Nizami Hacıyev: Milliyə çağrılmaq üçün gedək kiminsə qapısında yataq?

16.11.2016 | 5609 dəfə oxunub

Nizami Hacıyevin millidə çıxış etmək arzusu reallaşmır. "İnter"in kapitanı yaxşı formada olsa da, stabil çıxış etsə də, bu, yığmamızın baş məşqçisi Robert Prosineçki üçün yetərli deyil. Əvəzində isə klublarda əsas heyətə düşməyən futbolçular milliyə dəvət edilir, meydana start heyətdə çıxır. Belə durumda son günlərdə vurduğu qollarla adından söz etdirən Nizaminin təəssüf hissini başa düşmək olar.


O, "Neftçi" ilə oyundan sonra da Prosineçkiyə açıq şəkildə ismarıc yollayıb, yığmaya çağrılmadığına təəccüblənmişdi. Çox keçmədi ki, xorvatiyalı çalışdırıcı təcrübəli yarımmüdafiəçinin ismarıcına cavab verdi: "Mən ancaq Azərbaycanda belə şey görmüşəm ki, futbolçu mətbuat vasitəsi ilə milli komandaya dəvət almasını istəyir. İşlədiyim digər ölkələrdə belə hallarla rastlaşmamışam. Düzdü, Nizami Hacıyev zəif futbolçu deyil. Ancaq hazırda güclü futbolçu da deyil”.
 
Stadium.az xəbər verir ki, Futbol11.az saytına müsahibə verən "İnter"in kapitanı bizimlə söhbətə elə Prosineçkinin dediyi fikirə münasibət bildirməklə başladı:
 
- Bəs, necə edək? Milliyə çağrılmaq üçün gedək kiminsə qapısında yataq? Bu, bizə yaraşmaz! Millidə oynamaq hər futbolçunun arzusudu. Bu arzunu da reallaşdırmaq üçün futbolçunun meydandakı bacarıqları yetərlidi. Yığmaya düşmək üçün digər üsullar da bizlik deyil. Mən "İnter"in kapitanıyam. Əsas heyət üzvüyəm. Çempionatın liderlərinə oyunla uduzmamışıq. Komandanın yükünü ən azından çiynimizdə daşıya bilirik. Bunu da hər kəs görür. Qollar vurur, məhsuldar ötürmələr edirəm. Əgər Nizami güclü futbolçu deyilsə, bəs, "18-liy"ə düşməyən futbolçunu milliyə cəlb etməsini necə başa düşək? Klublarında əsas heyətə düşməyənlər millidə oynayırsa, belə çıxır ki, Azərbaycan futbolu 2-3 nəfərdən ibarətdi?


- Belə durumda Pavel Paşayevin milliyə cəlb edilməsi sənə təsir etmir?
- Əlbəttə təsir edir. Təkcə Pavel olsaydı, dərd yarı idi. Deyərdim ki, eybi yox, qoy olsun. Amma bu gün futbolçuları müzakirə etsək, görərik ki, İlkin Qırtımov Paşayevdən zəif deyil. Bundan başqa Slavik Alxasovu da qeyd edərdim. Əgər Nizami milliyə layiq deyilsə, onda Azərbaycan futbolu kimə lazımdı? Necə olur ki, əsas heyət üzvünü, komandanın kapitanını yığmaya çağırmırsan, amma "18-liy"ə düşməyən futbolçunu millidə ilk "11-lik"də meydana buraxırsan. Bu, nə qədər düzgündü? Bu, hansı məntiqə sığır? Bunun açıqlamasını mənə versin, işimizi bilək.
 
- Bəs, nə etmək fikrindəsən?
- Bir dəfə çağırsın, müzakirə etsin də. Robert çağırıb desin ki, "Nizami, sənə şans verdim, gücünü göstər". Ondan sonra görərik ki, kim kimdi. Nizami bu çempionatda hələ 50 faiz oynayır e.
 
- Belə çıxır ki, Prosineçki millinin baş məşqçisi olduğu müddətdə yığmanın qapıları sənin üzünə bağlıdı...
- Mənim üçün fərqi yoxdu, Prosineçki və ya başqa birisi. Elə götürək mənim mövqeyimdə çıxış edən Asif Məmmədovu. Adam Avropa Liqasında oynayır, əsas heyət üzvüdü. Bəs, onu niyə çağırmır? O da zəif futbolçudu? Daha nə oldu?
 
- Deyir ki, "mənim öz fəlsəfəm var"...
- Öz fəlsəfəsi varsa, desin də. Fəlsəfəsi "18-liy"ə düşməyən futbolçunu milliyə çağırıb əsas heyətdə oynatmaqdısa, onda mən pas. Onda mən də Zaur Svanadzedən xahiş edəcəm ki,  məni 5 tur "18-liy"ə salmasın, bəlkə Prosineçki milliyə çağırdı.
 
- Niyə də yox?!

- Bu gün məşq yoxdu. Sabah yazılı şəkildə baş məşqçimizdən xahiş edəcəm. Doğrudan e, niyə də yox?!
 
- Ümumiyyətlə, yaxın gələcəkdə millinin formasını geyinəcəyini gözləyirsən?

- Millidə çıxış etmək hər bir futbolçunun arzusudu. Yığma komanda üçün hər zaman əlimdən gələni etməyə hazıram. Möcüzə isə hər zaman baş verə bilər. İnsanın ağlına gəlməyəni Allah başına gətirir. Amma Prosineçkinin "güclü futbolçu deyil" fikri ilə razı deyiləm. Futbolçu stabil çıxış edirsə, lazım olan nəticəni qazanırsa, ən azından milliyə dəvət edilib, yoxlanılmalıdı. 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

04.07.2020

03.07.2020

01:53  "Real" - "Xetafe" - 1:0 VİDEO

02.07.2020

02:05  "Spal" - "Milan" - 2:2 VİDEO

01.07.2020

15:22  Günün oyunlarına necə baxaq? - TV AFİŞA

01:20  "Torino" - "Latsio" - 1:2 VİDEO

30.06.2020

14:14  Günün oyunlarına necə baxaq? - TV AFİŞA

29.06.2020

13:07  Günün oyunlarına necə baxaq? - TV AFİŞA

02:04  "Parma" - "İnter" - 1:2 VİDEO

02:00  "Espanyol" - "Real" - 0:1 VİDEO

28.06.2020

22:01  "Lester" - "Çelsi" - 0:1 VİDEO

21:55  "Milan" - "Roma" - 2:0 VİDEO

15:37  Günün oyunlarına necə baxaq? - TV AFİŞA

   
  O Q H M T-f X
1. Qarabağ 20 13 6 1 34-7 45  
2. Neftçi 20 10 7 3 34-14 37  
3. Keşlə 20 8 6 6 27-21 30  
4. Zirə 20 6 5 9 25-37 23  
5. Sumqayıt 20 6 5 9 24-31 23  
6. Sabah 20 5 6 9 19-27 21  
7. Səbail 20 5 5 10 16-30 20  
8. Qəbələ 20 5 4 11 15-35 19  
21.06Zirə ---Neftçi
21.06Sabah ---Keşlə
21.06Qarabağ ---Qəbələ
21.06Sumqayıt ---Səbail
21.06Qarabağ -Qəbələ
21.06Sumqayıt -Səbail
21.06Zirə -Neftçi
21.06Sabah -Keşlə