8 oyunda 6 qələbə

29.11.2014 | 1908 dəfə oxunub

“Qəbələ” Futbol Akademiyasının komandaları növbəti oyunlarını keçirib. Stadium.Az xəbər verir ki, AFFA-nın müxtəlif yaş qrupları üzrə təşkil etdiyi liqalarda 8 komanda 6 qələbə qazanıb, 

1 heç-heçə edib və 1 matçda uduzub. U-19 komandamız “Simurq”la səfər oyununda 0:1 hesabı ilə uduzub. 9 oyunda 2-ci yenilgisini alan “Qəbələ” 19 xalla 2-ci pillədə qərarlaşıb. “Qırmızı-qaralar” növbəti turda “Əlincə”ni qəbul edəcək.

Ardıcıl 7 qələbədən sonra ilk dəfə xal itirən U-17 “Neftçi” ilə səfər matçında heç-heçə edib – 1:1. 8 oyunda topladığı 22 xalla liderlik edən “qırmızı-qaralar” növbəti turda “Bakı”nı qəbul edəcək. Komandamızın üzvü Rövlan Muradov isə 11 qolla bombardirlər siyahısına başçılıq edir.

U-16 öz meydanında “Simurq”u 4:0 hesabı ilə məğlub edib. 9 matçda 22 xal əldə edən “Qəbələ” 2-ci pillədə qərarlaşıb. Komandamız növbəti turda səfərdə “MKT-Araz”la görüşəcək.

U-15 öz meydanında “Vətən” üzərində böyükhesablı qələbə qazanıb – 4:0. 9 oyundan sonra hesabında 20 xal olan “qırmızı-qaralar” “Fortuna” ilə səfər matçı öncəsi 2-ci yerdə qərarlaşıb. 11 qol vuran Kamran Quliyev bombardirlər yarışının liderləri arasındadır.

Paytaxt zonasında çıxış edən U-14 səfərdə “Rəvan”ı iki cavabsız qolla məğlub edib. 9 turdan sonra 22 xalla ikinci olan “Qəbələ” qarşıdakı oyununda “Bakı kəndləri” ilə görüşəcək.

Şimal-Qərb və Qarabağ regionunun Qəbələ zonasında mübarizə aparan U-13 Yevlaxın UGİM-ini 12:0 hesabı ilə məğlub edib. 21 xalla I dövrəni 2-ci yerdə tamamlayan “Qəbələ” zona yarışlarının ikinci yarısına da Yevlax təmsilçisi ilə matçla başlayacaq. Qeyd edək ki, akademiyamızın yetirməsi Veysəl Rzayev 14 qolla I dövrədə zonanın bombardiri olub. Komanda yoldaşı Nihad Bağırov isə ondan 1 top geri qalıb.

U-12 komandası “Daşqın” üzərində çətin qələbə qazanıb – 3:2. 8 matçda 20 xal toplayan “Qəbələ” zirvədə yer alıb. 15 qol vuran Taleh Qarayev isə zonanın ən məhsuldar oyunçusudur.

U-11 ilk dövrəni 17:0 hesablı qələbə ilə başa vurub. “Rabitəçi” üzərindəki bu qələbədən sonra 8 matçda topladığı xalların sayını 21-ə çatdıran “qırmızı-qaralar” 2-ci pillədə yer alıb. 15 qol vuran Fuad Əhmədov isə zonanın bombardiri adına şərikdir.


gabalafc.az

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

26.09.2017

25.09.2017

24.09.2017

17:23  "Qəbələ" - "Neftçi" - HEYƏTLƏR

23.09.2017

19:16  "Zirə" - "İnter" - HEYƏTLƏR

17:45  "Səbail" - "Kəpəz" - HEYƏTLƏR

11:18  "Lill" - "Monako" 0:4 VİDEO

22.09.2017

   
  O Q H M T-f X
1. Qarabağ 5 5 0 0 12:3 15  
2. Zirə 6 4 2 0 12-5 14  
3. Qəbələ 5 3 1 1 8:5 10  
4. İnter 6 2 2 2 7:7 8  
5. Sumqayıt 6 2 1 3 6:10 7  
6. Səbail 5 2 0 3 4-6 6  
7. Kəpəz 6 0 1 5 3-11 1  
8. Neftçi 5 0 1 4 2-6 1  
24.10Qəbələ ---Neftçi
23.10Zirə 1-1İnter
23.10Səbail 1-0Kəpəz
22.10Qarabağ 4-1Sumqayıt
08.08Səbail -Qarabağ
09.08Kəpəz -İnter
09.08Qəbələ -Zirə
10.08Sumqayıt -Neftçi