Qurban Qurbanov: "Çıxışımızı uğursuzluq kimi qiymətləndirmək düzgün deyil"

13.12.2019 | 1735 dəfə oxunub

"Qarabağ"ın baş məşqçisi Qurban Qurbanov Avropa Liqasının qrup mərhələsinin 6-cı turunda Lüksemburq "Düdelanj"ı ilə oyundan (1:1) sonra mətbuat konfransı keçirib.

Stadium.az xəbər verir ki, o, əvvəlcə matç haqda danışıb. - Hamımız üçün yaxşı olmayan nəticə ilə qrupu başa vurduq. Maraqlı oyun oldu. Meydanda hər şey gördük - həm qollar, həm də qırmızı vərəqə. Futbolçularıma təşəkkür edirəm. Əziyyətlərinə görə məğlub olmadılar. İkinci hissəyə pis başlamadıq. Sadəcə olaraq, qırmızı vərəqə gözlənilməz oldu. APOEL ilə matçdan sonra futbolçular çox məyus idi, sanki mövsüm bitmişdi. Onları toparlamaq lazım idi. Bu gün istəkli idilər. Qol buraxandan sonra riskə getdik, bizi əks-hücumda da tuta bilərdilər.

- Qrupda sınma anı hansı oldu?

- Nəticəyə baxsaq, APOEL-ə səfərdə 1:2 hesabı ilə uduzduğumuz oyun oldu. Hesabı açanda sonra 2 - 3 qol da vura bilərdik. Həmin görüşdən sonra sanki bizim üçün bütün mövsüm bitdi, futbolçular çox məyus idi. Bu gün 3-cü yeri qorumaq haqda düşünürdük. "Keşlə" ilə kubok matçı da bizim üçün önəmlidir.

- "Qarabağ" qrupda 3-cü oldu. Komandanızın bəxti gətirmədi, yoxsa qanunauyğunluqdur?

- Hər oyunda yaxşı nəticə qazanmaq istəyirik. Bəxtimizin gətirmədiyini də söylədiyimiz matçlar oldu. APOEL ilə matçlardakı qədər qol epizodu yaratdığımız görüş olmayıb. Ancaq bu o demək deyil ki, APOEL 2-ci yerə layiq deyil.

- Azarkeşlər, futbol ictimaiyyəti artıq "Qarabağ"ın Avropa Liqasında qrupa düşməyini adi qarşılayırlar. Bu barədə nə deyə bilərsiniz?

- Qrup mərhələsi heç də asan deyil. Avropada orta səviyyəli çempionatlar həddindən artıq inkişaf etməyə başlayıb. Əlbəttə, hər il bir addım irəli getmək istəyirik. Ancaq alınmırsa, bundan əl çəkməli deyilik. Mən "Qarabağ"a gələndə komanda neçə il idi çempion ola bilmirdi yaxşı komandalar vardı. Lakin biz çəkinmədik, üzərlərinə getdik və sonda çempion olduq.

- İli "Qarabağ" üçün uğurlu saymaq olar?

- Desəm ki, uğurlu hesab etmək olar- bu, düzgün çıxmaz. Uğursuz adlandırmaq da olmaz. Çempion olduq, hazırda da Premyer Liqada birinci pillədəyik. Qarşıda kubok matçı da var. Ən azından bu mövsüm yenə Avropa Liqasında qrupda oyandıq. "Sevilya" kimi komandanı bura gətirdik. Məncə, uğursuz deməyək. Uğursuz desək, futbolumuz hara qədər gedəcək? Zatən klublarımız bir-bir sıradan çıxacaq. Böyük klubları Bakıda görürüksə, bunu uğursuz saymayaq.

- Jurnalistlər arasında sorğuda yenə ilin məşqçisi seçildiniz. Bir mütəxəssis buna nail olmaq üçün nə etməlidir?

- Jurnalistlər tərəfində olmalıdır? (gülür) həmişə işimə sadiq olmağa çalışmışam. "Qarabağ"da mənə etimad ediblər, bunu doğrultmağa çalışıram. Son illər komanda avrokuboklarda qruplarda oynayıb. Yəqin ki, buna görə seçiblər.

- "Qarabağ"da nəsil dəyişməyə ehtiyac var?

- Komanda nəticə üçün oynayırsa, nəsil dəyişmək çətindir, risk olar. Son 4-5 ildə Azərbaycana futbolçu gətirmək çətinləşib. Türkiyədə legioner limitinin ləğvi bizim üçün zərbə oldu. Digər tərəfdən, çempionatın səviyyəsi yüksəlməli və daha yaxşı büdcə olmalıdır.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

29.09.2020

28.09.2020

12:30  Günün oyunlarına necə baxaq? - TV AFİŞA

02:03  "Reyms" - PSJ - 0:2 VİDEO

01:54  "Krotone" - "Milan" - 0:2 VİDEO

01:48  "Napoli" - "Cenoa" - 6:0 VİDEO

01:45  "Roma" - "Yuventus" - 2:2 VİDEO

27.09.2020

20:57  "Neftçi" "Qəbələ"ni uda bilmədi - YENİLƏNİB

14:04  Günün oyunlarına necə baxaq? - TV AFİŞA

01:50  "Betis" - "Real" - 2:3 VİDEO

26.09.2020

19:25  "Keşlə" - "Zirə" - HEYƏTLƏR

17:12  "Səbail" - "Sabah" - HEYƏTLƏR

11:42  Günün oyunlarına necə baxaq? - TV AFİŞA

25.09.2020

11:48  Günün oyunlarına necə baxaq? - TV AFİŞA

   
  O Q H M T-f X
1. Sumqayıt 4 2 1 1 6-4 7  
2. Sabah 3 2 1 0 5-2 6  
3. Neftçi 3 2 0 1 4-4 6  
4. Keşlə 3 1 2 0 1-0 5  
5. Qarabağ 4 1 2 1 5-4 5  
6. Zirə 3 1 1 1 3-4 4  
7. Qəbələ 3 0 2 1 1-4 2  
8. Səbail 3 0 0 3 3-6 0  
27.09Neftçi ---Qəbələ
26.09Səbail ---Sabah
26.09Keşlə ---Zirə
25.09Sumqayıt 2-2Qarabağ
02.10Səbail -Keşlə
03.10Qəbələ -Sumqayıt
03.10Zirə -Neftçi
04.10Qarabağ -Səbail