Derbidə dava, və yeni rekord

05.02.2018 | 684 dəfə oxunub

İspaniya La Liqasının 22-ci turunda "Espanyol" və "Barselona" arasında baş tutan katalon derbisində qalib müəyyənləşməyib - 1:1.

Stadium.Az xəbər verir ki, oyun başa çatandan sonra Serxio Qarsiya və Samuel Umititi arasında gərgin mübahisə yaranıb. "Barselona"nın müdafiəçisi Pike tunneldə aranı sakitləşdirməyə nail olub.

Fransalı futbolçu Qarsiya tərəfindən rasizmə məruz qalmasına görə özündən çıxıb. "Espanyol"un futbolçusu daha sonra üzr istəyib və Umititi də sakitləşib.

Matçın baş hakimi Xesus Jil Manzano insidenti qeyd etsə də, mübahisənin xırdalıqlarını protokola yazmayıb. Derbidə gərginliyin artmasına əsas səbəb Pikenin son günlər verdiyi açıqlamalar və son oyunda bərabərlik qolundan sonra "Espanyol" azarkeşlərinə dönərək susmaq işarəsi göstərməsi olub. Yanvarın 25-də İspaniya Kubokunun 1/4 finalında baş tutan oyundan sonra Pike "Espanyol"u Kornelya təmsilçisi adlandırmışdı. Kornelya Barselona şəhərinin ətrafında yerləşir. "Espanyol" ev oyunlarını 2009-cu ildən burda tikilən "Cornella-El Prat" stadionunda keçirir.

"Son həftə baş verənlərdən sonra qolu qeyd etmək xüsusi idi. Rəqibin bəzi azarkeşləri mənə və ailəmə uzun müddətdir təhqir ünvanlayır. Onlar bildirmək istədim ki, sakit olsunlar. Ola bilsin, bunu etməməli idim. "Espanyol"un yaxşı azarkeşlərini də tanıyıram. Bəlkə də, bu jestim müəyyən şeyləri gizlədən klub və onun sahiblərinə aid edilməlidir. Keçən dəfə dedim ki, klub Kornelyanı təmsil edir. Başa düşürəm, bu sözüm onları narazı salıb. Amma "Espanyol"un Kornelyada oynadığını demək hörmətsizlik deyil, faktdır. Klub rəhbərliyi bundan şikayət edir, lakin ailəmə qarşı təhqirləri araşdırmır. Əsl hörmətsizlik budur" - Pike qarşılaşmadan sonra deyib.

"Barselona" tarixində ilk dəfə İspaniya Primerasında ardıcıl 22 oyunda uduzmamaqla (18 qələbə, 4 bərabərlik) 8 il öncəki rekordunu yeniləyib. 2009/10 mövsümündə Xosep Quardiolanın rəhbərliyi altında katalonların La Liqada uğurlu seriyası 21 oyun olmuşdu.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

23.05.2018

22.05.2018

21.05.2018

18:19  "Qəbələ" - "Qarabağ" - HEYƏTLƏR

20.05.2018

19:10  "Neftçi" bürüncə sahib çıxdı - YENİLƏNİB

17:00  "Səbail" - "Keşlə" - HEYƏTLƏR

16:45  "Kəpəz" - "Neftçi" - HEYƏTLƏR

16:26  "Sumqayıt" - "Zirə" - HEYƏTLƏR

   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail