Roman Qriqorçuk: "Öz oyun üslubumuzu oynasaq, rəqibə rahatlıq verməyəcəyik"

02.08.2017 | 3634 dəfə oxunub

"Qəbələ"nin baş məşqçisi Roman Qriqorçuk Avropa Liqasının üçüncü təsnifat mərhələsində "Panatinaikos"la cavab oyunu öncəsi mətbuat konfransı keçirib.

Stadium.az xəbər verir ki, o, əvvəlcə matç barədə fikirlərini bildirib.

-Rəqibin sürətli futbolçuları var. Biz də onlardan geri qalmırıq. Öz oyunumuzu göstərə bilsək, rəqibə çətin anlar yaşadacağıq. Bizim əsas məqsədimiz mərhələ adlamaqdır. Yəqin ki, "Panatinaikos" da bu niyyətlə Bakıya gəlib. İki il öncə bu komanda üzərində qələbə qazanmışıq və nəticəni təkrarlamaq üçün şansımız var.

- Çempionatdakı əsas rəqibiniz "Qarabağ"ın Çempionlar Liqasındakı qələbəsi sizdə yaxşı mənada qıcıq yaratmadı?

- "Qarabağ"a uğurlar arzu edirəm. Ümid edirəm ki, onlar Çempionlar Liqasında qrupa düşəcəklər. Dünənki oyuna baxa bilməmişəm. Çünki diqqətimizi öz oyunumuza yönəltmişik. Ümumi götürdükdə bu qələbələr ölkə reytinqinə xalların əlavə olunması baxımından yaxşı haldır. Amma bu, bizim komanda üçün əlavə motivasiya yaratmır.

- Cavid Hüseynov meydanda çox çılğın görünür. Onunla bu barədə söhbət etmisinizmi?

- Cavid özünü əvvəllər də çılğın aparıb. Onunla bu barədə söhbət etmişik. Mənim fikrimcə, indiki Cavid çox sakitdir.

- “Qəbələ” Yunanıstanda çox zəif oynadı. Bunun səbəbi nə ilə bağlıdır? Ümumiyyətlə, komanda yeni mövsümə hazırdımı?

- Biz Yunanıstanda öz oyunumuzu oynaya bilmədik. Rəqib səfər görüşündə bizə çox çətinlik yaratdı. Əminəm ki, sabah öz oyunumuzu oynamağı bacaracağıq.

- Rəqibin olduqca texnikalı və sürətli futbolçular var. Onları zərərsizləşdirmək üçün hansı tədbirlər görmüsünüz?

- Çox düzgün qeyd etdiniz. İlk matçdan öncə də rəqibin futbolçularını araşdırmışdıq. Amma mən öz oyunumuzdan danışmaq istəyirəm. Öz üslubumuzda oynasaq, rəqibə rahatlıq verməyəcəyik. Belə olsa, rəqib də güclü cəhətlərini ortaya qoya bilməyəcək.

- “Qəbələ” adətən cavab matçlarında yaxşı təsir bağışlayır və özünüz də Yunanıstanda oyununuzun alınmadığını dediniz. Maraqlıdır, öz üslubunuza qayıtmaq üçün heyətdə dəyişiklik edəcəksinizmi?

- Heyətlə bağlı hələ də məlumatım yoxdur. Bu günkü məşqdə də futbolçuların son durumuna baxacağıq. Futbolçularla bağlı son qərarı bu gün baş tutacaq məşqdən sonra verəcəyəm. Ümumiyyətlə, oyunlardan öncə heyət açıqlamaq mənim iş prinsipimə uyğun deyil.

- Necə düşünürsünüz, oyunun taleyi 90 dəqiqəyə həll olacaq?

- Bu barədə heç nə deyə bilmərəm. Biz mərhələ keçmək üçün 120 yox, hətta 1200 dəqiqə oynamağa hazırıq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail