Zubir: "Heç vaxt kimisə aşağılamaq fikrim olmayıb" - MÜSAHİBƏ

24.02.2020 | 818 dəfə oxunub

"Qarabağ"ın yarımmüdafiəçisi Abdullah Zubir Azərbaycan Premyer Liqasının 18-ci turunda "Sumqayıt"a 1:0 hesabı ilə qalib gəldikləri matçdan sonra brifinqdə jurnalistlərin suallarını cavablandırıb:

- Asan oyun olmadı. Görüşə əvvəlki matçlarda adət etdiyimiz kimi başlamadıq. Amma tədricən istədiyimiz oyunu nümayiş etdirməyə başladıq. Hətta ikinci hissə daha maraqlı oldu. Daha çox qol vəziyyəti yaratdıq. Lakin istənilən halda bizim üçün çətin oldu.

- Qaçırdığınız qol epizodu ilə bağlı nə deyə bilərsiniz?

- Bu, futboldur. Bəzən hər yaratdığın imkanı dəyərləndirmək olmur. Məsələn, keçən həftə "Zirə" ilə oyunda yaratdığımız bütün imkanlardan istifadə edə bildik. Amma bu dəfə gördünüz ki, çox qol vəziyyəti olsa da, yalnız birindən yararlana bildik. İndi üzərimizdə daha çox işləməliyik ki, növbəti matçlarda fürsətlərdən istifadə edə bilək.

- Demək olar ki, hər oyun zədə səbəbindən yerdə qalırsınız. Bu, həqiqətən də zədədir, yoxsa bir növ vaxt uzatmaq üçün adət halını alıb?

- Xeyr. Məndə elə xasiyyət yoxdur ki, vaxt aparım. Ümumiyyətlə, bu dəfə zərbə çox güclü oldu. Hətta oyunu davam etdirmək gücündə deyildim. Sonradan məcburən meydana daxil oldum. Onsuz da 10 nəfərlə qalmışdıq. Həqiqətən dəhşətli ağrılar keçirdim.

- Bütün epizodlarda çalışırsınız ki, rəqibi keçib, qapıya zərbə vurasınız. Bu, özünəinamdır, yoxsa qarşıdakı rəqibi saymazyanalıqdır?

- Heç vaxt kimisə aşağılamaq fikrim olmayıb. Bu, uşaqlıqdan bəri mənim alışdığım oyun tərzidir. Yəni, istər qalib, istərsə də məğlub durumda olaq, hər zaman bu cür oyun nümayiş etdirirəm.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

30.03.2020

29.03.2020

28.03.2020

27.03.2020

26.03.2020

25.03.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ