Rəşad Sadıqov: "Qarşıma hansısa hədəf qoymağı sevmirəm"

13.09.2020 | 325 dəfə oxunub

“Maraqlı oyun alındı. Qarşılaşma gərgin keçdi. Rəqib ilk turda “Neftçi” ilə görüşdə əzmkar mübarizə apardı. Bilirdik ki, sona qədər oynayacaqlar. Komanda üçün vacib 3 xal qazandıq. Düşünürəm ki, bunun ardını gətirəcəyik”.

Stadium.Az xəbər verir ki, bu sözləri “Zirə”nin baş məşqçisi Rəşad Sadıqov Premyer Liqanın 2-ci turunda səfərdə “Səbail”i 2:1 hesabı ilə məğlub etdikləri matçdan sonra mətbuat konfransında deyib.

38 yaşlı mütəxəssis bildirib ki, komandada çatışmayan cəhətlər var: “İlk oyuna görə daha yaxşı idik. Qarşıma hansısa hədəf qoymağı sevmirəm. Hər oyuna qələbə üçün baxırıq. Komanda olaraq düzgün addımlar atmaq istəyirik.

Həmişə hər şeyin ən yaxşısını istəmişəm. Mən də Avropa Liqasına vəsiqə qazanmaq niyyətindəyəm. Hədəflərə düzgün oyunla çatmaq fikrindəyəm.

Komanda şəklində yaxşı olmalı və düzgün futbol oynamalıyıq. Qələbə hər zaman şirindir, amma baxımlı oyun olanda daha yaxşı olur. Avropa arenasında daha yaxşı komandalar görə bilərik.

İstəyirəm ki, komanda böyüsün, çox keyfiyyətli futbolçularım var. Bizim komandada futbolumuzun gələcəyi olan oyunçular çoxdur. Oyunlarda daha inamlı və cəsurdurlar. Mən harada olursa-olsun, həmişə nəticə qazanmaq istəyirəm”.

Gənc baş məşqçinin sözlərinə görə, bu gün xal itirə bilərdilər: “Heç kim səhvdən sığortalanmayıb. Komandamız oyunun sonunda rəqibin təzyiqinə dözdü. Futbolçular soyuqqanlı oldular və düzgün davrandılar. Hər oyunda pozitiv futbol sərgiləməyə çalışacağıq”.

Sadıqov Ağabala Ramazanovun oyunda iştirak etməməsinə aydınlıq gətirib: “Ağabala iki gün öncə məşqdə zədələndi, bizim üçün gözlənilməz oldu. Futbolda zədələr var, buna hazır olmalıyıq. Ruslan Qurbanov bu gün meydanda aldığı şansdan yaxşı istifadə etdi”.

Baş məşqçi Ramazanovun yığmaya çağırılmaması barədə bunları deyib: “Milli komanda elə yerdir ki, təklif ola və olmaya bilər. Səbrli davranmaq lazımdır. Onun çağırılmamasına haqsız qərar demək olmaz. Hər baş məşqçinin öz seçimi var. Səbrli olmaq, çalışmaq və baş məşqçinin etimadını qazanmaq lazımdır. Bunu bütün oyunçularıma demişəm” 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.09.2020

22:05  "Qarabağ" və "Zirə" uduzdu - YENİLƏNİB

19:25  "Qarabağ" - "Neftçi" - HEYƏTLƏR

11:40  Günün oyunlarına necə baxaq? - TV AFİŞA

19.09.2020

11:39  Günün oyunlarına necə baxaq? - TV AFİŞA

18.09.2020

12:03  Günün oyunlarına necə baxaq? - TV AFİŞA

17.09.2020

19:17  "Neftçi" - "Qalatasaray" - HEYƏTLƏR

11:51  Günün oyunlarına necə baxaq? - TV AFİŞA

16.09.2020

15.09.2020

14:44  "Qarabağ" Kiprə getdi - FOTO

11:39  Günün oyunlarına necə baxaq? - TV AFİŞA

14.09.2020

03:31  PSJ – "Marsel" - 0:1 VİDEO

13.09.2020

12.09.2020

20:52  “Səbail” “Zirə”yə uduzdu - YENİLƏNİB

   
  O Q H M T-f X
1. Qarabağ 20 13 6 1 34-7 45  
2. Neftçi 20 10 7 3 34-14 37  
3. Keşlə 20 8 6 6 27-21 30  
4. Zirə 20 6 5 9 25-37 23  
5. Sumqayıt 20 6 5 9 24-31 23  
6. Sabah 20 5 6 9 19-27 21  
7. Səbail 20 5 5 10 16-30 20  
8. Qəbələ 20 5 4 11 15-35 19  
21.06Zirə ---Neftçi
21.06Sabah ---Keşlə
21.06Qarabağ ---Qəbələ
21.06Sumqayıt ---Səbail
21.06Qarabağ -Qəbələ
21.06Sumqayıt -Səbail
21.06Zirə -Neftçi
21.06Sabah -Keşlə