Sumqayıtın "Uğur"u Regionla Kuboka hansı problemlərlə gedir?

12.09.2018 | 252 dəfə oxunub

Azərbaycanı UEFA Regionlar Kubokunda təmsil edəcək Sumqayıtın “Uğur” komandası bəzi problemlərlə üzləşib

Bu barədə komandanın baş məşqçisi Qəzənfər Abbasov məlumat verib. Onun sözlərinə görə, heyətə yeni oyunçuların cəlb edilməsi baxımından çətinliklər mövcuddur: “Əsasnaməyə görə, Region Kubokunda həvəskar səviyyədə 2 il oynamış futbolçu çıxış edə bilər. Bu səbəbdən, komandaya yeni futbolçuların cəlb edilməsi bir az çətindir. Ötən mövsüm bizimlə olan oyunçularla davam edəcəyik. Əlavə olaraq, digər klublardan da bir neçə nəfər cəlb etməyi düşünürük. Legioner gətirməyə isə maddi imkanımız yetərli deyil. Ola bilər ki, Azərbaycanda təhsil alan və ya işləyən həvəskar futbolçuya rastlayaq. Bax, eləsini götürə bilərik”.

35 yaşlı mütəxəssis bildirib ki, hazırda “Uğur” klub prezidenti Vasif Maşayevin şəxsi vəsaiti hesabına fəaliyyət göstərir: “Maşayev artıq 3-cü mövsümdür komandamıza dəstək verir. 2016/2017 mövsümündə ilk dəfə qatıldığımız Həvəskarlar Liqasının və kubokunun, ötən mövsüm isə Region Liqasının qalibi olmuşuq. Özü də bunu heç bir oyunda uduzmamaqla bacarmışıq. Yəni, komanda yarandığı 2016-cı ildən rəsmi matçlarda məğlub olmayıb”.

Qitə miqyaslı yarışa AFFA-nın təşkil etdiyi Region Liqasının qalibi kimi yarışa qatılan Sumqayıt təmsilçisi Ukraynanın “Lvov Region”, İspaniyanın “Kastilya-i-Leon” və Finlandiyanın “Qərb Rayon Komandası” ilə birgə VI qrupda yer alıb. Oyunlar Lvov şəhərində keçiriləcək. Təqvimə əsasən, ilk matçını oktyabrın 2-də meydan sahiblərinə qarşı keçirəcək “Uğur” oktyabrın 5-də İspaniya, 3 gün sonra isə Finlandiya təmsilçisi ilə qarşılaşacaq.

Baş məşqçi qrupdakı rəqiblər haqda məlumat toplamağa çalışdıqlarını vurğulayıb: “Kastilya-i-Leon” 2009-cu ildə Region Kubokunun qalibi olub. Bu, o deməkdir ki, komanda neçə ildir bu səviyyədə çıxış edir. Ukrayna və Finlandiya komandaları da zəif deyillər. Rəqiblər haqda mümkün qədər məlumat toplamağa çalışacağıq. Klubumuz yeni yaranıb, elə də böyük təcrübəyə malik deyilik. Buna baxmayaraq, yaxşı nəticə qazanmaq üçün əlimizdən gələni edəcəyik”. “Uğur”un avqustun 12-dən hazırlıq prosesinə başladığını deyən Abbasov hazırda Abşeron Olimpiya Kompeksinin stadionunda məşq etdiklərini söyləyib: “Hazırda “Kapital Bank Arena” təmirdədir. Mehdi Hüseynzadə adına şəhər stadionunda isə “Sumqayıt”ın əsas və əvəzedici komandaları məşq edir. Yarışda oyunlarımız 3 gündən bir olacağı üçün burada eyni intervalla yoxlama matçlarında qüvvəmizi sınayırıq. Təxminən, 10-a yaxın görüşümüz olub. Heyətimizdə əvvələr peşəkar səviyyədə çıxış etmiş Elnur Abdulov, Ruslan Poladov, Mikayıl Rəhimov kimi futbolçular yer alıb”.

1966-cı ildə təsis olunan və 1999-cu ildən Region Kuboku adı altında keçirilən yarış iki ildə bir dəfə mini-turnir formatında qrupda yer alan komandalardan birinin təmsilçisi olduğu ölkədə keçirilir. 8 qrupda 1-ci yeri tutan kollektivlər 2019-cu ilin iyulunda təşkil olunacaq final mərhələsinə vəsiqə qazanacaqlar. Yarışda 19 – 40 yaşlı futbolçular iştirak edə bilərlər. (Report.az)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
"Sportinq"ə keçidim yanlış idi" - "Qarabağ"ın futbolçusu
Futbolumuzda əcnəbi sədr - Xaqani Məmmədov göndərildi
"Qarabağ"da ciddi itki - "Sportinq"ə qarşı oynamayacaq
Son xəbərlər

18.09.2018

18:16  "Qarabağ" yola düşür - Foto

13:59  4-cü turun oyun cədvəli - Birinci Divizion

13:48  5-ci turun oyun saatları açıqlandı - Premyer Liqamız

12:00  "Zirə" - "Neftçi" - başlanma saatı məlum oldu

17.09.2018

16.09.2018

00:52  "İnter" - "Parma" 0:1 VİDEO

00:51  "Bavariya" - "Bayer" 3:1 VİDEO

00:39  "Nyukasl" - "Arsenal" 1:2 VİDEO

15.09.2018

20:23  "Çelsi" - "Kardif" 4:1 VİDEO

20:03  "Səbail" - "Zirə" -HEYƏTLƏR

18:51  PSJ - "Sent Entien" 4:0 VİDEO

00:29  "Zirə"də itki

14.09.2018

23:18  "Azərbaycanın ən böyük klubundayam" - Araz Abdullayev

22:30  "Komandadan razı qaldım" - Nazim Suleymanov

21:51  "Qarabağ" qələbə qazandı - YENİLƏNİB

19:28  "Qarabağ” - "Sumqayıt” - HEYƏTLƏR

19:14  3-cü tura yekun vuruldu - Birinci Divizion

18:31  "CBC Sport"dan örnək addım - Oyunlar həm də "İdman Tv"də yayımlanacaq

14:32  Futbolumuzda əcnəbi sədr - Xaqani Məmmədov göndərildi

13.09.2018

20:00  3-cü tura 3 oyunla start verildi - Birinci divizion

   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə