Böyükağa Hacıyev: "Zaman gələcək Redniklə üzbəüz söhbətimiz olacaq"
"Rednik özündən razı danışmaqdansa, "Simurq"la oyunu yada salsın"
“Neftçi”nin baş məşqçisi Böyükağa Hacıyevin müsahibəsi
- Premyer Liqanın son turunda “İnter”ə 0:1 hesabı ilə məğlub olduğunuz görüş barədə fikirləriniz necədir?
- Həmin oyunda rəqibi bütün komponentlərdə üstələmişdik. Qonaqları həm mərkəz, həm də kəsərli cinah hücumları ilə narahat edirdik. Ancaq buna baxmayaraq, rəqib cəmi bir dəfə qapımıza doğru real hücum təşkil edərək qol vurdu və biz məğlub olduq. Mən bir kəlmə bunu deyə bilərəm ki, həmin gün “Neftçi”nin günü deyildi.
- Kaxaber Sxadadzenin müdafiə futboluna üstünlük verməsinə münasibətiniz necə oldu?
- Dahi futbolçu olmuş Mişel Platininin bir fikri var ki, futbolda səhv taktika yoxdur, səhv icraçılar var. Mənim fikrimcə, Kaxa düzgün taktika seçmişdi. Əgər açıq oyuna üstünlük versəydi, onda “Neftçi”yə məğlub olacaqdı. Özünüzdə yaxşı görürsünüz ki, “Neftçi” xeyli vaxtdır müdafiədə futbol oynamır. Biz daha çox hücum futboluna üstünlük verməklə açıq oyun nümayiş etdiririk. Bunu “Xəzər Lənkəran”la matçda da, AZAL-a məğlub olduğumuz oyunda da sübut etdik. Lakin təəssüflər ki, “İnter”lə oyunda bəzi səhvlər bizi baha başa gəldi. Hələ heç nə itirilməyib, çempionat davam edir. Qarşıda bizi “İnter”lə üç oyunumuz olmaqla yanaşı uzun bir marafon gözləyir.
- Yəqin mənimlə razılaşarsınız ki, “Neftçi”nin hücumlarının yetərli və kəsərli alınmaması komandada hücumçu probleminin olmasındadır. İkinci dövrədə bu problemi aradan qaldırmaq üçün transferlər həyata keçirmək haqda düşünürsünüz?
- “Neftçi” bu gün çempion komanda adını daşıyır. Onun heyətində Bahadır Nəsimov, Emil Mpenza, Fərid Quliyev kimi hücumçular var. Əgər yadınızdadırsa, Fərid iki il öncə ölkənin ən sərrast futbolçusu olmuşdu. Bu oyunçular hələ kifayət qədər vaxta sahibdilər ki, özlərini doğrultsunlar. Əgər bunu edə bilməsələr, onda biz klubumuzun prezidenti Sadıq Sadıqovdan xahiş edərik ki, komandaya lazım olacaq bir necə oyunçu alsın.
- Yəqin ki, bu sözlərinizi həm də futbolçularınıza mesaj kimi qəbul etmək olar.
- Mən yaxşı oynayan futbolçunu heç zaman kənarda qoymaram. Hər birinə axıra qədər şans verən bir məşqçiyəm. O vaxta qədər ki, özləri əllərini qaldırıb təslim olsunlar. Desinlər ki, mən daha bacarmıram. Bu gün hər bir futbolçuma böyük inamım var.
- “İnter”lə oyunun baş hakimi Elçin Məmmədovun idarəçiliyindən narazı qalmısınız?
- Elçin Məmədov Azərbaycanda özünü hamıdan ağıllı sayır, etdiyi hərəkəti güya heç kim başa düşmədi. Sadəcə olaraq balansı pozmadı. Düşünmədi ki, Ruslan Abışov rəqibin futbolçusu kimi ehtiyat skamyada oturmamışdı, meydançadaydı və “Neftçi”nin əsas heyətində çıxış edir. Elçin Məmmədov bu hərəkəti bilərəkdən etdi. Bunu bir özü bilsin, bir də Allahı. Bu gün mən hakimlər haqda danışmaq istəmirəm. Bir dəfə başımı qaldıracağam, onda da fəlakət olacaq. Yaxşı bilirsiniz ki, mən özümü sakit aparıram. Birdə ki, Sadıq müəllimin klubunda ola-ola aranı qatmaq bizə yaraşmaz. Onun həmişə bizə tövsiyəsi bu olub ki, özünüzü mədəni, tərbiyəli, qanacaqlı aparın.
- Amma özünüzü nə qədər sakit aparmağa çalışsanız da, alnmır. Məsələn, son zamanlar mətbuatda “Xəzər Lənkəran”ın baş məşqçisi Mirça Redniklə söz atışmanız davam etməkdədir.
- Mən bir daha deyirəm, zaman gələcək bizim Redniklə üzbəüz söhbətimiz olacaq. Kimin nəyə qadir olduğunu vaxt göstərəcək. İndi çoxları deyir ki, “Xəzər Lənkəran” bizdən yeddi xal irəlidədir. Əgər yadınıza gəlirsə, mən “Bakı” klubunu çempion edəndə altı xallıq fərqi aradan qaldırmağı bacarmışdım. Onda “Karvan” xal fərqi ilə bizi üstələyirdi. Bu mənada, niyə eyni uğuru yenə təkrarlamayım? Sadəcə, bəzi insanlar var ki, hansısa klub arasında indidən rəy yaradır. Lakin onlar ünvanı səhv salıblar. Bilsinlər ki, danışdıqları adam Böyükağa Hacıyevdir. Rednik özündən razı danışmaqdansa, ”Simurq”la evdə axırıncı oyunlarını yada salsın.
- Sizə qarşı mətbuatda xeyli təzyiqlər var. Bu haqda nə dəyərdiniz?
- Əgər mən işləyirəmsə, öz işimə çox bağlı oluram.Yox, işləmək istəmirəmsə, heç bir posta yiyələnmədən istirahət edirəm. Kim nə danışır danışsın, yaxşı bir atalar sözü var ki, it hürər, karvan keçər.
- Deyilənə görə, “İnter”ə məğlubiyyətdən sonra klubun prezidenti Sadıq Sadıqov sizi danlayıb.
- Əvvəla bildirim ki, bunlar boş sözlərdi. Sadıq müəllimin böyüklüyü ondadır ki, hər zaman insana dəstək verir. Məsələnin digər tərəfinə gəlincə, açıq danışaq ki, mən komandanı hələ iki ay öncə qəbul etmişəm. Necə olur, bütün gələn məşqçilər komandanı istənilən səviyyəyə çatdırmaq üçün iki il vaxt istəyir, mən isə iki ay işləməmiş qərəzli tənqidlərlə üzləşirəm? Sadıq müəllimin Allah canına dəyməsin. Onun dəstəyini görsəm də, rahatlaşmıram və komandamın uğuru üçün əlimdən gələni edirəm.
Qol.Az
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |