Rəşad Sadiqov: "Sanki “yatmışdıq"

05.05.2017 | 2511 dəfə oxunub

“Çətin mübarizə oldu. Çempiona qarşı oynayırdıq. Həmçinin, “Qarabağ” ölkə kubokunun son sahibi idi”. Stadium.Az xəbər verir ki, bunu “Qəbələ”nin futbolçusu Rəşad Sadiqov deyib.

Azərbaycan kubokunun final matçında “Qarabağ”la üz-üzə gələn “qırmızı-qaralar” 0:2 hesablı məğlubiyyətə düçar olublar. 

Qarşılaşmadan sonra fikirlərini bildirən Sadiqov oyunlarından narazı qaldığını söyləyib: “İkinci hissədə komandada nəsə çatmırdı. Sanki “yatmışdıq”. Bəzi epizodlarda “ayılırdı”, amma ümumilikdə arxadan komanda “yatmış” kimi görünürdü. Özümüz də bilmirik bu, nə ilə bağlıdı. Mənə elə gəlir ki, səbəbi “Qarabağ”ın üstün oyun göstərməsi idi. Bizə oynamağa imkan vermədilər. Buna görə də qələbə qazandılar”.

Yarımmüdafiəçinin fikrincə, həddindən artıq motivasiya bəzi oyunçuların zəif çıxışına səbəb olub: “Futbolçular matçdan öncə çox istəkli idilər. Bəziləri ola bilər ki, həddindən artıq motivasiyaya görə özlərini “yandırdılar”. Bu da onu göstərir ki, daxildə “yananda”, meydanda istədiyini edə bilmirsən”.

Müdafiəçi Ürfan Abbasovun avtoqola imza atmasına da münasibət bildirən 34 yaşlı oyunçu bunu onun təcrübəsizliyi ilə əlaqələndirib: “Ürfan gənc futbolçudu, ilk dəfə idi ki, kubokun finalında iştirak edirdi. Həyəcanlı, stressli ola bilərdi. Bu cür hallar hər bir futbolçunun başına gələ bilər. Belə vəziyyətdə futbolçuya dəstək olmaq lazımdı ki, özünə gəlsin”.

Mövsümü qısaca dəyərləndirən Sadiqov ölkədaxili yarışlardakı nəticələrə görə üzüldüklərini vurğulayıb: “Mövsüm bir tərəfdən yaxşı, digər tərəfdən pis keçdi. Avropa Liqasının qrupuna düşməyimiz yaxşı hal oldu. Bununla Azərbaycanı, “Qəbələ” azarkeşlərini sevindirdik. Amma digər tərəfdən həm çempion ola bilməməyimiz, həm də kuboku qazanmamağımız pis oldu. Bu, bizim üçün çox üzücü idi”.

Milli komandamızın üzvü sonda “Qəbələ”də qalıb-qalmayacağına rəhbərliklə görüşün ardından aydınlıq gələcəyini deyib: “Kubokun final görüşünə qədər heç kimə yeni müqavilə təklif olunmamışdı. Mənə elə gəlir ki, bu matçdan sonra rəhbərlik hamı ilə danışacaq”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

03.06.2020

02.06.2020

01.06.2020

12:12  Günün oyunlarına necə baxaq? - TV AFİŞA

30.05.2020

21:35  Depay sağalıb

29.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ