"Kəpəz"lə oyuna yalnız qələbə üçün çıxırıq"

“Kəpəz”lə oyuna ciddi hazırlaşırıq. Komandada hər şey öz qaydasındadır”. Stadium.az xəbər verir ki, bu fikirləri “Bakı”nın gənc futbolçusu Novruz Məmmədov deyib. 
O bildirib ki, avqustun 27-də Premyer Liqanın IV turunda “Kəpəz”lə matçda yalnız qələbə üçün mübarizə aparacaqlar: “Çempionatda asan rəqib yoxdur, “Kəpəz”lə oyun da asan olmayacaq. Ötən tur ilk qələbəmizi qazandıq və növbəti oyunlarda bunun davamının gəlməsini arzulayıram. Fikrimcə, uyğunlaşma dövrü artıq geridə qalıb. Hər oyuna sonuncu kimi baxıb, yalnız 3 xal üçün vuruşuruq və inanıram ki, sonda qarşıya qoyulan vəzifələrin həllinə nail olacağıq. “Bakı” ilə çempionluq yaşamaq istəyirəm”.