Roman Qriqorçuk və Dabodan yeni rekord

05.12.2017 | 1163 dəfə oxunub

Azərbaycan Premyer Liqasının XIV turunun “Keşlə” ilə ev qarşılaşması “Qəbələ”nin tarixində Azərbaycan çempionatının yüksək dəstəsində keçirilən 350-ci oyun olub.

Stadium.Az xəbər verir ki, Premyer Liqada 2006-cı ildə debüt edən “qırmızı-qaralar” 3:0 hesablı qələbəyədək 349 matça çıxmışdı.

Yubiley oyunundakı qələbə sayca 148-ci olub. 88 heç-heçə və 114 məğlubiyyəti olan komanda burada 434 qol vurub, 364-nü buraxıb.

“Keşlə” ilə qarşılaşmada əldə olunan böyükhesablı qələbə klub tarixində 47-ci belə nəticədir. Premyer Liqada “Kəpəz” 6:1, ardınca kubokda “Mil-Muğan”ı 8:0 hesabı ilə məğlub edən “Qəbələ” 11 il əvvəlki rekordunu təkrarlayıb.

“Qırmızı-qaralar” 2006-cı ildə I dəstədə ardıcıl 3 qələbə qazanmışdı. 47 böyükhesablı qələbədən 26-sı Premyer Liqaya təsadüf edib. “Qəbələ” tarixində 5-ci dəfə yüksək dəstədə ardıcıl 2 qarşılaşmada 3 və ya daha çox top fərqilə qalib gəlib.

“Qəbələ” “Keşlə” ilə oyunda 140-cı dəfə Roman Qriqorçukun rəhbərliyi altında meydana çıxıb. 2015-ci ilin əvvəlindən “qırmızı-qaralar”ın baş məşqçisi olan ukraynalı mütəxəssis Premyer Liqada 94, Avropa Liqasında 32, Azərbaycan kubokunda 14 qarşılaşmada komandaya rəhbərlik edib. Bununla da Qriqorçuk klub tarixinə baş məşqçi olaraq ən çox oyun keçirən mütəxəssis kimi düşüb. O, “qırmızı-qaralar”ı 139 matça çıxaran, hazırda “Keşlə”ni çalışdıran Ramiz Məmmədovun rekordunu arxada qoyub. Sonuncu 118 çempionat və 21 kubok matçında baş məşqçilik edib. “Qəbələ”nin tarixində yalnız bu iki məşqçi 100-dən artıq oyunda komandaya başçılıq edib.

Qriqorçuk kimi qarşılaşmada hesabı açan Baqali Dabo da klub tarixində yeni rekorda imza atıb. O, ardıcıl 4 çempionat oyununda qol sevinci yaşamaqla bunu rəsmiləşdirib. Daboyadək “qırmızı-qaralar”ın heç bir oyunçusu eyni turnirdə ardıcıl 4 matçda meydanı qolsuz tərk etməyib. 11 dəfə eyni oyunçunun 3 matçlıq seriyası qeydə alınsa da, onlardan heç biri 4-cü matçda qol vurmayıb. Baqali “Səbail”ə (3:1) iki, “Neftçi”yə (3:2) bir, “Kəpəz”ə (6:1) iki və “Keşlə”yə (3:0) 1 qol vurmaqla 4 matçda ümumilikdə 6 dəfə fərqlənib.

Bu qol Dabonun “Qəbələ”də rəqib qapılarından keçirdiyi yubiley – 20-ci top olub. O, 20 və daha çox qol vuran 5-ci futbolçudur. Bu matçadək 20 dəfə fərqlənən Filip Ozobiç isə “Keşlə” ilə görüşə sonradan çıxsa da, dubl müəllifi olub. “Mil-Muğan”la kubok oyunundakı het-triki də nəzərə alsaq, xorvatiyalı son beş gündə keçirdiyi 2 matçda 5 qola sevinib. Bu qollarla Ozobiç klub tarixinin ən yaxşı 3-cü bombardiri olub: Viktor Mendi – 33, Dodo – 30, Filip Ozobiç – 22, Baqali Dabo, Rövşən Əhmədov – 20. (gabalafc.az)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

27.05.2018

00:14  “Sumqayıt” son mövsümdə STATİSTİKA

26.05.2018

25.05.2018

24.05.2018

01:49  "Keşlə" - "Qəbələ": 45-ci duel - STATİSTİKA VİDEO

   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail