Serbiyalı "Bakı" ilə müqavilə imzaladı: "İllik qazancımı açıqlamaq istəmirəm"
2013-cü ildə "Bakı"ya böyük ümidlərlə gətirilən Risto Ristoviç istəniləni verə bilmirdi. Milinko Pantiç serb yarımmüdafiəçidən konkret olaraq əlini üzmüşdü. Hətta qış "transfer pəncərəsi" vaxtında Ristonun komandadan göndəriləcəyi də bildirildi. Pantiç həmyerlisinə heç güvənmirdi.
Ancaq 10-cu turda Ristoviçin bəxti açıldı. Komandada zədəli və cəzalıların çox olmasına görə Pantiç Ristoviçə əsas heyətdə yer verməli oldu. Hücumameyilli yarımmüdafiəçi AZAL-la oyunda müdafiənin sol cinahında yer aldı. Özünü yaxşı tərəfdən göstərib Pantiçin gözünə girdi. Həmyerlisidi də bir az da şirin dillə Milinkonu "bişirdi". Turlar keçdikcə, cari mövsüm oyun görməyən Risto əsas heyətin əvəzedilməzinə çevrildi. Artıq Pantiçi əla ala bilmişdi.
Hətta öz istədiyini də etdirdi. Risto bir-iki turdan sonra artıq hücumameyilli oynayır, cərimə zərbələri zamanı isə topu ona verirdilər. Adamın Allahı var hərdən-bir elə zərbələri var ki, "Xəzər Lənkəran"ın qapıçısı Duqlas Leyte mat-məəttəl qalır. Qışda göndəriləcəyi deyilən Risto bir anda komandanın aparıcı üzvü oldu. “Bakı” onu əlindən buraxmamaq üçün onunla tez-bazar müqavilə imzalayıb.
Paytaxt təmsilçisi dünən Ristoviçlə ilyarımlıq müqaviləyə qol çəkdirib. Qazaxstan və Serbiya klublarından təklif almış futbolçu "Bakı" ilə müqavilə imzaladığına görə onları "qırmalı" olub. Serbiyalı futbolçu müqavilə haqda Stadium.az-a danışıb: “Düzdü, təzə gələndə məni oynatmırdılar. Ancaq mən heçnədən küsmədim və məşqlərimi daha həvəslə etməyə başladım. Baş məşqçi də məndə olan bu həvəsi görürdü. Digər tərəfdən futbolçuda gərək şans da olsun. Şansımı gözlədim və axırda gəldi. Meydana çıxdım özümü göstərdim, əsas heyətdə özümə yer elədim.
Pantiç indi mənə çox güvənir. Hər oyundan əvvəl deyir bunu. Mən də buna görə çox sevinirəm. Müqavilə məsələsinə gələndə, məni istəyən klublar var idi. Amma düzü burada qalmağı çox istəyirdim. Çünki mənim çox xoşum gəlir burada şəraitdən, futboldan hər şeydən. Özüm də öyrəşmişəm buraya. Klub da, mən də yeni müqavilə imzalamaq istədik. Çox sevinirəm ki, “Bakı”dayam. İllik qazancımı isə açıqlamaram. Bu düzgün sayılmır. Qarşıdakı oyunlarda da “Bakı” üçün əlimdən gələni edəcəm".
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |