UEFA-nın tələbinə əsasən “Qarabağ”ın oyununa kimlər buraxılacaq?

15.08.2020 | 6440 dəfə oxunub

Çempionlar Liqasının birinci təsnifat mərhələsinin “Qarabağ” – “Sileks” (Şimali Makedoniya) matçının hansı qaydalarla keçiriləcəyi bəlli olub.

Ağdam klubunun mətbuat Nurlan İbrahimov açıqlamasında bildirib ki, UEFA ÇL də daxil olmaqla 2020/21 mövsüm avrokuboklar üçün 70 səhifəlik təlimat hazırlayıb. Bu, COVİD-19 pandemiyası ilə əlaqədardır.

Təlimata əsasən,  “Qarabağ” – “Sileks” matçına 48 saat qalmış soyunub-geyinmə otaqlarında və ora yaxın məsafədə olacaq şəxslər koronavirus testindən keçməlidirlər. Həmin şəxslərin kateqoriyasına hər iki komandanın məşqçi heyəti və futbolçuları, müəyyənləşdirilmiş qaydada texniki işçilər, top və xərəkdaşıyanlar, təmizlik işçiləri, mühafizə və tibb işçiləri, yayımçı şirkətin 2 əməkdaşı daxildir. 

Koronavirus aşkarlansa, qərar nə olacaq?

Əgər komandalardan hansısa birinin bir və ya daha artıq üzvündə koronavirus testi müsbət olarsa, bu halda UEFA hansı qərarı verəcək? N.İbrahimov bildirir ki, təlimata əsasən, koronavirusa yoluxan futbolçu(lar) dərhal təcrid olunacaqlar. Bir komandanın 13 futbolçusunun səhhətində hər hansı problem yoxdursa və meydana çıxa bilirsə, bu halda oyun baş tutacaq: “Say 13-dən az olacağı təqdirsə isə komandaya texniki məğlubiyyət veriləcək”.

Matç zamanı ehtiyat oyunçular arasında 2 metrlik sosial məsafə saxlanılacaq və onlar maskada olacaq. Baş məşqçi, hakimlər və meydan oyunçuları isə maska taxmayacaq.

Oyuna kimlər buraxılacaq?

Klub rəsmisinin sözlərinə görə, matç azarkeşlərsiz keçiriləcək. Amma oyuna klubun müəyyənləşdirdiyi sayda stüardlar (mühafizəçilər), məhdud sayda tibb və FHN işiçi, fotoqraflar və təbii ki, matçı işıqlandıracaq jurnalistlər buraxılacaq. Jurnalistlər də hökmən maska taxmalıdır. Onların oturacaqları arasında 2 metrlik sosial məsafə qoyulacaq.

Bundan başqa, görüşə hər iki klubun nümayəndələri, eləcə də oyuna təhkim olunmuş şəxslər (yerli federasiya nümayəndələri) buraxılacaqlar.

Bənzər qaydalar Avropa Liqasında mübarizə aparacaq “Neftçi”, “Sumqayıt” və “Keşlə”nin də matçlarında tətbiq olunacaq.

“Qarabağ” – “Sileks” oyunu avqustun 18-i, saat 20:00-da Tofiq Bəhramov adına Respublika stadionunda başlayacaq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

21.09.2020

12:29  Günün oyunlarına necə baxaq? - TV AFİŞA

11:48  "Zirə" – "Sabah" 0:2 VİDEO

20.09.2020

22:05  "Qarabağ" və "Zirə" uduzdu - YENİLƏNİB

19:25  "Qarabağ" - "Neftçi" - HEYƏTLƏR

11:40  Günün oyunlarına necə baxaq? - TV AFİŞA

19.09.2020

11:39  Günün oyunlarına necə baxaq? - TV AFİŞA

18.09.2020

12:03  Günün oyunlarına necə baxaq? - TV AFİŞA

17.09.2020

19:17  "Neftçi" - "Qalatasaray" - HEYƏTLƏR

11:51  Günün oyunlarına necə baxaq? - TV AFİŞA

16.09.2020

15.09.2020

14:44  "Qarabağ" Kiprə getdi - FOTO

11:39  Günün oyunlarına necə baxaq? - TV AFİŞA

   
  O Q H M T-f X
1. Qarabağ 20 13 6 1 34-7 45  
2. Neftçi 20 10 7 3 34-14 37  
3. Keşlə 20 8 6 6 27-21 30  
4. Zirə 20 6 5 9 25-37 23  
5. Sumqayıt 20 6 5 9 24-31 23  
6. Sabah 20 5 6 9 19-27 21  
7. Səbail 20 5 5 10 16-30 20  
8. Qəbələ 20 5 4 11 15-35 19  
21.06Zirə ---Neftçi
21.06Sabah ---Keşlə
21.06Qarabağ ---Qəbələ
21.06Sumqayıt ---Səbail
21.06Qarabağ -Qəbələ
21.06Sumqayıt -Səbail
21.06Zirə -Neftçi
21.06Sabah -Keşlə