"Bu gün ancaq əsas komandasına diqqət yetirən klubların aqibəti “Şəmkir”, “Kəpəz” və ya “MKT Araz” kimi olacaq"
Azərbaycan sovet futbolunun nisbətən gənc nəslinin nümayəndələri arasında Arif Əsədov xüsusi yer tutur. Stadium.az xəbər verir ki, 41 yaşlı keçmiş müdafiəçi yeniyetmələr arasında dünya, gənclər arasında Avropa çempionu olub. Sumqayıt futbol məktəbinin yetirməsinin məşqçi fəaliyyəti də alqışa layiqdir. Məşqçiliyə U-19 Azərbaycan millisindən başlayan Əsədov komandaya yaradılmasından 19 il sonra ilk mərhələni aşmaq sevinci yaşadıb. Şahin Diniyev “Gəncə”yə başçılıq etdiyi dönəmdə isə təcrübəli futbolçunu ikinci məşqçi kimi sınaqdan keçirib. Azərbaycan Premyer Liqasında debüt ilində isə “Neftçi”ni çempion edib. Bundan bir il əvvəl isə sözügedən komandanın əvəzedicilərinə eyni uğuru qazandıran məşqçi, özünün söylədiyi kimi, həmişə qarşısına böyük hədəflər qoyur. Təməl güclü olmalıdır Futbolçu yetişdirmək ev tikmək kimi bir şeydir. Hər şey təməldən asılıdır. Təməl güclü olmalıdır. Mənim bu baxımdan bəxtim gətirib. Uşaqlığım Sumqayıtta keçib. Uşaqlıqdan məhəllədə 4-cü sinifdən isə Uşaq və yeniyetmələr üçün idman məktəbinə futbola getmişəm. Futbola gəlişim belə baş verib: Orta məktəbdə Bədən tərbiyəsi dərsində futbol oynayanda məşqçi Telman Salahov bizi kənardan izləməyə gəlmişdi. Zəng vurulanda mənə yaxınlaşıb futbola gəlməyi təklif etdi. Evə gəlib bu xəbəri atama deyəndə evdəkilərin xoşuna gəlmədi. Mən dərslərimi çox yaxşı oxuyurdum. Onlar məni başqa sahədə görmək istəyirdilər. Böyük qardaşımın dəstəyi ilə evdəkilər fikrindən daşındı və mən futbola getməyə başladım. Həftədə üç dəfə idman məktəbində məşqə gedirdim. Bu kifayət etmədiyi üçün Telman Salahov məni Bakıya Gənclər İdman İnternat Məktəbinin məşqçisi Böyükağa Ağayevin yanına göndərdi. 6-cı sinifdə oxuyurdum. Məktəbə qəbul edildim. Burada gündə iki dəfə məşqlər edirdim və perspektiv daha yaxşı idi. Böyükağa Ağayevin rəhbərliyi altında bir sıra yarışlarda iştirak etmişəm. 1985-ci ildə Krasnadarda və Vladiqafqazda yarışlarda olduq. Hənin il, 15 yaşlılar arasında Azərbaycan millisinə dəvət edildim. Millinin heyətində yarışların birində SSRİ –nin 17 yaşlılardan ibarət millisinin baş məşqçisi Aleksandr Piskaryov oyunları izləyirdi. Mən, Vladislav Qədirov və Ruslan Lukini milli komandaya dəvət etdi. Onda bizim 15 yaşımız vardı. İki il sonra Dünya və Avropa çempionatına hazırlıq məqsədi ilə milliyə erkən cəlb edildik. Bunu bilən “Neftçi” rəhbərliyi məni əvəzedici komandaya götürdü. 17 yaşımda SSRİ yüksək dəstəsində oynamış ən gənc “Neftçi”lilərdən biriyəm. Bu komandanın həyatımda silinməz izləri var. “Neftçi”də həm futbolçu kimi, həm də məşqçi kimi çempion olmuşam. Dünya və Avropa çempionu! Bu titul çox az futbolçulara nəsib olur. Belə bir uğur qazandığım üçün indi də fəxr edirəm. 1987-ci ildə, Kanadada təşkil edilən Yeniyetmələr arasında dünya çempionatının qalibi oldum. Finalda Nigeriyanı məğlub etdik. Bu SSRİ tarixində ilk və son nailiyyət olub. Çox sevinirəm ki, mənim də bu uğurda payım var. Əfsanəvi futbolçu Pele də həmin oyuna baxırdı. Bizi təbrik edəndən sonra onunla xatirə şəkli də çəkdirdim. Həmin il bir yaş böyüklərlə birgə Avropa çempionatının da qalibi oldum. Bu dəfə məşqçim Boris İqnatyev idi. SSRİ –nın dağılması nəticəsində olimpiya yığıması da ləğv olundu. Ondan sonra Azərbaycan milli komandasında çıxış etdim. Uşaq futbolu Azərbaycan futbolunun gələcəyi uşaq futbolundadır. Bu gün ancaq əsas komandasına diqqət yetirən klubların aqibəti “Şəmkir”, “Kəpəz” və ya “MKT Araz” kimi olacaq. Bu gün “Bakı”, “Qəbələ”, “İnter” və “Neftçi”nin fərqləndirmək olar. Bu klubların arasında “Bakı” daha ciddi işlər görür. Bu gün bu komandanın premyer liqada və birinci divizyonda bir çox futbolçusu çıxış edir. Klubun gələcəyi üçün bu çox önəmli faktordur. Futbolçu olmaq istəyən yeniyetmələrə bir neçə məsləhətim var: Futbolçu ömrü qısa olur. On il uzağı on beş il. Bu vaxtdan səmərəli istifadə etmək lazımdır. Futbolçu olmaq – işinə ciddi yanaşmaq, düzgün qidalanmaq, məşqçinin tələblərinə uyğunlaşmaq, öz üzərində işləməkdir. Azərbaycanlı futbolçuların əsas problemi qeyri- peşəkarlıqdır. Pul, ev, maşın fikirləşib yerlərində saymasınlar. Daha geniş düşüncəli olsunlar. Futbolçu qarşılarına böyük məqsədlər qoymalıdır. Futbolda iz qoymaq lazımdır ki, geriyə baxanda utanmayasan. “Bakı” 1997-ci ildə “Dinamo” yaradılarkən heyətdə mən də olmuşam. Bu klubda 10 oyun keçirmişəm. Çempionatın ilk dövrəsindən sonra Rusiyaya getdim. “Bakı” həm də övladlarımın sevimli klubudur. Mən “Neftçi”də işlədiyim vaxtlarda övladlarımı “Bakı” klubuna vermişəm. Ortancıl və kiçik oğlum bu klubun futbolçusudur.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |