Aftandil Hacıyev: "Bu cür şəraitdə futbolçular 2 qələbə qazanıbsa, onları alqışlamaq lazımdır"

24.08.2019 | 456 dəfə oxunub

"Səbail"in baş məşqçisi Aftandil Hacıyev Azərbaycan Premyer Liqasının 2-ci turunda səfərdə "Sumqayıt"a 3:0 hesabı ilə qalib gəldikləri oyundan sonra keçirilən mətbuat konfransında oyun haqda danışıb:

"Sumqayıtda bu cür izdihamın yaşanması, hər iki komandanın daha çox yerli futbolçulardan olması maraqlı idi. Bərabər səviyyədə oyun oldu. Hər iki tərəfdə səhvlər var idi. Bundan istifadə edən biz olduq. İki hissəni müqayisə edəndə, ilk yarıya yaxşı başlaya bilmədik. Futbolçular ilk  hissədə tapşırıqları yerinə yetirməkdə çətinlik çəkirdilər. Ancaq fasilədən sonra vəziyyət dəyişdi. "Sumqayıt"ın da oyununu qeyd edərdim. Burada yaxşı infrastruktur var. Komandanın öz sözünü deyəcəyinə inanıram. Bu cür şəraitdə 3 xal qazanmağı "Səbail"in lehinə yazmaq olar.  

İki qalibiyyətə görə komandanın özünə gəldiyini demək olmaz. Bizim də problemlərimiz var. Bu cür şəraitdə futbolçular 2 qələbə qazanıbsa, onları alqışlamaq lazımdır.Stabil çıxış etmək üçün güclənməyə ehtiyacımız var. Ancaq bunun üçün maddi imkan yoxdur. Büdcə azaldılıb. Demək olar ki, yarı-yarıya. Sponsorlarla ciddi problemlər yaranıb. Bu büdcəylə futbolçuları qoruyub, saxlamağa çalışırıq. Komandadan gedənlər ola bilər. Rəhbərlik hər futbolçunun qərarına hörmətlə yanaşacağını deyib. Amma komandanı dəyişməyin hansısa futbolçuya müsbət təsir edəcəyini düşünmürəm. Hər komandada çətinlik olur" - deyə o bildirib. 
 
Aftandil Hacıyev söyləyib ki, qarşılarına konkret vəzifə qoyulmayıb: "Rəhbərliyi də başa düşürük. Durum hər an düzələ də bilər, əksinə də ola bilər. Ruhdan düşməyə çalışmırıq. Futbolçular da, biz də durumun düzəlməyini istəyirik.
 
Növbəti tur "Qarabağ"la oynayacağıq. Bu komanda ilə oyunlar həmişə çətin olur. Onlar digər komandalardan 5 baş üstündür. Yaxşı oyun nümayiş etdirmək üçün çalışacağıq. Bundan əvvəlki turda əsasən ehtiyat oyunçularla oynayırdılarsa, bizimlə oyunda əsas heyətlə olacaqlarını düşünürəm. Onlar tək bizdən yox, bütün komandalardan üstündülər. Ancaq bu o demək deyil ki, təslim olacağıq”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.09.2019

12:17  Günün oyunlarına necə baxaq? - TV AFİŞA

16.09.2019

11:47  Günün oyunlarına necə baxaq? - TV AFİŞA

15.09.2019

23:05  Roberto Bordin: "Buna məcbur idim" - MÜSAHİBƏ

22:35  "Roma" - "Sassuolo" - 4:2 VİDEO

19:44  “Qarabağ” – “Neftçi” -HEYƏTLƏR

17:24  "Keşlə" – “Səbail” -HEYƏTLƏR

11:18  Günün oyunlarına necə baxaq? - TV AFİŞA

14.09.2019

23:23  PSJ - "Strasburq" - 1:0 VİDEO

19:28  “Sabah” – “Qəbələ” - HEYƏTLƏR

17:27  "Real" - "Levante" - 3:2 VİDEO

17:26  “Sumqayıt” – “Zirə” - HEYƏTLƏR

11:49  Günün oyunlarına necə baxaq? - TV AFİŞA

13.09.2019

12.09.2019

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi