"Atletiko" və "Udineze"yə "yox" deyən futbolçu: "Qardaşıma rəqib olmaq xoşuma gəlir"

17.02.2015 | 3185 dəfə oxunub

İki qardaşın eyni məktəbdə oxuması, eyni universitetdə təhsil alması, eyni hərbi hissədə xidmət keçməsi, eyni idarədə çalışması barədə çox eşitmişik. Amma çox nadir hallarda iki qardaş eyni futbol klubunun şərəf ni qoruyur. Azerisport.az xəbər verir ki, belə qeyri-adi hala “Qəbələ” klubunda da rast gəlmək mümkündür. “Qəbələ” Futbol Akademiyasının 17 yaşlılardan ibarət komandasının üzvü Fərid Nəbiyev əvəzedici heyətin yarımmüdafiəçisi Yusif Nəbiyevin doğmaca qardaşıdır.

Ağstafa komandasından yığmanın kapitanlığına qədər

Kiçik qardaşın futbola gəlişi elə böyük qardaşın təşəbbüsü ilə gerçəkləşib. Üç il Ağstafa komandasında oynadıqdan sonra 2010-cu ildə “Qəbələ” Futbol Akademiyasının seçimlərinə qatılıb. Baxışdan uğurla keçən Nəbiyev  “Qəbələ”nin müxtəlif yaş qruplarından ibarət komandalarında oynayıb. Hazırda “qırmızı-qaralar”ın U-17 komandasında çıxış edən yarımmüdaf əçi Azərbaycanın 16 yaşlılardan ibarət yığmasında da forma geyinir. Fərid hətta U-16 yığmasının kapitan sarğısını daşımaq kimi çətin və şərəf i vəzifəni yerinə yetirir.

Qardaşıma rəqib olmaq xoşuma gəlir

Demə, onun “Qəbələ”yə gəlişi heç də qardaşının burada oynaması ilə əlaqədar deyil: “Əksinə, qardaşımla fərqli komandalarda oynamaq istərdim. Çünki ona rəqib olmaqdan xoşum gəlir. Sadəcə, hər ikimiz Azərbaycanın bir nömrəli futbol akademiyasını seçmişik. Yusif məndən 2 yaş böyükdür. O, məni həmişə dəstəkləyir, oyunlarımı izlədikdən sonra çatışmayan cəhətlərimi deyir. Futbolçu olmağımda mənə ən çox elə qardaşım, bir də müəllim Ülfət Mədətov kömək olub. Açığı, biz ayrı-ayrı mövqelərdə oynayırıq, buna görə də hansımızın güclü olduğunu deyə bilmərəm”.

Pressinq, Pressinq...

Adətən, hücumçuların arxasında yer alan Fərid yarımmüdafiədə müxtəlif funksiyaları yerinə yetirmək qabiliyyətinə də malikdir. Onun da uğurlu oyunu sayəsində “Qəbələ”nin U-17 komandası cari mövsümdə bütün rəqiblərinə futbol dərsi keçir. Təsadüfi deyil ki, turnir cədvəlinin birinci pilləsində qərarlaşan “qırmızı-qaralar” həm də ən çox qol vuran və ən az top buraxan komandadır: “Bu uğurumuz kollektivdəki mehribanlıqla bağlıdır. Hər bir oyuna qələbə naminə çıxırıq və var gücümüzlə çalışırıq ki, məşqçilərin tapşırıqlarını yerinə yetirək, onların etimadını doğruldaq”.

Avropadan iki təklif

Tam mübaliğəsiz demək olar ki, Fərid Nəbiyev Azərbaycan futbolunun gələcək ulduzlarından biridir. O, yaşıdları arasında ən istedadlı və perspektivli futbolçulardan sayılır. Yaşının az olmasına baxmayaraq, sözügedən yarımmüdaf əçi Avropanın nüfuzlu klublarının diqqətini çəkməyi bacarıb. Fərid İspaniyanın “Atletiko” və İtaliyanın “Udineze” klublarından təklif alıb. Ancaq müxtəlif səbəblərdən bu klublara “yox” cavabı verib: “Milli komandanın heyətində İspaniyada təlim-məşq toplanışında olarkən, Madrid “Atletiko”su ilə yoldaşlıq görüşü keçirdik. İspanlar oyunumu həmin matçda bəyənmişdilər. Lakin o zaman 14 yaşım var idi. Məşqçilər mənə tələsməməyi, öz üzərimdə daha çox işləməyi məsləhət gördülər. “Udineze”nin nümayəndələri isə ötən il “Qəbələ Cup” turnirində mənimlə maraqlanırdılar. Bu dəfə də məşqçilərin tövsiyəsi ilə Qəbələdə qaldım”.

Ancaq Fərid xarici çempionatda oynamağı çox arzulayır: “Ən sevdiyim xarici klublar “Qalatasaray” və “Barselona”dır. Elə buna görə də Türkiyədə və ya İspaniyada legioner həyatı yaşamaq istərdim. Bundan başqa Azərbaycanın əsas milli komandası ilə də bağlı arzularım var. İstərdim ki, ölkəmizin bir nömrəli komandasına yüksəlim, öz uğurlu oyunumla valideynlərimi və bütün futbol azarkeşlərini sevindirim. Təbii ki, hər şeydən öncə "Qəbələ"nin əsas komandasında uğurlu çıxış etmək vacibdir"

("Qəbələ" İK qəzeti)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail