Tərlan Əhmədov: "Uduzulası oyun deyildi"

14.04.2019 | 1342 dəfə oxunub

Azərbaycan Premyer Liqasının 24-cü turunda evdə "Qəbələ"yə 1:2 hesabı ilə uduzan "Keşlə"nin baş məşqçi Tərlan Əhmədov oyundan sonra mətbuat konfransında fikirlərini bölüşüb.

Stadium.az xəbər verir ki, 47 yaşlı mütəxəssis öncə oyunla bağlı danışıb: "Oyunumuzda ürəkaçan irəliləyiş var idi. Ancaq qol vurmamaq problemimiz qalır. Bu qədər fürsətləri qaçırmaq və ikinci hissənin 20-ci saniyəsində qol buraxmaq üzücüdür. Uduzulası oyun deyildi. Ən yaxşı oyunlarımızdan birini keçirdik. Futbolçularda həmin psixologiya ilə bağlı sindrom davam edir. Onların zəhmətinə, əziyyət çəkmələrinə heyfim gəlir. Belə oyunla uduzmaq məyusedicidir".

Əhmədov 25-ci turda qarşılaşacaqları "Qarabağ"la oyuna kimi komandanı çətin vəziyyətdən çıxarmağa çalışacaqlarını deyib: "Futbolçularda bu düşüncə olmalıdır ki, qalib gəlmək üçün nə edim? Qorxsalar, məğlubiyyət baş verəcək. Çalışacağıq ki, komandanı "Qarabağ"la ağır oyundan öncə bu vəziyyətdən çıxaraq. Mən də futbolçu olmuşam. Elə şeylər var ki, baş məşqçi və rəhbərliyin gücü çatmır. Hər şey iradədən asılıdır. "Yuventus" B Seriyasına göndəriləndə Alessandro Del Pyero başda olmaqla bir çox aparıcı futbolçu komandanı tərk etmədi. Hər şey futbolçuların özündən asılıdır".

Mütəxəssis klubda maliyyə probleminin olmadığını söyləyib: "Klubda maliyyə problemi yoxdur. Futbolçular yaxın günlərdə məvaciblərini alıblar. Maliyyə probleminin olduğunu söyləmək yanlışlıq olardı. Futbolçu bəhanə gətirsə, səhv olar".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

24.01.2020

23.01.2020

11:13  Günün oyunlarına necə baxaq? - TV AFİŞA

10:24  "Yuventus" - "Roma" - 3:1 VİDEO

10:16  "Reyms" - PSJ - 0:3 VİDEO

22.01.2020

16:17  Günün oyunlarına necə baxaq? - TV AFİŞA

02:25  "Napoli" - "Latsio" - 1:0 VİDEO

21.01.2020

12:29  Günün oyunlarına necə baxaq? - TV AFİŞA

20.01.2020

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə