səfərov bürünc medal uğrunda son döyüşünü gürcüstanlı Amiran Papinaşviliyə qarşı keçirib. İdmançımız rəqibini məğlub edərək Avropa çempionatını medalla başa vurub.

66 kq

Qitə birinciliyinin ilk günündə gücünü sınayan ikinci idmançımız Nicat Şıxəlizadə olub. Çempionata 1/16 finaldan başlayan təmsilçimiz ilk olaraq almaniyalı Manuel Şeybeli yolundan kənarlaşdırıb. Cüdoçumuz ikinci qarşılaşmasında Yesper Lefevereni (Belçika) sınağa çəkib. Bu rəqib də Şıxəlizadənin qarşısında tab gətirə bilməyib. İdmançımız ipponla mərhələ adlayıb. O, 1/4 finalda isə Kamil Xan-Maqomedova (Rusiya) qalib gəlib. 

Buna baxmayaraq, Nicat yarımfinalda sloveniyalı Adrian Gomboçla dueldən məğlub ayrılıb. Final arzusu baş tutmayan idmançımız bürünc medal qazanmağı bacarıb. Dimitri Minkounu (Belarus) məğlub edən idmançımız yarışı titulla başa vurub.

Qadınlar

48 kq

Yığmamızın lideri Aişə Qurbanlı 1/16 finalda türkiyəli Gülkader Şentürk ilə üz-üzə gəlib. Döyüş cüdoçumuzun qələbəsi ilə başa çatıb. O, 1/8 finalda Eva Csernovijki ilə ilə qüvvəsini sınayıb. O, ipponla uduzaraq, mübarizəni dayandırıb.  

52 kq

Bu çəki dərəcəsində ölkəmizi təmsil edən Nəzakət Əzizova da yarışa 1/16 finaldan start verib. Təəssüf ki, o, ilk cəhdində macarıstanlı Reka Puppa məğlub olaraq, yarışla vidalaşıb. 

Yığmamız Avropa çempionatına 13 idmançı ilə yollanıb. Onlardan 11-i fərdi yarışlarda mübarizə aparacaqlar. 

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.11.2017

16:11  Günün oyunlarına necə baxaq? - TV AFİŞA

13:42  Morata niyə belə edir? - FOTO

19.11.2017

18:53  "Qəbələ" "Neftçi"yə qalib gəldi - YENİLƏNİB

16:23  "Neftçi" - "Qəbələ" - HEYƏTLƏR

14:22  Günün oyunlarına necə baxaq? - TV AFİŞA

01:05  "Neftçi" - "Qəbələ": 41-ci duel - STATİSTİKA

18.11.2017

22:19  PSJ - "Nant" - 4:1 VİDEO

14:42  "Kəpəz" - "Səbail" - HEYƏTLƏR

13:02  Günün oyunlarına necə baxaq? - TV AFİŞA

12:56  "Keşlə" - "Zirə" - HEYƏTLƏR

17.11.2017

17:42  "Qarabağ" - “Sumqayıt” - HEYƏTLƏR

   
  O Q H M T-f X
1. Qarabağ 10 8 1 1 17:4 25  
2. Zirə 11 7 3 1 19-8 24  
3. Qəbələ 11 7 1 3 16:11 22  
4. Sumqayıt 11 5 1 5 14:15 16  
5. Neftçi 11 4 1 6 12-11 13  
6. Səbail 10 3 0 7 6-16 9  
7. Keşlə 11 2 2 7 8:17 8  
8. Kəpəz 11 2 1 8 7-17 7  
15.10Səbail ---Neftçi
14.10Sumqayıt 0-1Qəbələ
14.10Zirə 3-0Kəpəz
13.10Keşlə 0-2Qarabağ
20.10Səbail -Keşlə
21.10Sumqayıt -Zirə
21.10Kəpəz -Neftçi
22.10Qəbələ -Qarabağ