Firmino:: "Serxio Ramos axmaqdır"

"Real"ın kapitanı Serxio Ramosun ÇL finalında "Liverpul"dan Salahla Kariusu zədələməsi barədə danışarkən Firmino ilə bağlı ironik açıqlaması cavabsız qalmayıb.

Stadium.Az xəbər verir ki, Firmino əvvəlcə bu barədə fikir bildirmək istəməsə də, sonradan bu açıqlamalarına görə Ramosu "axmaq" adlandırmaqdan çəkinməyib:

"Düzü, mən bu barədə danışmamağa üstünlük verirəm. Məncə o çempion olub deyə belə fikirləşir. Ancaq bu fikirlərinə görə o axmağın biridir deyə bilərəm, bu qədər".

Ramos Salah və Kariusa qarşı sərt oyunu barədə olan tənqidlərə hiddətlənərək məsələnin şişirdildiyini bildirmiş, ironiya ilə Firminoya da söz atmışdı: "Bir o qalıb ki, Firminonun üstünə düşən bir damcı tərimdən sonra qrip olduğunu desinlər". 

"Real" - "Liverpul" finalı madridlilərin 3-1 hesablı qələbəsi ilə yekunlaşmışdı.