Ayxan Abbasov: "Belə şeylər mənim üçün adidir"

10.12.2017 | 2878 dəfə oxunub

"Zirə"nin baş məşqçisi Ayxan Abbasov evdə "Neftçi"yə 1:0 hesabı ilə qalib gəldikləri Azərbaycan Kubokunun ilk 1/4 final matçından sonra mətbuat konfransında jurnalistlərin suallarını cavablandırıb:

- Maraqlı oyun oldu. Hər iki komanda qalib gəlmək istəyirdi. Zədə səbəbindən bir neçə futbolçu kənarda qalmışdı. Ancaq şans verdiklərim onları layiqincə əvəzlədilər. Cavab oyunundan öncə vaxtımız azdır. Futbolçularıma inanıram. Onların əzmkarlığı məni sevindirir.

- "Neftçi”nin bu gün cəmi bir legionerlə meydana çıxması sizi təəccübləndirmədi?

- Bizdə də 4 legioner var idi. "Neftçi”nin futbolçuları millinin üzvləridir. Məncə, legionerləri az olsa da, güclü heyət idi.
 
- "Neftçi”də "Zirə” sindromunun olduğu deyilir…

- Bu barədə düşünmürəm. Belə şeylər mənim üçün adidir. "Qəbələ” ilə oyunlarımız da belə alınır. "Neftçi” ilə bir-birimizə yaxın rəqiblərik. Ola bilsin, buna görə, oyun gərgin keçir.
 
- Tərlan Əhmədov dedi ki, hər şeyə cavab oyununda aydınlıq gələcək…


- Normal qəbul edirəm, mərhələ keçmək istəyirlərsə, qalib gəlməlidirlər.
 
- Komandadan kimlərsə gpndəriləcək? David Manqanın komandadan gedəcəyi deyilir…

- Hələ bir oyunumuz var. Cavab görüşündən sonra fikirləşəcəyik. Hazırda bu barədə düşünməyə vaxtımız yoxdur.

- Sizcə, 1:0 hesablı qələbə növbəti mrhələyə keçmək üçün kifayətdir?

- Bu gün başqa hesab da ola bilərdi. İstənilən halda, hər şeyə cavab oyununda aydınlıq gələcək.
 
- Qış planınız hazırdır?

- Bəli, yaxınlarda bu barədə rəsmi açıqlama olacaq. O ki qaldı transferlərə, bu barədə rəhbərliklə danışacağıq. Ola bilsin, hansısa futbolçu klubundan ayrılsın və onu heyətə cəlb edək. Bizim konkret büdcəmiz var. Bunun əsasında işləyəcəyik.  
 
- "Neftçi”nin futbolçusu Fəhmin Muradbəyli yerdə qaldığı zaman oyunu davam etdirən, lakin sonra topu auta çıxaran Vüsal İsgəndərliyə etiraz etdiniz. Bu etiraza səbəb nə idi: Onun oyunu davam etdirməsi, yoxsa topu çıxarmaması? 

- Topu çıxarmamasına etiraz etdim. Həmin epizodda topu "Neftçi”nin oyunçuları çıxarmalı idi. Lakin onlar oyunu davam etdirdilər. Daha sonra Vüsal da topu ələ keçirərək, oyunu davam etdirdi. Rəqib futbolçu çox ciddi zədələnmişdi. Belə epizodda İsgəndərli topu tez çıxarmalı idi. Bir qədər sərt etiraz etməyimə səbəb bu idi.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.11.2018

08:29  Millimiz vacib oyuna çıxır - Yenilənir

16.11.2018

18:12  "Eşitdiyim ən qəribə sualdı" - Farer adalarının kapitanı

15.11.2018

17:29  "Bunu Azərbaycana qarşı etmişdik" - Maltanın baş məşqçisi

16:38  Milli komandamıza 50000 manat mükafat - Qrupdan çıxsalar

12:10  Günün oyunlarına necə baxaq? - TV AFİŞA

14.11.2018

16:18  Ayxan Abbasov "Sumqayıt"da - RƏSMİ

13.11.2018

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi