"Milli futbolçu belə etməməlidir" - Qurban Qurbanov

23.09.2018 | 1008 dəfə oxunub

“Çox vacib qələbə qaznadıq. Hər üç gündən bir oyun keçiririk, buna görədə heyətdə rotasiya etmişdik”. Bu sözləri “Qarabağ”ın baş məşqçisi Qurban Qurbanov deyib.

Ağdam təmsilçisi Premyer Liqanın V turunda öz meydanında “Qəbələ”ni məğlub edib.

Oyundan sonra baş tutan mətbuat konfransında iştirak edən təcrübəli çalışdırıcı fikirlərini bildirib:  “Futbolçularım çox istəkli idilər. Düşünürəm ki, azarkeşlər yaxşı futbol izlədilər”.

– “Qarabağ”ın ikinci heyətinin “Qəbələ”ni böyükhesabla məğlub etməsi sizi üzmədi?

– Deməzdim. Bundan öncəki turda “Sumqayıt”a çox çətinliklə qalib gəlmişdik. Qol epizodlarından istifadə etdik, futbolçularımız daha dəqiq oynadılar.

– Mahir Mədətov sosial şəbəkədə azarkeşlərin tənqidinə kəskin reaksiya verib. Onunla bu barədə söhbət etmisiniz?

– Mahirin adı son zamanlar tez-tez hallanır. Bu məsələlərdən məlumatım var.  Əlbəttə, istəmərəm ki, belə hallar olsun. Söhbətimiz olub. İnanıram ki, bundan sonra onu sosial şəbəkələrdə az-az görəcəksiniz. Futbolçuların, insanların fikri sosial şəbəkələrə həddindən artıq çox qalıb.  Bu da bizim işimizə çətinlik yaradır.

– Oyunun son dəqiqələrində qalmaqal baş verdi. Buna reaksiyanız necədir?

– Əfsuslar olsun ki, belə hallar oldu. Bu hərəkətləri xoşlamıram, xüsusən də millinin futbolçuları bunu edəndə. Ancaq başa düşmək olar, rəqib məğlub durumda idi. Futbolçu həmin epizodda gələcək oyunları düşünməlidir. Çünki bu oyun əldən gedib, digər matçda komandasına kömək edə bilər.  Mən belə halları bəyənmirəm. Millinin futbolçuları digər oyunçulardan fərqlənməlidirlər.

– Araz Abdullayev bu gün mərkəz hücumçusu kimi oynadı. Bundan sonrakı oyunlarda da onu bu mövqedə sınayacaqsınız?

– Araz universal futbolçudur. Hücumda daha yaxşı oynamağı bacarır. Bu gün əlimizə şans düşdü, yoxladıq və özünü yaxşı tərəfdən göstərdi. Gələcək oyunlarda bir neçə mövqedə ondan istifadə edə bilərik.

 Demək olar ki, rəqibi bütün komponentlərdə üstələdiniz. Belə qələbə gözləyirdiniz?

– Məndə heç vaxt belə fikir olmayıb ki, böyük hesabla qələbə qazanacağıq. Bu cür düşüncə bizə mane ola bilər. Çalışmışıq ki, sona kimi nizam-intizamı qoruyub saxlaya bilək. Belədə uğur da səninlə olur. Bu cür hesablar nadir hallarda olur çempionatımızda. Sənan Qurbanovla görüşdüm matçdan sonra, bir az pis olmuşdu. Ona səbrli olmağı arzulayıram. Mən də məşqçiliyə yeni başlayanda əks fikirlər çox idi. O da bacarıqlıdı. İnanıram ki, yaxşı nəticələr əldə edəcək.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.02.2019

19.02.2019

16:11  "Roma" -"Boloniya" 2:1 VİDEO

15:17  Günün oyunlarına necə baxaq? - TV AFİŞA

18.02.2019

01:00  "Bayer" - "Fortuna" - 2:0 VİDEO

17.02.2019

17:25  "Real" - "Jirona" 1:2 VİDEO

17:02  "Qarabağ" - "Qəbələ" - START HEYƏTLƏR

14:14  "Səbail" - "Sabah" -HEYƏTLƏR

16.02.2019

16:49  "Zirə" - "Neftçi" -HEYƏTLƏR

15:20  "Qarabağ"ın son məşqindən - FOTOLAR

14:26  "Keşlə" - "Sumqayıt" - HEYƏTLƏR

11:43  Günün oyunlarına necə baxaq? - TV AFİŞA

15.02.2019

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi