Əmir Ağayev: "Böyük qızım deyir ki, Bakıya qayıtmaq istəmir" - MÜSAHİBƏ

03.08.2020 | 7069 dəfə oxunub

2019/2020 mövsümünün sonunda "Sumqayıt"la müqaviləsi başa çatan israilli futbolçu Əmir Ağayev ölkəsinin "ONE" nəşrinə müsahibə verib:

- Azərbaycan pasportu aldıqdan və yerli klublardan birində oynadıqdan sonra ölkənin millisinə dəvət alacağınız gözlənilirdi. Buna nə dərəcədə yaxın idiniz?

- Mən artıq Azərbaycan millisinin heyətində idim. Mart ayında Lixtenşteyn və Malta ilə yoldaşlıq oyunları üçün yığmaya çağırılmışdım. Amma UEFA-ya göndərdiyimiz sənədlər vaxtında hazır olmadı. İsrailin olimpiya yığmasında oynadığım üçün pasportumu dəyişdirməli idim. Koronavirus oyunları dayandırdı. Mən isə ümumiyyətlə oynamadım. Hətta dəvət almadım. Halbuki yığmaya çağırıldığım üçün çox sevinmişdim. Sonradan isə klubdan mənə bunun reallaşmayacağını  söylədilər.

- Məsələ artıq bağlanıb, yoxsa, bu, yenidən baş verə bilər?

- Mənə dediklərinə görə, Azərbaycanda oynamasam belə, yığmaya dəvət ala bilərəm. Ümid edirəm ki, bu, yenidən olacaq. Bu, mənə daha da stimul verə bilərdi. Pandemiya bütün planları pozdu.

- Klubdan sizinlə əlaqə saxlayırlar?

- Bəli, hər gün mənimlə danışırlar və daha aşağı maaşla komandada qalmağımı istəyirlər. Bu isə məni heç cür qane etmir. "Neftçi" klubundan da mənə zəng vurmuşdular. Dedilər ki, sənin oyununu bəyənirik və komandamızda görmək istəyirik. Amma onlar da büdcəni azaldıblar və daha ucuz oyunçular alırlar. Fikrimcə, bu variant da alınmayacaq. Hazırda vəziyyət belədir.

- Azərbaycan olmasa belə, karyeranızı ölkə xaricində davam etdirmək istəyirsiniz?

- Hazırkı vəziyyətdə heç nəyi istisna etmirəm. Amma hələlik ciddi təklif yoxdur. İsrailə yaxın ölkədə oynamaq istərdim. Amma mən burada ailəm və dostlarımda xoşbəxtəm. Böyük qızım deyir ki, Bakıya qayıtmaq istəmir. Bundan sonra mən nə deyə bilərəm?



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail