Jaba: " Hafiz bəy deyib ki, narahat olmayın" - MÜSAHİBƏ

29.04.2015 | 8074 dəfə oxunub

"Bakı"nın hücumçusu Jaba müsahibə verib. 

Qol.Az-ın məlumatına görə, braziliyalı futbolçu komandanın hazırkı durumu, Premyer Liqamızın səviyyəsi və "Bakı"dakı gələcək karyerası haqda danışıb.


- Hazırda "Bakı"da vəziyyət necədir?

- İndi bütün fikrimizi qarşıdakı oyuna yönəltmişik. Məşqlərdə tam gücümüzlə çalışırıq. Qarşıda “Xəzər Lənkəran”la vacib oyunumuz var. Həmin oyuna hazırlaşırıq. Məqsədimiz də həmin oyunda qələbə qazanmaqdır.

- Hazırda "Bakı" kimi "Xəzər Lənkəran"ın da heyəti əsasən gənclərdən qurulub. Bu məqam qələbəyə olan ümidinizi daha da artırırmı?

- "Xəzər Lənkəran" da zəif komanda deyil. Ona görə də oyun çətin keçəcək. Rəqibə hörmətlə yanaşırıq. Lakin biz meydan sahibiyik və azarkeşlərimizi sevindirmək istəyirik.

- Son turlarda ehtiyatda qalmağının səbəbi nədir?

- Xəstələnmişdim. 4 gün məşqlərdən kənarda qaldım. Meydana çıxmağa hazır deyildim, ona görə baş məşqçidən özüm xahiş etdim ki, məni meydana buraxmasın. İndi hər şey qaydasındadı. Heç bir problem yoxdur.

- Amma bəziləri iddia edir ki, maddi məsələləri önə çəkərək oynamaq istəmirsən…

- Yox, yalan söhbətdir. Elə bir şey yoxdur. Pul olmasaydı, ya da hazırkı durumumdan narazı qalsaydım, indi Bakıda yox, Braziliyada olardım.

- Baş məşqçi İbrahim Uzunca ilə münasibətin necədir?

- Yaxşıdı. Bir-birimizi anlayırıq. Heç bir problemimiz yoxdur.

- Bəs, klubun icraçı direktoru Yaşar Seyidovla İbrahim Uzunca arasındakı problem haqda hansı fikirdəsən?

- Bu, mənə aid sualı deyil. Öz işləridir.

- “Bakı”nın hazırkı heyətini, komandanın əsasən təşkil edən gənclərin çıxışı ürəyincədirmi?

- “Bakı”da istedadlı gənclər var. Növbəti mövsümdə “Bakı” yaxşı oynayacaq. Bu il təcrübə toplayırlar. Gələn il isə daha yüksək səviyyəli oyun səgiləyəcəklər.

- Gələn il səni də komandada görə biləcəyik?

- Bunu indidən dəqiq söyləmək olmaz. Düzünü demək lazımdır. Hər şey maddi durumdan asılıdır. Əgər vəziyyət düzəlsə, böyük məmuniyyətlə “Bakı”da qalacağam.

- Klubun prezidenti Hafiz Məmmədov gələcəklə bağlı hansı fikirdədir?

- Hafiz bəy deyib ki, narahat olmayın. Kənardan kim nə deyir bilmirəm, ancaq mən pulumu alıram. Ona görə də oynamağıma davam edirəm. Komandanın uğuru üçün də əlimdən gələni edirəm.

- Daha əvvəllər də Azərbaycan Premyer Liqasında oynamısan. Çoxları deyir ki, əvvəlki illərə baxanda hazırda çempionatın səviyyəsi aşağı düşüb. Bu fikirlə razısan?

- Əvvəl iddialı komandaların sayı çox idi. “Bakı”, “Xəzər Lənkəran”, “İnter”, “Qəbələ”, “Neftçi”, “Qarabağ” çempionluq uğrunda mübarizə aparırdı. İndi isə “Qarabağ” rahat şəkildə çempionluğa doğru gedir. Azca onlara “İnter” müqavimət göstərir. Qalanları isə çox geri qalır. Sanki bir durğunluq yaşanır. Bu gün Azərbaycanda “Qarabağ”a rəqib yoxdu. (futbolxeber)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

28.03.2020

27.03.2020

26.03.2020

25.03.2020

24.03.2020

23.03.2020

22.03.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ