“Canni de Byazi çox yaxşı bilir ki, nəticə verməyəcək”

12.01.2021 | 372 dəfə oxunub

“Canni de Byazi hiss olunur ki, qürurlu insandır, nəsə eləməyə çalışır. Amma çox yaxşı bilir ki, nəticə verməyəcək”.

Stadium.Az xəbər verir ki, bunu Azərbaycan millisinin sabiq hücumçusu Kənan Kərimov yığmamızın hazırkı durumu barədə danışarkən deyib.

45 yaşlı futbol veteranı millimizin baş məşqçisi Canni de Byazinin iddialı açıqlamalarına münasibət bildirib. Son olaraq Region Liqasında Şamaxı komandasının baş məşqçisi vəzifəsini icra edən Kərimov italiyalı çalışdırıcıdan əlahiddə heç nə gözləmədiyini söyləyib:

“Onun sehrli çubuğu yoxdur ki. De Byazi özünü də aldadır, bizi də. Axırda alınmadı deyəcək, pulunu alıb gedəcək. Görürsən ki, çalışır, klubların məşqlərini izləyir, futbolçulara baxır. Amma bu da yekun nəticəni dəyişməyəcək. Millimiz hansısa oyunda 6-7 qol buraxanda ayılacağıq. Heç olmasa Lüksemburq futbolundakı inkişafa baxıb nümunə götürsünlər. AFFA axırda günahı de Byazinin üstünə atacaq ki, o boyda İtaliyadan məşqçi gətirdik, bacarmadı. Belədə yenə pullar havaya sovrulacaq, daha bir neçə il itiriləcək”.

Yığmamızın DÇ-2022-nin seçmə mərhələsindəki şanslarını da dəyərləndirən gənc mütəxəssisin qrupda Portuqaliya, Serbiya, İrlandiya və Lüksemburqla qarşılaşacaq de Byazinin kollektivinə ümidi yoxdur:

“Milli hamımızındır, qələbəsinə sevinir, məğlubiyyətinə üzülürük. Amma etiraf edək ki, Portuqaliya, Serbiya, İrlandiyaya qarşı bu komanda ilə heç nə edə bilmərik. Sadəcə, de Byazi vaxt udur, pula görə yerini isti saxlayır. Bunlar sabah yaxşı təklifi olan kimi, bağışlayın, mən gedirəm deyəcək insanlardır. Gəlmə məşqçilərə bel bağlamaq olmaz. İndiki durumda özümüzünkülərə güvənsinlər”.

DÇ-2022-nin seçmə mərhələsi martın 24-də start götürəcək. Yığmamız ilk tur çərçivəsində həmin gün Portuqaliyanın qonağı olacaq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

17.01.2021

11:20  Günün oyunlarına necə baxaq? - TV AFİŞA

10:39  "Anje" - PSJ - 0:1 VİDEO

00:21  "Fulhem" - "Çelsi" - 0:1 VİDEO

16.01.2021

14.01.2021

14:41  Günün oyunlarına necə baxaq? - TV AFİŞA

12.01.2021

11:32  Günün oyunlarına necə baxaq? - TV AFİŞA

11.01.2021

11:02  Günün oyunlarına necə baxaq? - TV AFİŞA

10.01.2021

11:21  Günün oyunlarına necə baxaq? - TV AFİŞA

09.01.2021

12:19  Günün oyunlarına necə baxaq? - TV AFİŞA

08.01.2021

05.01.2021

   
  O Q H M T-f X
1. Sumqayıt 4 2 1 1 6-4 7  
2. Sabah 3 2 1 0 5-2 6  
3. Neftçi 3 2 0 1 4-4 6  
4. Keşlə 3 1 2 0 1-0 5  
5. Qarabağ 4 1 2 1 5-4 5  
6. Zirə 3 1 1 1 3-4 4  
7. Qəbələ 3 0 2 1 1-4 2  
8. Səbail 3 0 0 3 3-6 0  
27.09Neftçi ---Qəbələ
26.09Səbail ---Sabah
26.09Keşlə ---Zirə
25.09Sumqayıt 2-2Qarabağ
02.10Səbail -Keşlə
03.10Qəbələ -Sumqayıt
03.10Zirə -Neftçi
04.10Qarabağ -Səbail