"Qarabağ"ın "Sportinq" önündə şansları - İdman Mediası danışdı - SORĞU

20.09.2018 | 1215 dəfə oxunub

Bu gün Avropa Liqasında yeni mövsüm başlayır. E qrupunda mübarizə aparacaq ölkə çempionumuz "Qarabağ"da meydana çıxacaq. Son çempionumuz qrupun ilk oyununda Portuqaliyada "Sportinq"in qonağı olacaq.

Stadium.az oyunla bağlı sorğu keçirib. Komandamızla Lissabona yollanan həmkarlar oyun haqda fikirlərini bildirib, "Qarabağ"ın şanslarını dəyərləndiriblər.

Mehman Suleymanov (Sport24.az): “Ardıcıl 5-ci il qrup mərhələləsinin iştirakçısı olan “Qarabağ” startdaca çətin sınaq qarşısındadır. Bu, həm güclü rəqiblə səfər matçıyla, həm də heyətdəki itkilərlə bağlıdı. Bu yay elə “Sportinq”dən “Qarabağ”a transfer olunan bolqarıstanlı yarımmüdafiəçi Simeon Slavçevin millisindən zədəli qayıdaraq bu qarşılaşmanı buraxmalı olacağı xeyli əvvəldən bilinirdisə, kapitan Rəşad Sadıqovun da Lissabonda oynaya bilməyəcəyi səfərə çıxarkən məlum oldu. İspan yarımmüdafiəçi Dani Kintana hələ bir müddət də yaşıl meydanlardan kənarda qalmalı olacaq, onun həmyerlisi Miçel Madera isə 1 aydır zədədən əziyyət çəkir. Düzdür, onun bu gün oynayacağı gözlənilsə də, komandanın məşqlərinə yeni qoşulmasını, oyun praktikası sarıdan korluq çəkməsini nəzərə almaq lazımdı. Göründüyü kimi, “Qarabağ”ın heyətlə bağlı itkiləri ciddidi. Rəqib isə böyük təcrübəyə malikdi, uzun illər Çempionlar Liqasının qrupunda çıxış edib. Sürətli futbola üstünlük verən, çox qol vurmağı sevən komandadı. Üstəlik, 50 minlik “Joze Alvalade” stadionunda güclü azarkeş dəstəyinə malik olacaq ki, bu da bizə əlavə çətinlik yaradacaq. Ancaq inanıram ki, “Qarabağ”ın özünün də Avropa təcrübəsinin yetərli, futbolçularının belə ab-havada oynamaq təcrübələrinin olması bizə müsbət planda fayda verəcək. “Sportinq”in bombardiri, ucaboylu hollandiyalı hücumçusu Bas Dostun olmamağı da işimizə yaramalıdı. Qrupumuzda qalib olmağa aşkar favoritin London “Arsenal”ın olduğunu nəzərə alsaq, “Qarabağ” üçün 2-ci yer uğrunda mübarizədə əsas rəqib məhz “Sportinq” sayılır. Bu mənada onunla səfər matçında uğurlu nəticə şanslarımızı artırmış olacaq. Ancaq uğursuz nəticə olsa belə, ruhdan düşməyə dəyməz. Çünki bu, hələ qrupun yalnız birinci matçıdı”


Kənan Məstəliyev (Rekord.az) : "Qrupun ilk oyunudu. "Şerif"lə oyunöncəsi və sonrası emosiyalar sakitləşib, millinin oyunları da arxada qalıb. Belə demək olarsa, rahatca avrokuboka köklənmək, mümkün olduqca daha çox xal qazanmaq olar. Gördüklərimə əsasən deyə bilərəm ki, komandada abu-hava yaxşıdı, mübarizə ruhu qaydasındadı. Bu, yaxşıdı. Oyunun özünün isə çox çətin keçəcəyi dəqiqdi. Rəqib çox adlı-sanlıdı, güclüdü, evində oynayır, bir sözlə üstün tərəfdi. "Qarabağ"ın da itkiləri var. Favorit "Sportinq"di, qələbəyə daha yaxındı. Ancaq düşünürəm ki, Bakıya bir xalla qayıtmaq üçün qarşımızda maneə yoxdu. "Qarabağ" avrokubok klubudu, dəfələrlə ağır səfərlərdən müsbət nəticə ilə qayıdıb. Bu dəfə də belə ola bilər"


Həbib Aslanov(Futbol+ qəzeti) : “Qarabag” üçün çox çətin olacaq. Rəqibin zəngin avrokubok təcrübəsini ve heyətindəki futbolçuların səviyyəsini unutmayaq. ”Joze Alvelade”də “Barsa”, “Real”, “Yuventus” kimi ünlü rəqiblərin çətinlik çəkdiyini nəzərə alsaq, təmsilçimizi nələrin gözlədiyini təsəvvür etmək çətin deyil. Basqa vaxt olsaydı, ”aslanlar”in arxayınlığın qurbanı olacağını ehtimal etmək olardı. Amma cəmi bir il əvvəl “Qarabag”in portuqalların “qulağının dibində” “Atletiko” ile heç-heçə etməsi meydan sahiblərinin məsuliyyətini artıracaq. Üstəlik, inanılmaz azarkeş dəstəyi var. Reallıq “Sportinq”in qələbəsindən xəbər versə də, yekunda heç-heçənin qeydə alınacağına ümid edək.

Xanoğlan İmanov



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

18.12.2018

14:34  Hakim təyinatları açıqlandı - Ölkə kuboku

17.12.2018

09:46  "Sevilya"nın qələbəsi VİDEO

16.12.2018

22:03  "Qarabağ" - "Keşlə" - Geniş icmal VİDEO

21:58  "Qəbələ" - "Sabah" - Geniş icmal VİDEO

18:35  "Qarabağ" - "Keşlə" -HEYƏTLƏR

13:49  "Qəbələ" - "Sabah" -HEYƏTLƏR

10:38  "Yuventus"un qələbəsi VİDEO

15.12.2018

18:47  "Neftçi" - "Sumqayıt" -HEYƏTLƏR

16:22  "Zirə" - "Səbail" - HEYƏTLƏR

14.12.2018

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi