Roman Qriqorçuk: "Hələ ki, ideal futboldan uzağıq"

16.07.2015 | 3481 dəfə oxunub

"Tiflis "Dinamo”sundan güclü oynadığımıza gorə novbəti mərhələyə vəsiqəni biz qazandıq. Artıq bu qələbə tarixdə qalıb və butun diqqətimizi II təsnifat mərhələsi oyunlarına, novbəti rəqibə yonətlmişik”.

Stadium.az xəbər verir ki, bu sözləri "Qəbələ"nin baş məşqcisi Roman Qriqorcuk deyib.

Matçdan sonra yetirmələrinə 2 günlük istirahət verən Qriqorçuk "Çukariçki” klubu ilə oyuna hazırlıqdan da danışıb: "Uzun müddətdir fasiləsiz işləyirdik. Ağır çalışmalar və çətin oyunlardan sonra futbolçularımıza dincəlmək lazım idi. Onlar bunu etdilər və iyulun 12-də axşam saatlarında bir araya gəldik. Adi qaydada hazırlığımızı davam etdiririk. Komanda yenidən yığışandan sonra əsas məsələ son oyunu təhlil edib, növbəti rəqiblə tanış olmaq idi. Növbəti mərhələdə qarşılaşacağımız Serbiya komandası haqqında yetərincə məlumat toplamışıq. ”Çukariçki” çox ciddi rəqibdir. Bu komanda, demək olar, ikinci mövsümdür eyni heyətlə oynayır”.

Ukraynalı çalışdırıcı "Çukariçki”ni Tiflis "Dinamo”su ilə müqayisə etməyi məqsədəuyğun saymayıb. O, növbəti rəqibin oyun üslubunu belə xarakterizə edib: "Çukariçki” atletik futbola üstünlük verir. Meydanda mübariz oyun nümayiş etdirir, güclü pressinq etmək bacarığına malikdir. Özü də ağıllı oyun göstərir. "Çukariçki” çox təşkilatlanmış komandadır, oyun nizam-intizamı ilə seçilir. Rəqibin heyətində çoxlu yüksək səviyyəli futbolçular var ki, onlar yaxşı oynaya, verilən tapşırıqları meydanda yerinə yetirə bilirlər”.

Qriqorçuk I təsnifat mərhələsində ilk oyunu, vəziyyətə uyğun olaraq, öz meydanında keçirməyin daha yaxşı olduğunu açıqlamışdı. Birinci matçı yenə səfərdə keçirəcəyimizdən, Qriqorçukun məkanla bağlı fikri maraqlı idi: "Birinci təsnifat mərhələsi ərəfəsində bizdə vəziyyət bir qədər fərqli idi. Heyət, demək olar, yeni yığılmışdı və necə oynayacağımızı özümüz də bilmirdik. Həmin vaxt Tiflis "Dinamo”suyla ilk matçı evdə oynamaq bizə daha asan olardı. Amma artıq 2 matç keçirmişik, daha güclü olmuşuq. Artıq öz imkanlarımızı bilirik və özümüzə inamımız çoxdur. Bu üzdən "Çukariçki” ilə ilk oyunu harada keçirməyimizdə, ümumiyyətlə, heç bir fərq görmürəm”.

Baş məşqçinin fikrincə, nəinki Serbiya komandası, ümumiyyətlə, bu mərhələyə yüksələn istənilən komandayla sınaqdan üzüağ çıxmaq üçün ilk növbədə çox yaxşı oynamalıdı: "Bu, əsas şərtdir. Hazırda bizə çox vacib olan, görmək istədiyimiz futbolu imkan daxilində tez oynamaqdır. İstədiyimiz oyun üslubunu meydanda göstərməliyik. Hələ ki, ideal futboldan uzağıq. Buna görə çox iş görməli, intensiv çalışmalıyıq. Əvvəlki mərhələylə müqayisədə

növbəti mərhələdəki oyunlara daha yaxşı vəziyyətdə çıxmalıyıq”.

Qriqorçuk məşqçilik karyerasında serblərlə üz-üzə gəlib və görüş onun üçün uğurla sonuclanıb. Belə ki, o, "Qəbələ”dən öncə vətənində çalışdırdığı "Çernomorets”lə 2013/14 mövsümündə Avropa Liqasının III təsnifat mərhələsində Belqradın "Srvena Zvezda” klubuna rəqib olub. Odessada 3:1 hesabı ilə qalib gələn Qriqorçukun komandası Belqradda qolsuz bərabərliyə qalıb və pley-off mərhələsinə vəsiqə qazanıb. Baş məşqçimiz "Çukariçki”ni Serbiya futbolunun titullu komandasından zəif saymır: "Deməzdim ki, "Çukariçki” "sirlı qutu”dur. Bu komanda son 2 mövsümdə uğurlu çıxış edir, bürünc mükafatçı, ölkə kubokunun qalibi olub. "Çukariçki”nin həmin "Srvena Zvezda” üzərində qələbə qazanmaq ənənəsi var”.

Təmsilçimiz II təsnifat mərhələsinin matçları üçün UEFA-ya yeni iştirak ərizəsi göndərilib. Siyahıda yeni futbolçu yer almayıb. Yeganə dəyişiklik klubla yolları ayrılan müdafiəçi Ruslan Əmircanovun adının siyahıdan çıxarılmasıdır. Qriqorçuk daha bir futbolçunun transferinin gündəmdə qaldığını söyləyib: "Biz başa düşürük ki, heyətimizin gücləndirilməsi vacibdir. Bu istiqamətdə ilk addımı atmışıq. Onu da yaxşı anlayırıq ki, seleksiya çox ciddi işdir. Tələsməyə, risk etməyə haqqımız yoxdu. Buna görə də transfer məsələsinə diqqətlə yanaşmalı, hər şeyi ölçüb-biçməliyik. Komandaya elə futbolçular götürməliyik ki, gümanları tam doğrultsunlar”.

Mehman SÜLEYMANOV, "QƏBƏLƏ İK"

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Roman Qriqorçuk: "Hələ ki, ideal futboldan uzağıq"

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023