"Məqsədimiz hər oyun qələbə qazanmaqdı" - Vasili Saçko

07.11.2018 | 183 dəfə oxunub

Bizim üçün sabah çox ciddi oyun olacaq. Bu görüşü çoxdan gözləyirdik”.

Bu sözləri “Vorskla”nın baş məşqçisi Vasili Saçko deyib. Ukrayna təmsilçisi Avropa Liqasının qrup mərhələsi çərçivəsində sabah Azərbaycan çempionu “Qarabağ”ı qəbul edəcək. Oyunöncəsi mətbuat konfransında 43 yaşlı mütəxəssis jurnalistlərin suallarını cavablandırıb.

- İlk görüşdəki mübarizəni nəzərə alsaq, sabah yenə müdafiə futbolu oynayacaqsız, yoxsa fərqli “Vorskla” görəcəyik?

- Bizim özümüzə görə taktikamız var. Necə lazımdısa, o cür də çıxış edəcəyik. “Qarabağ” çox güclü komandadı. Amma 12-ci oyunçumuz olan azarkeşlərin də dəstəyi ilə qələbə qazanmağa çalışacağıq.

- Bukmeker kontoruna nəzər yetirsək, hər kəs “Vorskla”dan qələbə gözləyir...

- Bukmeker kontorunda nə yazılması məni maraqlandırmır. “Qarabağ” güclü komandadı. Biz də meydana qələbə üçün çıxacağıq.

- Bakıda meydana çıxmayan futbolçulardan hansınısa sabah start heyətində görə bilərikmi?

- Zədəsi olmayan futbolçular komanda ilə hazırlaşırlar. Hamısına güvənirəm, kimin iştirak edəcəyinə isə sabah aydınlıq gətirəcəyik.

- Azərbaycana qələbə dalınca getdiyinizi bildirmişdiniz. Hədəfiniz yenə eynidi?

- Birinci il deyil ki, işləyirəm. Karyeramın çox da yaxşı olduğunu deyə bilmərəm, hər zaman işlər istədiyin kimi olmur. Sabahkı oyunla bağlı böyük söz demək istəmirəm. Ancaq pis əsgər odu ki, general olmaq istəmir. Müsbət nəticə üçün çıxış edəcəyik. İlk növbədə evdə, doğma azarkeşlər önündə oynayacağıq. Rəqibin baş məşqçisi də öz millisinə rəhbərlik edir. Güclü və ağıllı insandı. Futbolda hər şey mümkündü. Rəqib öz evindəki oyunda daha çox qol imkanları yaratmışdı. Bir qədər şansımızın gətirdiyini deyə bilərəm. Sabah isə uğurlu nəticə üçün hər şeyi edəcəyik.

- Böyük hədəfinizin olmadığını bildirmisiniz. Konkret məqsədiniz nədi?

- Avropa Liqasının qrupundan çıxmağı qarşımıza məqsəd qoyduğumuzu demirəm. Sabahkı matçdan sonra hər şey öz yerini tutacaq.

- Vaxtilə “Dnepr” “Qarabağ”ın qrupundan çıxaraq, Avropa Liqasının finalına qədər irəliləmişdi...

- Bəli, həmin oyunları xatırlayıram. “Dnepr” Bakıda qələbə qazanıb, evində uduzmuşdu. Bu gün çempionatımızda “Metallist”, “Dnepr” kimi komandalar çatmır. “Qarabağ”ın oyununu çoxdandı araşdırıram. Azərbaycanda futbol uzun müddətdi inkişafdadı və avrokuboklarda da uğurlu çıxış edirlər.

- İlk qələbənizi qrupun III turunda qazandınız. Qarşıda sizi nə gözləyir?

- Çox güclü müdafiəçilərimiz, hücumçularımız var. Məqsədimiz hər matçda qələbə qazanmaqdı. Hər oyunda təcrübə toplamaq olur. Bizim balanslaşdırılmış intizamlı komandamız var. Oyunçularımdan razıyam. İstənilən qələbə komandanı daha da gücləndirir. “Arsenal”la görüşdən sonra başa düşdük ki, istənilən rəqiblə mübarizə aparmaq olar. İşimizi təcrübəmizə uyğun qururuq. Bundan da yaxşı çıxış etmək istəyirik. Bakını çox sevdik. Poltava Ukraynanın ürəyidi. Sizin də Ukraynadan məmnun ayrılmağınızı istəyirik.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
"Qarabağ" hələ də Poltavadadır - Bakıya dönüş yubanır
Son xəbərlər

14.11.2018

16:18  Ayxan Abbasov "Sumqayıt"da - Rəsmi

13.11.2018

12.11.2018

13:29  "Monako" - PSJ - 0:4 VİDEO

11:54  "Selta"- "Real" - 2:4 VİDEO

11.11.2018

22:46  "Sumqayıt" - "Keşlə" - GENİŞ İCMAL VİDEO

22:15  "Qarabağ"ın qələbəsi - GENİŞ İCMAL VİDEO

20:15  "Qısaca, "Qarabağ" bizdən güclüdür" - Sənan Qurbanov

19:12  "Sumqayıt" - "Keşlə" -HEYƏTLƏR

17:09  "Qəbələ" - "Qarabağ" -HEYƏTLƏR

13:20  "Qəbələ" - "Qarabağ" - 49-cu duelə doğru

   
  O Q H M T-f X
1. Neftçi 10 8 1 1 20-7 25  
2. Qarabağ 10 6 2 2 17-11 20  
3. Səbail 10 5 2 3 12-11 17  
4. Sabah 10 5 1 4 9-11 16  
5. Qəbələ 10 3 3 4 14-14 12  
6. Sumqayıt 10 3 2 5 10-13 11  
7. Keşlə 10 1 3 6 8-14 6  
8. Zirə 10 1 2 7 7-16 5  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi