Maksim Medvedev: "Desək ki, "Qarabağ" pis oynayır..." - MÜSAHİBƏ

11.03.2018 | 1714 dəfə oxunub

Premyer Liqanın XIX turunda "Zirə"yə qalib gələn (2:0) "Qarabağ"ın müdafiəçisi Maksim Medvedev oyundan sonra jurnalistlərin suallarını cavablandırıb: 

- Əvvəlcə matç haqda fikirlərinizi bilmək istərdik...

- Bu gün elə oyunlardan biri oldu ki, istəyimizi həyata keçirə bilirdik. Məşqdə etdiklərimiz matçda da yaxşı alınırdı. Topa nəzarət etməyə çalışırdıq. Rəqibin necə oynayacağını bilirdik. Görüş tam ürəyimizcə keçdi. Qol vurmaq üçün başqa imkanlarımız da oldu, amma hamısından istifadə edə bilmədik. Əsas odu ki, 3 xal qazandıq.

- "Qarabağ"ın qış fasiləsindən sonra qol vurmaqda çətinlik çəkdiyi hiss olunurdu. Oyundan-oyuna "artırdığınızı" demək olarmı?

- Desək ki, "Qarabağ" pis oynayır, qol epizodu yarada bilmir, bu, başqa məsələ. Bizim hər oyun qol şanslarımız olur. Qış fasiləsindən sonrakı ilk matçda, yəni "Qəbələ" ilə görüşdə çoxlu qol epizodları yaratdıq. Heç vaxt belə olmamışdı. Bu gün az imkan əldə etsək də, ikisini qolla tamamladıq. Bu, sevindirici haldı. Qarşıdakı matçlarda bir-birimizi daha yaxşı başa düşəcəyik.

- Ramil Şeydayevin az oynaması əsas müzakirə mövzularından biridi. Bu gün meydanda idi. Necə düşünürsüz, Ramil ondan gözlənilən oyunu göstərə bildimi?

- Ramil gənc futbolçudu. Adı böyük olsa da, özü cavandı. Onun oyun praktikası olmalıdı. Yalnız bundan sonra futbolçu "açılır", digərləri onu daha yaxşı başa düşür. Bizimlə birgə məşq edir. Amma oyunun ritmi tam başqa cürdü. Öz üzərində işləsə, daha yaxşı olacaq. Çünki potensialı var. İnanıram ki, öz üzərində çalışacağı halda, "11-lik"də də yer ala biləcək.

- Belə bir fikir yaranıb ki, Ramil milliyə düşmək üçün başqa kluba getməlidi. Bununla razısızmı?

- Ramil özü də uşaq deyil. Düşünür, nə etməli olduğunu bilir. Məsləhət almaq istəsə, çox təcrübəli futbolçu var. Mən ona məsləhət görərdim ki, daha çox işləsin, hamı ilə münasibətdə olsun. Bəzi epizodlarda utanır. "Qarabağ" elə komandadı ki, nəsə istəsə, hamı ona yardım əlini uzadacaq. İstərdim ki, bizim aramızda qalsın. Çünki oyunu mənim xoşuma gəlir. Amma yenə də üzərində işləməlidi.

- "Qarabağ" turdan-tura çempionluğa yaxınlaşır...

- Bu gün rahat oynadıq. Amma ümumi bizdə arxayınlaşma yoxdu. Çox adam 10 xallıq fərqin böyük olduğunu desə də, hələ heç nə həll olunmayıb. Bu cür davam etsək, birinci yeri tutacağıq.

- Millinin qarşıdakı oyunu haqda düşünməyə başlamısız?

- Xeyr. Hələ "Qarabağ"ın "Neftçi" ilə matçı var.

- Yeri gəlmişkən, "Neftçi" də son turlarda yaxşı formadadı. Rəqib sizə problem yarada bilərmi?

- "Neftçi" açıq futbol oynayır, qapanmır. Bizi maraqlı görüş gözləyir. Rəqibi yaxşı analiz edəcəyik. Baş məşqçi hansı tapşırığı verəcəksə, onu da yerinə yetirəcəyik. "Neftçi" temp yığmağa başlayıb. Bu, bizi də sevindirir. Çünki "Neftçi"də də millinin futbolçuları çıxış edir. Biz də istərdik ki, "Neftçi" ən pik formasında olsun və bizimlə oynasın.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

26.03.2019

00:32  Türkiyə - Moldova - 4:0 VİDEO

25.03.2019

00:17  Uels – Slovakiya - 1:0 VİDEO

24.03.2019

02:08  İsveç - Rumıniya - 2:1 VİDEO

02:06  İspaniya - Norveç - 2:1 VİDEO

01:53  Braziliya - Panama 1:1 VİDEO

01:48  Meksika - Çili 3:1 VİDEO

01:30  "Liverpul" - "Milan" 3:2 VİDEO

23.03.2019

15:25  Millimiz məğlub oldu - YENİLƏNİB

02:10  Argentina - Venesuela 1:3 VİDEO

02:07  Moldova – Fransa - 1:4 VİDEO

00:32  Yaponiya - Ekvador 0:1 VİDEO

22.03.2019

23:44  ABŞ - Ekvador - 1:0 VİDEO

12:58  Günün oyunlarına necə baxaq? - TV AFİŞA

01:46  Belçika - Rusiya - 2:1 VİDEO

21.03.2019

22:32  Xorvatiya - Azərbaycan - START HEYƏTLƏR
   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi