"Məqsədimiz “Qarabağ”ı keçməkdir" - MÜSAHİBƏ

10.07.2017 | 909 dəfə oxunub

Çempionlar Liqasında II təsnifat mərhələsinin ilk oyununda sabah “Qarabağ”la qarşılaşacaq “Samtredia”nın baş məşqçisi Gia Tsetsadze Gürcüstan mətbuatına müsahibə verib:

- “Qarabağ”la oyuna hazırlıq necə gedir? Başqa transferlər nəzərdə tutulub?

- Hazırlıqlar öz qaydasında gedir. Bu yaxınlarda heyətə iki futbolçu cəlb etdik.  Başqa transferlər barədə konkret bir söz deyə bilmərəm. Görək, nə baş verəcək.
 
- Hansı mövqeləri gücləndirmək istəyirsiniz?

- Bütün mövqelərdə yaxşı oyunçularımız var. Ancaq rəqabəti artırmaq üçün heyəti genişləndirmək yaxşı olardı.

- Bəs rəqibiniz “Qarabağ” haqda nə deyə bilərsiniz? Onlar iki yoxlama görüşündə ümumilikdə 10 top buraxıblar.

- "Qarabağ"ın yoxlama oyunlarında 10 qol buraxması heç nə demək deyil. Yəni yoldaşlıq görüşünə əsasən hansısa komandanın gücünü, hədəfini müəyyən etmək düzgün deyil. "Qarabağ" güclü komandadır. Onlarla mübarizə aparmalı olacağıq. Ancaq bizim məqsədimiz “Qarabağ”ı keçməkdir. Rəqibi təhlil edərkən güclü və zəif cəhətlərini araşdırmışıq. Qalan hər şey meydanda müəyyən olunur. Cütün taleyinə ilk oyunda aydınlıq gəlməyəcək.

- Gürcüstanın 3 klubu ilk mərhələdəcə mübarizəni dayandırıb. Çoxları çempionatın yeni formatını qınayır və uğursuzluğu bununla əlaqələndirir. Siz necə düşünürsünüz?

- Bu, yanlış düşüncədir və doğru yanaşma deyil. Ölkəmizdə elə çox analitik yoxdur ki, 6 ay ərzində formatın uğurlu və ya uğursuz olduğunu müəyyənləşdirsin. Bu gün bizə yanlış gələn sabah doğru seçim kimi görünə bilər. Yalnız 1-2 ildən sonra yeni formata qiymət vermək olar. Mənim komandam yeni formatda çempion oldu. İndi isə futbolçularımız daha yaxşı formadadılar. Əgər ilk mərhələdəcə mübarizəni dayandırırıqsa, bu, formatın yox, bizim günahımızdır. Başqa formatda çıxış etsək də, nəsə dəyişəcəyini düşünmürəm.

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

26.07.2017

10:25  "Sumqayıt" yenə uduzdu VİDEO

10:06  "Qarabağ" - "Şerif" FOTOLAR

25.07.2017

20:08  “Qarabağ” - "Şerif" - HEYƏTLƏR

24.07.2017

23:07  "İnter" - "Lion" - 1:0 VİDEO

12:51  Günün oyunlarına necə baxaq? - TV AFİŞA

23.07.2017

12:17  "Zenit" - "Rubin" - 2:1 VİDEO

11:43  PSJ - "Tottenhem" - 2:4 VİDEO

   
  O Q H M T-f X
1. Qarabağ 28 19 5 4 46:14 62  
2. Qəbələ 28 14 10 4 48:21 52  
3. İnter 28 11 10 7 39:33 43  
4. Zirə 28 10 9 9 29-26 39  
5. Kəpəz 28 9 9 10 24-27 36  
6. Sumqayıt 28 9 8 11 28:35 35  
7. Neftçi 28 9 2 17 24-45 29  
8. AZAL 28 1 7 20 13-50 10  
29.04Kəpəz 1-0İnter
29.04Sumqayıt 2-1İnter
29.04AZAL 0-3Zirə
29.04Neftçi 1-2Qarabağ
01.01 -
01.01 -
09.04 -
09.04 -