Neymar: "Oynamağımı dayandırmaq istədiyim vaxtlar olub"

PSJ-nin futbolçusu Neymar karyerası ərzində yaşadığı çətinliklərdən danışıb. Stadium.Az "Marca Gaffer"ə istinadən xəbər verir ki, braziliyalı hücumçu bir dönəm hətta karyerasını bitirmək haqda düşündüyünü bildirib:

"Futbola olan həvəsimi heç vaxt itirməyəcəyəm, amma oynamağımı dayandırmaq istədiyim vaxtlar olub. Bir gün o yerə çatdım ki, özümdən soruşdum ki, insanlar məni bəyənmirsə, niyə davam etməliyəm. Evə qəzəbli gəlirdim və sonra bu yerlərə çatmaq üçün etdiyim hər şeyi xatırladım. Futbola olan sevgim və bütün bunlar məni sakitləşdirdi və gerçəkliyə qaytardı".