Millimizin çalışdırıcısı: "Böyük sıçrayış gözləmək olmaz" - MÜSAHİBƏ

23.04.2015 | 3191 dəfə oxunub

21 və 19 yaşadək qızlardan ibarət Azərbaycan yığmasının baş məşqçisi Patrisiya Qonzales AFFA-nın rəsmi saytına müsahibə verib. Stadium.Az həmin müsahibəni təqdim edir:.

 

- Bir müddət öncə Bakıda UEFA-nın İnkişaf turniri keçirildi. Yarışda iştirak edən 16 yaşadək qızlardan ibarət Azərbaycan yığmasının çıxışı barədə nə deyə bilərsiniz?

- Bu turnirin nəticəsi bizi çox razı saldı. Çünki artıq nəticə verməyin vaxtıdı. İndiyədək görülən işlər öz bəhrəsini verməlidi. Bu, ölkədə tətbiq edilən müxtəlif layihələrin nəticəsidi. Bizim gənc oyunçularımız üçün bu stimul olacaq. Turnirdə qalib gəlmələri əlavə motivasiyadı.

 

- 19 yaşadək qızlardan ibarət Azərbaycan yığması Avropa çempionatının seçmə mərhələsinə hazırlaşır. Planlarınız necədir?

- Hazırda komanda stabil olaraq məşq edir. Sentyabrda Avropa çempionatının seçmə mərhələsi keçiriləcək. İyul ayında Qazaxıstanda beynəlxalq turnir təşkil olunacaq. Həmin yarışa hazırlaşırıq.

 

- AÇ-nin seçmə mərhələsində qarşınıza hansı məqsəd qoyulub?

- Növbəti mərhələyə adlamaq istəyirik. Bütün gücümüz və diqqətimizi də buna yönəltmişik.

 

- Bu il 21 yaşadək qızlardan ibarət Azərbaycan yığması beynəlxalq turnirlərdə iştirak etdi. Bu yarışlar nə dərəcədə səmərəli oldu?

- UEFA bu yaş qrupundan ibarət komandalar üçün hər hansı yarış nəzərdə tutmayıb. Ona görə də çalışırıq ki, müxtəlif oyunlar keçirək.

 

- Yəqin ki, əsas məqsəd futbolçuların əsas milliyə hazırlanmasıdı...

- Bəli. Bu, başlıca məqsədlərdən biridi. Düzdür, əsas millinin yaradılacağı vaxt konkret müəyyənləşməyib. Lakin biz indidən bu istiqamətdə işlər görürük.

 

- AFFA-nın təşkil etdiyi qızlar liqalarında mübarizə, oyunların səviyyəsi sizi qane edirmi?

- 2013-cü ildə Azərbaycana gəldiyim zaman görülən ilk işlərdən biri U-13 qızlar liqasının təşkil edilməsi oldu. O vaxta qədər bu yaş qrupu üzrə oyunlar keçirilmirdi. Hazırda bu liqanın səviyyəsi xeyli artıb. Düzdür, bu liqa yaş qrupları üzrə ən aşağısıdır. Orada hazırkı durumda hansısa nəticələr və böyük sıçrayış gözləmək olmaz. Lakin bacarıqlı və gözəl futbol nümayiş etdirən oyunçular var.  U-16 Liqası əvvəlki kimi keçir. Hazırda çalışırıq ki, U-19 liqasında komandalar daha peşəkar səviyyədə mübarizə aparsın.

 

- UEFA-nın tələbi var ki, peşəkar futbol klublarının tərkibində qadın komandaları da olmalıdır. Belə bir liqanın təşkilinin nə kimi xeyri olacaq?

- U-19 Liqasını peşəkar səviyyəyə çatdırsaq, klublar peşəkarlaşsa, bunun bizə çox xeyri olacaq. Əgər futbolçular peşəkar klublarda oynasalar, vəziyyət daha yaxşı olacaq. Peşəkar klub tamam başqa anlayışdı. O zaman məşqlər də, yarışlar da, oyunlar da fərqli olacaq. Yəni qızlarımız yeni bir səviyyəyə keçəcəklər. Onlar daha peşəkar olacaq və qadın futbolunun inkişafına xüsusi təkan verəcək. AFFA bu yöndə ciddi işlər görür.

 

- Ölkəmizə gəldiyiniz dövrlə müqayisədə qadın futbolunda hansı inkişafı görürsünüz?

- Yığmalarımız barədə fikrimi demək istəyirəm. Komandalarımızın seçmə mərhələlərdəki perspektivinə gəlincə, əminliklə deyə bilərəm ki, yaxın gələcəkdə biz bu mərhələləri mütləq keçəcəyik. Çünki artıq güclü komandalarla qarşılaşmağı, onlara qarşı mübarizə aparmağı bacarırıq. Ümumilikdə qadın futbolunun inkişafına gəlincə, kəmiyyət baxımından xeyli artım var. Liqaların və komandaların sayı artıb. Keyfiyyət baxımından da artımın olması üçün ciddi işlər görülür. Bu yöndə bir çox layihələr tətbiq edilir. Məsələn, Elit Məşq layihəsi sayəsində qızlarımız mütəmadi olaraq məşqlər keçirlər və formada olurlar. Qadın məşqçilər üçün B kateqoriyalı kurslar təşkil etmişik. Bütün bunların müsbət nəticəsini yaxın zamanda görəcəyik. Eyni zamanda, AFFA-da Qadın Futbolunun İnkişafı Departamentinin yaradılması da inkişaf üçün əlavə təkan verir. İndi daha müstəqilik. İşlərin də ən yüksək səviyyədə görülməsi üçün çalışırıq.

 

- B kateqoriyalı məşqçi kurslarının keçirilməsinin məqsədi nədi?

- İnkişafın olması üçün mütəxəssislər lazımdı. Hazırda Azərbaycanda istedadlı qızlar var. Onların püxtələşməsi üçün savadlı kadlara ehtiyac var. Keçmiş futbolçular bu mənada ən yaxşı kadrlardı. Eyni zamanda, hazırda futbol oynayan qızlardan da bəziləri bu kurslara qatılır. Bu da səbəbsiz deyil. Onlar əvvəl-axır karyeralarını başa vuracaqlar. Əgər məşqçi kurslarına qatılsalar, gələcəkdə məşqçi işləmələri üçün şərait yaranacaq. Mənim üçün ən vacib məsələ istəkdi. Həmin qızların qabiliyyətini və həvəsini görərək şərait yaradırıq. İstəyirik ki, karyeralarını başa çatdırdıqdan sonra onları itirməyək, əksinə, həmin insanların futbolumuza xeyir verməsinə kömək edək.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail