"Marat İzmaylov indi yaxşı durumdadı" AÇIQLAMA

04.02.2014 | 3183 dəfə oxunub

“Qarşımıza 2 vəzifə qoyulub. Birincisi, avrokuboklara vəsiqə qazanmaqdır. Bura çempion titulunu əldə etmək də daxildir. Bu, əsas vəzifədir”. Stadium.az xəbər verir ki, bu sözləri “Qəbələ”nin baş məşqçisi Yuri Syomin deyib.

Rusiya mətbuatına müsahibə verən təcrübəli mütəxəssis bildirib ki, komandadan təkcə nəticə deyil, azarkeşləri stadiona cəlb edəcək məzmunlu oyun da tələb olunur: “Digər vəzifəmiz isə oyunlarımıza daha çox azarkeş toplamaqdır. Tamaşaçılara bizim qarşılaşmaları izləmək maraqlı olmalıdır”. Syomin vəzifələrin öhdəsindən gəlmək üçün yaradılan şəraitdən də razıdır: “Komandanın uğur qazanması üçün hər cür şərait yaradılıb. Heç bir problemimiz yoxdur. Müxtəlif vaxtlarda məşq edə biləcəyimiz 6 meydança var. Yeganə bir az üzücü məqam isə bizim aradan qaldırmalı olduğumuz məsələ - azarkeşlərin oyunlara az gəlməsidir. Bəzi matçlar çox yüksək səviyyədə keçir. Hətta Türkiyədən pis olmur.

Amma yenə tamaşaçı sayı çox aşağıdır. “Qəbələ”nin infrastrukturuna istənilən klub həsəd apara bilər. Əla futbol məktəbimiz var. Klub forması geyən uşaqlar üçün hər şərait yaradılıb. Qəbələnin özü də gözəl yerdədir. Təmiz dağ havası, möhtəşəm otelləri, sakit ab-havası var”. Rusiya yığmasının sabiq futbolçusu Marat İzmaylovun “Porto”dan icarəyə götürülməsinə də toxunan mütəxəssis onun bu həftə “Qarabağ”la ev oyununda meydana çıxmalı olduğunu da qeyd edib: “Marat İzmaylov indi yaxşı durumdadır. Yarımmüdafiəçi artıq fevralın 8-də komandamızda debüt etməlidir. Ona heç bir iradım yoxdur. Marat “Porto” kimi klubda oynayıb. Düzdür, son vaxtlar az matça çıxıb. Lakin “Porto” Avropanın ən yaxşı klublarından biridir və orada pis oyunçu olmur. Əgər bizə oyunları aparmaqda kömək etsə, bu, əla olacaq”.

Syomin Azərbaycan futbolunun inkişafından da danışıb: “Azərbaycan klubları hələ inkişaf etməkdədir. Lakin onlar düzgün yoldadırlar. Bir çox klublarda - “Neftçi”, “İnter” və “Bakı”da əla infrastruktur və uşaqlara diqqət var. Düşünürəm ki, Azərbaycan çempionatı hələ inkişaf edəcək”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

05.06.2020

18:39  Günün oyunlarına necə baxaq? - TV AFİŞA

03.06.2020

02.06.2020

01.06.2020

12:12  Günün oyunlarına necə baxaq? - TV AFİŞA

30.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ