Rəşad Sadıqov: "Rəqibin hansı heyətlə oynayacağını bilmirdim"

25.10.2020 | 632 dəfə oxunub

"İlk növbədə Ordumuzun uğurları ilə bağlı xalqımızı təbrik edirəm. Allah onları qorusun. Şəhidlərimizə rəhmət diləyirəm".

Stadium.Az xəbər verir ki, bu sözləri "Zirə"nin baş məşqçisi Rəşad Sadıqov Azərbaycan Premyer Liqasının 7-ci turunda evdə "Qarabağ"la qolsuz heç-heçə etdikləri oyundan sonra keçirilən mətbuat konfransında deyib.

O bildirib ki, oyun gərgin keçib: "Qarabağ"ın yorğun olacağını düşünürdük. Amma meydanda sürətli rəqib gördük. Onları saxlamaq üçün bəzi taktiki gedişatlar etdik. Əslində 1-2 epizodda qol vura bilərdik. Daha dəqiq olsaydıq, hesabı aça bilərdik. Amma ikinci hissədə üstünlük rəqibin tərəfində idi. Heç-heçə bizim üçün yaxşı nəticədir".

Sadıqovun sözlərinə görə, hər bir məşqçi üçün rəqib komandanı yaxşı tanımaq üstünlükdür: "Amma bu həftə bir az çətinlik yaşadım. Rəqibin hansı heyətlə oynayacağını bilmirdim. "Qarabağ"ı daha az analiz etmişdim".

Baş məşqçi futbol oynadığı vaxtlarda da emosional olduğunu deyib: "Düşünmürəm ki, futbolçulara pis təsir edir. Gələcəkdə məşqçi kimi bu qədər danışmağı düşünmürəm. Belə rəqiblə matçlarda oyunçularda psixoloji təzyiq olur. Danışmaqla onları tonusda saxlamağa çalışıram".

R.Sadıqov cari çempionatın çətin keçəcəyini söyləyib: "Çempionatımızdakı 5 aylıq fasiləyə baxmayaraq, oyunlar gərgin keçir. İddialı komandaların sayı çoxdur. Yaxınlarımla belə, danışanda deyirəm ki, son illərin ən çətin çempionatı olacaq. İki komanda çempionluğa oynayır. Digərləri isə avrokuboklar üçün mübarizə aparır".

Gənc mütəxəssis "Qarabağ"la oyunun start fitinədək fərqli hisslər yaşadığını vurğulayıb: "Amma hakimin fitindən sonra ancaq öz komandanın qələbəsi barədə fikirləşdirdim. Çempionatımızda hər bir komandaya simpatiyam var. Amma indi yalnız öz uğurlarımız üçün çalışırıq".

Sadıqov rəqibin meydana ikinci heyətlə çıxacağını gözlədiyini bildirib: "Bu gün Qurban Qurbanovun Xayme Romero ilə Patrik Andradeyə istirahət verəcəyini düşünürdüm. Çünki qarşıda avrokubok oyunları var. Amma heyəti görəndə təəccübləndim. Bu gün gücümüz çatdığı qədər mübarizə apardıq".

O, mübahisəli epizodlar barədə isə bunları söyləyib: "İlk turda "Qəbələ" ilə matçda açıq-aşkar penalti olduğunu gördüm. Amma bu dəfə vəziyyət fərqlidir. İndi burada hansısa epizodu müzakirə etmək ədalətli olmaz. Çünki çox uzaq idim".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

22.11.2020

15:13  “Zirə” – “Keşlə” - HEYƏTLƏR

15:00  Pike zədələndi - FOTO

13:12  "Qəbələ" - "Neftçi" - HEYƏTLƏR

12:13  Günün oyunlarına necə baxaq? - TV AFİŞA

21.11.2020

14:55  "Qarabağ" - "Sumqayıt" - HEYƏTLƏR

11:51  Günün oyunlarına necə baxaq? - TV AFİŞA

20.11.2020

23:29  "Qarabağ"dan yenilik - FOTO

19.11.2020

18.11.2020

01:45  Fransa - İsveç - 4:2 VİDEO

17.11.2020

23:01  Lüksemburq – Azərbaycan - HEYƏTLƏR

16.11.2020

15.11.2020

14.11.2020

22:53  Millimiz Monteneqronu uda bilmədi - YENİLƏNİB

20:15  Azərbaycan - Monteneqro - HEYƏTLƏR

   
  O Q H M T-f X
1. Sumqayıt 4 2 1 1 6-4 7  
2. Sabah 3 2 1 0 5-2 6  
3. Neftçi 3 2 0 1 4-4 6  
4. Keşlə 3 1 2 0 1-0 5  
5. Qarabağ 4 1 2 1 5-4 5  
6. Zirə 3 1 1 1 3-4 4  
7. Qəbələ 3 0 2 1 1-4 2  
8. Səbail 3 0 0 3 3-6 0  
27.09Neftçi ---Qəbələ
26.09Səbail ---Sabah
26.09Keşlə ---Zirə
25.09Sumqayıt 2-2Qarabağ
02.10Səbail -Keşlə
03.10Qəbələ -Sumqayıt
03.10Zirə -Neftçi
04.10Qarabağ -Səbail