Güvənc Kurtar: "Rəqib qapımıza bir dəfə gəldi, onda da qol oldu"

“Oyuna yaxşı başladıq, qol epizodlarımız oldu. Təəssüf ki, istifadə edə bilmədik. Rəqib qapımıza bir dəfə gəldi, onda da qol oldu. İkinci hissədə bir az daha çox risk etməyə başladıq. Qarşılıqlı hücumlar oldu. Oyunun sonlarına yaxın isə hakim rəqib qapısına 11 metrlik cərimə zərbəsini təyin etməli idi ". Stadium.az xəbər verir ki,  bu sözləri "Rəvan" klubunun baş məşqçisi Güvənc Kurtar "Bakı" ilə kubok oyunundan (0:1) sonra keçirilən mətbuat konfransında deyib.

Türkiyəli mütəxəssis cavab görüşündə mərhələnin taleyini öz xeyirlərinə həll edə biləcəklərini qeyd edib: "Kubok oyunlarında bir qol belə çox önəmlidir. Hakim ümumilikdə oyunu yaxşı idarə etdi. Bir həftə sonra cavab oyunu var, hər çey bitməyib. “Bakı”nı məğlub edəcək gücdəyik. Cavab oyununa kimi zədəli futbolçularımız da sıraya dönəcək. Kamal Bayramov son oyunlarda çox yaxşı oynadı. Hər iki qapıçımız yaxşıdır”.