“Bakı” ilə qalmaqallı oyundan sonra şəhərdən getməliydik"

13.09.2011 | 6860 dəfə oxunub

“İnter”in yarımmüdafiəçisi Asif Məmmədov klubun rəsmi internet saytına müsahibə verib. Stadium.az xəbər verir ki, futbolçu “Simurq”la oyun barədə fikirlərini bölüşərək “Sumqayıt Şəhər”lə sabahkı matç haqqında danışdı.

- Asif, bilirik ki, “İnter” bu yaxınlarda Gürcüstandan təlim-toplanışdan qayıdıb. Bu toplanış komandaya növbəti oyunlarda kömək edəcəkmi?
- Düşünürəm ki, toplanışın xeyrini hamı “Simurq”la oyunda gördü. “Bakı” ilə qalmaqallı oyundan sonra şəhərdən getmək yaxşı olardı. O zaman güclü təzyiq altına düşmüşdük. Ancaq Gürcüstana yollandıq və gərginliyi müəyyən qədər azaltdıq.

- “Bakı” ilə oyunda yaşanan xoşagəlməz dəqiqələri unutmaq mümkün oldu?
- Əlbəttə. Biz hamımız belə məqamlara peşəkarcasına yanaşmalıyıq. Hazırda həmin anları unutmuşuq və hətta baş verənlər haqqında düşünmürük.

- “Simurq”la matç barədə danışaq. Arzulanan qələbəni əldə etməsinə baxmayaraq, oyun “İnter” üçün asan olmadı...
- Öncədən bilirdik ki, oyun çətin olacaq. Demək istərdim ki, “Simurq” ötən illə müqayisədə hiss olunacaq dərəcədə güclənib. Ancaq buna baxmayaraq, 3 xalı əldə etməyi bacardıq və ən əsası da budur.

- Artıq sabah komandanı növbəti rəqib - "Sumqayıt Şəhər” gözləyir. Bu qarşılaşma barədə nə deyə bilərsiniz?
- “Sumqayıt Şəhər” yaxşı komandadır. Dünən onun “Qarabağ”la qarşılaşmasını izlədim və deyim ki, onlar çox yaxşı təəssürat oyatdılar və hətta həmin görüşdə qalib də gələ bilərdilər. “Sumqayıt Şəhər”ə qarşı oyunda bizə asan olmayacaq, lakin biz meydana yalnız qələbə üçün çıxırıq və buna görə də, bu matçdan yalnız 3 xal gözləyirik.

- Şənbə günü komanda “Simurq”la oynadı, 3-cü gün isə “İnter”i “Sumqayıt Şəhər”lə qarşılaşma gözləyir. Belə qısa müddətdə 2 oyun keçirmək çətin olmayacaq ki?
- Fikrimcə, bizə çətin olmayacaq, ona görə ki, biz bu yaxınlarda toplanışdan qayıtmışıq və yaxşı formadayıq. Fikirləşirəm ki, “Sumqayıt Şəhər”lə matça tam hazırlıqlı vəziyyətdə yanaşacağıq, axı 3-4 gün hazırlaşmaq üçün tamamilə kifayət edir.

- Sizcə “İnter”in azarkeşləri bu mövsüm komandadan nə gözləməlidirlər?
- Deyim ki, “İnter”i vaxtından əvvəl hesabdan silmək tezdir. Komandamızda həmişə yalnız çempionluq barədə düşünürlər. İnşallah, bu mövsüm bu məqsədimizə çatacağıq. Çempionluq bizim əsas məqsədimizdir. Avrokuboklara düşməyimizisə minimum tapşırığımız hesab edirəm.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

“Bakı” ilə qalmaqallı oyundan sonra şəhərdən getməliydik"

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023