Ndlovu: "...bu barədə söhbətimiz olmayıb" - MÜSAHİBƏ

15.06.2017 | 1342 dəfə oxunub

"Qarabağ"ın futbolçusu Dino Ndlovu "Bakı" ilə yoxlama oyunundan (9:0) sonra jurnalistlərin suallarını cavablandırıb:

- Komandanın hazırlıqları necə gedir?

- İndidən hazırlıq barədə danışmaq  tezdir. Amma məşqlərimizə davam edirik, çalışırıq. Əlimizdən gələni edirik ki, oyunlara tam hazır olaq. Bunun üçün də bizə 2-3 həftə lazımdır. Bu müddətdən sonra istədiyimiz səviyyəyə çata bilərik.

- Bu matçda 5 qol vurdun. Ümumiyyətlə, “Bakı”  haqqında məlumatın varmı?

- Bəli. Baxmayaraq ki, hazırda həvəskarlar liqasındadırlar, amma bir zamanlar böyük klub olması haqqında məlumatlıyam. Bu gün (dünən – red.) yaxşı oyun sərgilədilər. Əsasən gənc futbolçulardan təşkil edilmiş heyətləri var. 5 qol vurmağım barədə danışmaq istəmirəm. Əksinə həmin gənc heyəti bu gün göstərdiyi oyuna görə alqışlayıram.

- Cənubi Afrika millisinin sabiq baş məşqçisi ilə aranda problem yaşanmışdı və bu səbəbdən yığmaya çağırılmırdın. İndi baş məşqçiniz dəyişilsə də, yenə də milliyə dəvət olunmursan...

- Hazırda mən Azərbaycanda oynayıram. Millimizin digər hücumçuları isə Fransada, Türkiyədə oynayır. Hətta ölkə çempionatımızda da güclü hücumçu var və qollarını sıralayır. Sizcə, hansı baş məşqçi elə çempionatlarda çıxış edən hücumçunu deyil, nisbətən zəif çempionatda oynayan futbolçunu milliyə dəvət edər? Amma buna baxmayaraq, baş məşqçi ilə danışığım olub və o, mənə deyib ki, indiki kimi davam etsəm, qollarımı sıralasam, milliyə çağırılma şansım olacaq. Azərbaycanı, klubumu sevirəm, hörmət edirəm,  amma digər ölkələrlə müqayisədə bizim çempionatımız bir az zəifdir.

- Adı “Qarabağ”la hallanan Tokelo Rantie ilə yaxınsan. Onunla “Qarabağ”a keçmək barədə söhbət etmisənmi?

- Bəli, o, mənim dostumdur. Amma bu barədə söhbətimiz olmayıb.

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.10.2017

02:33  “Milan” – AEK - 0:0 VİDEO

19.10.2017

13:33  MOİK - “Bazel” - 0:2 VİDEO

18.10.2017

19:15  "Qarabağ" - "Atletiko" - HEYƏTLƏR

17.10.2017

   
  O Q H M T-f X
1. Qarabağ 7 6 1 0 14:3 19  
2. Zirə 8 5 3 0 15-5 18  
3. Qəbələ 7 4 1 2 9:7 13  
4. Sumqayıt 8 3 1 4 8:11 10  
5. İnter 8 2 2 4 7:11 8  
6. Neftçi 7 2 1 4 8-6 7  
7. Səbail 6 2 0 4 4-8 6  
8. Kəpəz 8 1 1 6 5-14 4  
15.10Səbail ---Neftçi
14.10Sumqayıt 0-1Qəbələ
14.10Zirə 3-0Kəpəz
13.10İnter 0-2Qarabağ
20.10Səbail -İnter
21.10Sumqayıt -Zirə
21.10Kəpəz -Neftçi
22.10Qəbələ -Qarabağ