Qurban Qurbanov: "Məşqçilərin bu məqamda işi çox çətin olur"

18.10.2020 | 3558 dəfə oxunub

"Öncə hamını təbrik edirəm. Torpaqlarımız qayıtmağa başlayır. Füzüulinin alınması çətin uğur oldu. Əsgərlərimiz çox əziyyət çəkdilər. Allah Ordumuzu qorusun. Gəncədəki hadisə hamıya məlumdur. Allah ölənlərə rəhmət eləsin. Hamımız üzülürük".

Stadium.Az xəbər verir ki, bunu "Qarabağ"ın baş məşqçisi Qurban Qurbanov Azərbaycan Premyer Liqasının VI turunda evdə "Qəbələ"ni 3:0 hesabı ilə məğlub etdikləri oyundan sonra keçirilən mətbuat konfransında deyib.

O, matç barədə çox danışmaq istəmədiyini bildirib: "Qalib gəldik. Ölkədəki duruma baxmayaraq komanda olaraq üzərimizə düşəni etməyə çalışırıq. Ölkəmizi layiqli təmsil etmək istəyirik. Oktyabrın 22-də oyuna hazırlaşırıq. Çətin qələbə qazandıq. Matçdan əvvəl futbolçulara bildirmişdim ki, "Qəbələ" elə-belə komanda deyil. Bu gün 2-ci məğlubiyyətini aldı. Futbolçularımı təbrik edirəm. Vacib 3 xal əldə etdik".

Cəbhədəki hadisələrə də toxunan təcrübəli baş məşqçi hər kəsin öz sahəsində fəal olmalı olduğunu vurğulayıb: "Ali Baş Komandan da bildirdi ki, hərənin öz vəzifəsi var. Bizim işimiz Ordumuza motivasiya verməkdir. Cəbhə bölgəsinə getməmişəm. Daha yaxşı gedəcəyik. Özümüzü, klubu elə idarə etməliyik ki, bizim də köməyimiz dəysin. Pandemiyaya qarşı yaxşı mübarizə aparmalıyıq ki, dövlətin fikrini yayındırmayaq. Hərənin üzərində bir vəzifə var. Ürəyim cəbhədədir. Sadəcə, arxa deyil, ön cəbhədə olmaq istəyirik".

Təcrübəli mütəxəssis Avropa Liqasının qrup mərhələsində problem yaşamayacaqlarına ümid etdiyini deyib: "Sevindiricidir ki, qrupa düşdük. Əlimizdəki futbolçular sağlam olsa, problemimiz olmayacaq. Oyunçularıma güvənirəm. İnanıram ki, daha yaxşı nəticələr əldə edəcəyik".

Baş məşqçinin sözlərinə görə, ev ounlarının Bakıda keçirilməsi daha yaxşı olar: "Klub federasiya ilə əlaqədədir. Federasiyaya yazılı müraciət olub. Yeganə problem oyunun 21:00-da olmasıdır. Ən böyük arzumuz burada oynamaqdır. Hələ ki, "yox" cavabı yoxdur. Burada tək bizim fikrimiz bəs etməyəcək. UEFA-nın, digər qurumların da razılığı olmaldır".

Qurbanov I qrupunun ilk turunda qarşılaşacaqları İsrail "Makkabi"si (Tel-Əviv) ilə görüşdən də söz açıb: "Rəqib topla oynamağı sevəın komandadır. Nadir hallarda bu faiz aşağı olur. Ciddi hazırlaşmalıyıq".

Qurbanov 3 cəbhədə mübarizə aparmağın asan olmayacağını bildirib: "Bunu deməklə, özümü sığortalamış olacağam. Məşqçilərin bu məqamda işi çox çətin olur. Avrokuboklarda 5 əvəzetmə olacaq. Bu, bizim üçün üstünlükdür. Yüklənmə çox olduğundan futbolçularımız tez-tez zədələnirlər. Amma açığı, gənclərimizə çox güvənirəm. Qarşıdakı matçlarda onlardan daha çox istifadə edə bilərik. İlin əvvəlindən gəncləri əsas komandaya cəlb etmək fikrim var idi. Pandemiya hamıya olduğu kimi, bizə də təsir etdi. Düşünürəm ki, yaxşı olacaq. Mən problem olduğu anda onu yoluna qoymağı xoşlayıram".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail