"Qəbələ"nin 9 futbolçusu milli komandalara çağırıldı

18.03.2016 | 2132 dəfə oxunub

Azərbaycan Premyer Liqasında milli komandaların oyunları ilə əlaqədar yaranacaq fasilə müddətində “Qəbələ”nin futbolçuları da yığmaların düşərgəsində olacaq.


Stadium.az xəbər verir ki, "Qırmızı-qaralar”ın 5 üzvü Azərbaycanın əsas milli komandasına çağırılıb. Müdafiəçilər Arif Daşdəmirov, Məhəmməd Mirzəbəyov, Pavel Paşayev, Ruslan Abışov, həmçinin yarımmüdafiəçi Rəşad Eyyubov baş məşqçi Robert Prosineçki tərəfindən milliyə dəvət olunub. Onlar martın 21-dən 27-dək Türkiyənin Antalya şəhərində keçiriləcək təlim-məşq toplanışında iştirak edəcəklər. Təmsilçilərimizin yer aldığı milli komanda martın 26-da Qazaxıstan yığmasına qarşı yoldaşlıq oyununda qüvvəsini sınayacaq.


Azərbaycanın 21 yaşadək futbolçulardan ibarət millisi isə Avropa çempionatının seçmə mərhələsində Rusiya ilə qarşılaşacaq. Martın 24-də Rostovda baş tutacaq qarşılaşma üçün açıqlanan heyətdə “Qəbələ”nin 3 üzvü var. Əsas komandamızın oyunçusu Elvin Camalovla yanaşı, əvəzedicilərin iki aparıcı futbolçusu Ehtiram Şahverdiyev və Bəhlul Mustafazadə də baş məşqçi Yaşar Vahabzadə tərəfindən yığmaya çağırılıb.


U-19 Liqada liderlik edən “Qəbələ”nin futbolçuları bu yaş qrupundan olan yığmanın təlim-məşq toplanışında iştirak edib. Martın 10-14-də Bakıda, 15-18-də Monteneqroda hazırlıq keçən millinin heyətində 5 təmsilçimiz səfərə yollanıb. “Qırmızı-qaralar”ın futbolçuları Elnur Orucov, Süleyman Süleymanov, Amin Seydiyev, Rövlan Muradov və Hacıağa Hacıyevin çıxış etdiyi yığmamız Monteneqro ilə 2 yoxlama oyununda da qüvvəsini sınayıb. Martın 15-dəki ilk matçda 3:2 hesabı ilə qalib gələn komandamız iki gün sonra 1:2 hesabı ilə uduzub. İlk qarşılaşmada millimizin qollarından ikisinə Rövlan Muradov imza atıb.


Bundan başqa, “Qəbələ”nin hücumçusu Ermin Zets Bosniya və Herseqovina millisinə çağırılıb. O, yığmasının heyətində martın 25-də Lüksemburqa, 4 gün sonra İsveçrəyə qarşı yoxlama görüşlərinə dəvər alıb.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

29.05.2020

28.05.2020

27.05.2020

26.05.2020

24.05.2020

12:34  Günün oyunlarına necə baxaq? - TV AFİŞA

22.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ