"Rudar"ının baş məşqçisi: “Qarabağ” "Neftçi"dən çox güclü komandadır"

Sabah “Qarabağ”ın Çempionlar Liqasının II təsnifat mərhələsindəki rəqibi Monteneqro "Rudar"ının baş məşqçisi Mirko Mariç oyundan əvvəl bu gün jurnalistlərin suallarını cavablandırıb:

- Bilirik ki, sabahkı oyun bizim üçün çox çətin olacaq. Bu komandanın ötən il Avropa Liqasındakı çıxışından xəbərimiz var. Heyətin böyük əksəriyyəti də ötən mövsümün futbolçularıdır.

“Qarabağ” bir Avropa komandasıdır. Dediyim ki, biz rəqibə hörmət edirik. Biz sabah əlimizdən gələnin ən yaxşısını etməy çalışacağıq.

- “Qarabağ” haqda nələr bilirsiz?

- Bilirik ki, burada həm köhnə, həm də yeni futbolçular var. “Qarabağ”ın maddi imkanı ələ verir ki, onlar istədiyi futbolçunu ala bilsin.

- Bundan əvvəl də Azərbaycan və Monteneqro klubları üz-üzə gəlib. Siz Azərbaycan futbolu barədə nə düşünürsüz?

- Biz “Neftçi” və “Mladost” un hər iki oyununa baxmışıq. Amma “Qarabağ” “Neftçi”dən daha güclü klubdur. Buna görə də bu komandaları eyniləşdirmək olmaz.

- Heyətlə bağlı hansısa probleminiz var?

- Bir nəfər zədəli futbolçumuz var. Yapon əsilli oyunçumuzdur. Başqa problemimiz yoxdur.

- Sabah stadionda ən azı 20 min azarkeş olacaq. Sizin komanda bu qədər azarkeş qarşısında meydana çıxıb?

- İki il əvvəl Avroliqada Polşa klubuna qarşı səfərdə 30 min azarkeş qarşısında oynamışdıq. “Qarabağ” bu qədər azarkeş qarşısında oynamağa öyrəşib. Bizdə isə ən çox 1200 azarkeş olur.

- Sabah konkret hansı nəticə üçün oynayacaqsız?

- Meydana ancaq qələbə üçün çıxacağıq. Təbii ki, rəqib buna imkan versə.