Biz sənə əsəbiləşirik, sən kimə əsəbiləşirsən, Foqts?! - YAZI
Budurmu AÇ-2016-nın final mərhələsinə çıxmağı hədəfləyən millimiz?! Bu oyunla?! Əgər buna oyun demək mümkünsə! 90 dəqiqə boyunca səviyəsiz oyun göstərən yığmamız məğlubiyyətə layiq idi. Belə bərbad oyunla bir xal belə bizə haramdı.
Əslində, komandamızın heyətində lazımsız oyunçular çoxdu. Bizə Ufuk Budak, Dmitri Nazarov, Rüfət Dadaşov kimi futbolçular lazım deyil. 90 dəqiqə ərzində meydanda olan Dadaşov sanki bir ruh olub gizlənmişdi. Oyunboyu onu meydanda görməyə çalışdım, lakin görə bilmədim. İlk hissədən sonra əvəzlənəcəyini gösləsəm də, bu da baş tutmadı. Necə deyərlər, sən saydığını say, gör fələk nə sayır!
Təbii ki, burda fələk Foqtsdu. Meydana buraxdığı futbolçularla bizləri "heyran" edən Berti əkənin nə düşündüyünübaşa düşmürəm. Alman məşqçinin Rüfət Dadaşovu nəyə görə sonadək meydanda saxlamasını anlamıram. Yəqin, Foqts bizdən fərqli olaraq, onun fəal oynadığını görüb. Məhz bu üzdən də sözügedən futbolçu sonadək meydanda qalaraq, komandası üçün "tər töküb"!
Birinci yarıda düzəməlli hücum etməyən yığma komandamız, eyni ssenarini ikinci yarıda da nümayiş etdirib. 54-cü dəqiqədə Nazarovun vurduğu qol isə sadəcə bir şans idi. 90 dəqiqə ərzində qapıya bir dəqiq zərbə endirə bildik ki, o da xoşbəxtlikdən qolla nəticələndi.
Hesab bərabərləşdikdən sonra AÇ-2016-ya iddialı olan Foqtsun yetirmələrinin fəallaşacağını gözləyirdik. Ancaq əksinə oldu, bolqarlar qələbə topunu vurmaq üçün yenidən irəli atıldı. Rəqib komandanın həmlələri axır-əvvəl nəticəsini verməli idi. Nəhayət, 87-ci dəqiqədə Bolqarıstan seçməsi yenidən önə keçdi. Bununla, AÇ-2016-nın final mərhələsini hədəfləyən millimiz uduzdu.
Bizim yığma ilə davamız udub-uduzmaqdan getmir. Uduzursansa, kişi kimi uduzacaqsan, meydanda canını qoyacaqsan, son nəfəsinə kimi vuruşacaqsan. Yalnız belə olan halda, nəticədən asılı olmayaraq, yığmanı alqışlayarıq. Ancaq millimizdən bu fədakarlığı görmədik.
Hələ oyunsonrası təşkil olunan mətbuat konfransından danışmıram. Jurnalistlərin suallarını cavablandırmağa borclu olan "dahi məşqçi" Foqts, Rüfət Dadaşovla bağlı verilən suala almanca cavab verir, utanmaz-utanmaz əsəbiləşərək, zalı yarımçıq tərk edir. Biz sənə əsəbiləşirik, sən kimə əsəbiləşirsən, Foqts?!
İnanıram ki, tez bir zamanda Foqts bəlasından qurtulacağıq. Artıq azarkeşlərimiz də bu almandan iyrənib. Bu günkü oyunda növbəti "istefa" şüarları buna nümunədi.
AFFA, heç olmasa azarkeşlərimizi yığma komandamızdan iyrəndirməyin! Axı milli bizim qürur mənbəyimizdi!
ELVİN RÜSTƏMOV
|
||||||
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |