Ramil Şeydayev: "Yurçeviçi tanımıram" - MÜSAHİBƏ

13.02.2019 | 1630 dəfə oxunub

Milli komandamızın hücumçusu, hazırda Rusiya Premyer Liqa təmsilçisi “Krılya Sovetov”da çıxış edən Ramil Şeydayev müsahibə verib: 

- Əvvəlcə yığmanın yeni baş məşçqçisi Nikola Yurçeviçlə bağlı fikirlərini bilmək maraqlı olardı. Xorvatiyalı məşqçini tanıyırsan?

- Xeyr, Yurçeviçi tanımıram. Ona görə də hələlik baş məşqçi haqqında heç nə deyə bilmərəm.

- Yurçeviçlə bağlı qısaca onu deyim ki, baş məşqçi kimi heç bir uğuru yoxdur və daha çox köməkçi məşqçi kimi fəaliyyət göstərib. Səncə, milli onun başçılığı altında uğur qazana bilər?

- Futboldur, hər şey ola bilər. Millinin uğur qazanması həm ondan, həm də komandadan asılıdır.

- Yeni çalışdırıcıdan dəvət gözləyirsən?

- Əlbəttə, gözləyirəm. Ən əsası da inanıram ki, millidən kənarda qalmayacağam.

- “Krılya Sovetov”dakı vəziyyətin necədir? Hazırkı durum səni qane edir?

- Hər şey əladır. Təlim-məşq toplanışındayıq. Məşq edirik, çempionata hazırlaşırıq. Qarşıda daha bir toplanışımız olacaq.

- Yoxlama oyunlarında meydana çıxsan da, hələ ki, qol vura bilməmisən. Niyə alınmır?

- Açığı, bu suala cavab verə bilməyəcəyəm. Çünki səbəbini özüm də bilmirəm.

- Gələcəkdə səni yenidən Azərbaycan çempionatında görə bilərik?

- Azərbaycanı, Bakını çox sevirəm. Vətənim üçün darıxıram. Ancaq yenidən orada oynayıb-oynamayacağımı dəqiq deyə bilmərəm. Bunu zaman göstərəcək.

- Bir müddət öncə Rusiya mətbuatına müsahibəndə Azərbaycanda futbolun səviyyəsinin yüksək olmadığını, oyun sayının azlığına görə ölkəmizdə çıxış etməyin düzgün olmadığını vurğulamışdın. Ölkəmizdə futbolun səviyyəsini qaldırmaq üçün nə etmək lazımdır?

- Hər şeyə uşaq futbolundan başlamaq lazımdır. Qısa vaxt ərzində nəyisə dəyişmək  çox çətindir. Futbolun səviyyəsini yüksəltmək üçün uzun zamana ehtiyac var.

- 1 il “Qarabağ”da oynadın. Milli komandanın üzvüsən, demək olar ki, bütün toplanışlara dəvət alırsan. Burada olduğun müddətdə Azərbaycan futbolunda hansı problemləri gördün?

- Bu, artıq başqa söhbətin mövzusudur. İndi bu haqda fikir bildirmək istəmirəm. 

- Yaxşı, millidən danışaq. Qarşıda Avro-2020-nin seçmə mərhələsinin oyunları gəlir. Qrupumuzdakı komandalar isə Xorvatiya, Uels, Slovakiya və Macarıstandır. Rəqibləri necə dəyərləndirirsən?

- Əlbəttə, hamısı güclü yığmalardır. Çətin rəqiblərlə qarşılaşacağıq. Ancaq əlimizdən gələni edib, ölkə üçün oynayacağıq. Qrupda yaxşı yer tutmağa çalışacağıq.

- Səncə, milli komandamız qrupda neçənci yeri tuta bilər?

- Düşünürəm ki, 2-ci yeri tuta bilərik.

- Nəyə əsasən belə fikirləşirsən?

- Çünki bizim yaxşı komandamız var. Mən yığmaya inanıram. Ona görə də 2-ci yeri tuta biləcəyimizi fikirləşirəm.

- Ancaq komanda Millətlər Liqasında qrupdan çıxa bilmədi...

- Bu, bizim üçün bir dərs oldu. Bundan sonra daha inamlı çıxış etməli və yaxşı nəticələr qazanmalıyıq.

- Qrupda ilk oyununuz səfərdə Xorvatiyaya qarşı olacaq. Son dünya çempionatının gümüş medalçısı ilə oynamaq sizi qorxutmur?

- Xeyr, qorxutmur. Onlar da meydana 11 nəfərlə çıxacaqlar.

- Həmin oyun haqda nə deyə bilərsən?

- İndiki məqamda heç nə demək istəmirəm. Çünki mən hələ heç baş məşqçini də tanımıram. (qol.az)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
"Çox möhtəşəm bir kluba gəlmişəm" - "Qarabağ"ın yeni transferi
Son xəbərlər

21.07.2019

20.07.2019

19.07.2019

18.07.2019

19:47  "Neftçi" - "Sperantsa" - HEYƏTLƏR

18:50  "Universitatya" - "Səbail" - HEYƏTLƏR

17.07.2019

20:24  "Qarabağ" - "Partizani" -HEYƏTLƏR

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi