Asif Məmmədov: “II təsnifat mərhələsində də çətin oyunlar olacaq"

11.07.2015 | 3039 dəfə oxunub

“Dinamo” ilə ilk oyunda uduzduğumuzdan cavab matçına çox ciddi hazırlaşmışdıq”.

Stadium.az xəbər verir ki, bu sözləri UEFA Avropa Liqasında iştirak edən “Qəbələ”nin II mərhələyə adlamasında böyük əməyi olan Asif Məmmədov gabalafc.com saytına açıqlamasında deyib.

UEFA Avropa Liqasının I təsnifat mərhələsində Gürcüstan “Dinamo”su (Tiflis) ilə qarşılaşan “Qəbələ” ilk oyunda 1:2 hesabı ilə uduzsa da, cavab matçında 2:0 hesablı qələbə qazanaraq avrokuboklarda mübarizəni davam etdirmək hüququ qazanıb.

Hər kəsin onlardan qələbə gözlədiyini bildirən yarımmüdafiəçi layiqli qələbə qazandıqlarını qeyd edib:

“Qarşılaşmaya hazırlıq zamanı ikiqat səylə çalışmışdıq. Hamı bizdən qələbə gözləyirdi. Əziyyətimizin bəhrəsini görüb, qalib gəldik. Artırılan vaxtı da saysaq, 95 dəqiqə rəqibdən üstün oynadıq. Bunun da nəticəsində layiqli qələbə qazandıq. Bir həftə əvvəl Tiflisdə də qalib gələ bilərdik. Lakin komandada yeni oyunçular çoxdur və bu futbolçular arasında anlaşma üçün zaman lazım idi. Həmin matçı təhlil edib, çatışmazlıqları aradan qaldırdıq. Meydana daxil olanda qol vuracağıma inanırdım. Çünki belə bir vəziyyətdə baş məşqçi mənə inanıb, meydana buraxıbsa, deməli məndən qol gözləyir. Mən də hücumçuyam və rəqib qapısına yol tapmalıyam. Hətta vaxt az olsa belə bunun üçün çalışmalıyam. Görürdüm ki, komandamız aşkar üstün futbol göstərir, daim hücumdadır və qol vurmaq üçün imkanlar var. Hətta oyundan qabaq komanda yoldaşım Samir Zərgərova demişdim ki, bu matçın taleyini ikimizdən birinin vurduğu qol həll edəcək. Vurduğum qol bütün komandanın əməyidir. Qol epizoduna gəlincə, Arif Daşdəmirovun ötürməsindən sonra fərqləndim. Onunla əvvəllər də eyni komandada çıxış etmişəm. Bilirəm ki, cinahla irəliləyib arxaya ötürmə verir. Yenə belə olacağına əmin olmasam da, o, ötürmə verəndə dayandım. Hamı irəli getdiyindən bir az arxada tək qaldım. Arifin də ötürməsini tamamlaya bildim. Çox sevinirəm ki, qalib gəldik. Bu oyun çox vacib olduğundan qələbə qazanmalı idik”.

8 ildən sonra yenidən “Qəbələ”nin heyətində rəsmi oyuna çıxan Məmmədov “qırmızı-qara” formada 10-cu oyununu keçirib. Komandada 4-cü qolunu vuran futbolçu II təsnifat mərhələsindəki rəqib haqda da fikirlərini bölüşüb. Məmmədov Serbiyanın “Çukariçki” klubu ilə görüşlərdə də qələbə qazanmağa çalışacaqlarını bildirib:

“II təsnifat mərhələsində də çətin oyunlar olacaq. Bu üzdən qarşılaşmalara ciddi hazırlaşacağıq. Düzdür, konkret “Çukariçki” haqqında hələlik ətraflı məlumatım yoxdur. Amma Serbiya futbolunun – həm yığma, həm klub səviyyəsində güclü olduğunu bilirik. Həm də bu komanda mərhələ keçibsə, deməli ciddi rəqibdir. Qarşıda bizi çətin oyunlar gözləsə də, mərhələ keçməliyik. Avropa Liqasında qrupa düşməyi düşünürük. Buna görə də təsnifat mərhələlərini adlamalıyıq”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail