Təmkin Xəlilzadə: "Rəqabətdən qorxmuram"
"Qəbələ" klubunun yeni transferi Təmkin Xəlilzadənin müsahibəsi
- İlin son günlərində klubunu dəyişdin. Necə oldu ki, bu transfer gerçəkləşdi?
- "Qəbələ"dən təklif gəldi. "Zirə" ilə müqaviləm daha 6 ay qüvvədə idi. Öz klubumun rəhbərliyi ilə oturub danışdıq. Sağ olsunlar, onlar da məni anlayışla qarşıladılar. İkitərəfli razılıq əsasında "Zirə" ilə sözləşməmə xitam verildi. Nəticədə "Qəbələ" ilə anlaşdım. Artıq irəli baxmaq lazımdır. Görək, bundan sonra necə olacaq...
- "Qəbələ" sənin transferin üçün "Zirə"yə heç bir məbləğ ödəmədi?
- Düzü, bunu bilmirəm. Yəqin ki, klublar arasında da danışıqlar olub. Özüm də "Zirə" rəhbərliyi ilə danışdım. Onlar da mənə maneçilik törətmədilər. "Qəbələ" ilə "Zirə" arasındakı danışıqların detallarından məlumatsızam.
- Hamı gözləyirdi ki, "Zirə"də qalacaqsan, komandanı dəyişsən belə, "Qarabağ"a keçəcəksən. Bu mənada düşünmürsən ki, "Qəbələ"yə keçidin sürpriz oldu?
- Düzü, bu, mənim üçün də gözlənilməz oldu. Amma mövsümün ilk yarısının gedişində - qış fasiləsindən iki ay əvvəl "Qəbələ"nin mənimlə maraqlandığına dair söz-söhbətlər qulağıma çatırdı. Ortada isə rəsmi bir şey yox idi. Rəsmi təklif fasilə zamanı gəldi. Daha dəqiqi, danışıqlar dekabrın 25-dən sonra başladı. Necə deyərlər, oturduq, dəyərləndirdik.
- "Zirə" və "Qəbələ" fərqli taktikalarla oynayır. Yeni klubunda özünü sol cinah müdafiəçisi, yoxsa eyni mövqedə yarımmüdafiəçi mövqeyində görürsən?
- Mənim üçün hər iki mövqe yad deyil. Həm müdafiədə, həm də yarımmüdafiədə oynadığımdan, bunların mənə problem yaradacağını düşünmürəm. Məncə, sistem olaraq da çətinliklə üzləşməyəcəyəm. "Qəbələ"nin də "Zirə"yə oxşar taktiki sxemlə oynadığı qarşılaşmalar olurdu. Üstəlik, rəqabətdən də qorxmuram. Biz futbolçuyuq. Kimlərlə rəqabət aparacağımızı gözəl anlayır, bilirik. Mən oynayacağam deyə bir şey yoxdur. "Qəbələ"yə uğur qazanmaq üçün keçmişəm. Hədəflərim, düşüncələrim böyükdür. İnanıram ki, hər şey yaxşı olacaq və "Qəbələ"də böyük uğurlara imza atacağam.
- Səni "Qəbələ"yə buraxmaqla, "Zirə"nin zəifləyəcəyini düşünmürsən?
- Xeyr, heç vaxt belə fikirləşmərəm. Çünki "Zirə" deyəndə Təmkin yada düşmür, bu komanda təkcə məndən ibarət deyil. Orada yetərincə yaxşı oyunçular, legionerlər var. Yaxşı kollektivimiz var idi. Məncə, "Zirə" yenə öz oyununu ortaya qoyacaq. "Təmkin yoxdursa, "Zirə" də olmayacaq" kimi bir deyim yoxdur. Komandanı məndən başqa da tərk edənlər olub. Amma onların yerinə yeni oyunçular gələcək. Digər tərəfdən, artıq "Qəbələ"nin oyunçusu kimi danışsam, əsas rəqiblərimizdən biri kimi "Zirə"ni qeyd edərdim. Aramızda cəmi 1 xal fərq var. Bizi çox ağır mübarizə gözləyir.
- Maliyyə şərtlərində hansı dəyişikliklər var?
- Təbii ki, "Qəbələ" daha yaxşı şərtlər təklif edib. Amma məbləği açıqlaya bilmərəm.
- 2017-ci ili özün üçün necə dəyərləndirərdin?
- Karyeram baxımından, uğurlu dəyərləndirmək olar. Çünki "Zirə" ilə Avropa Liqasına vəsiqə qazandıq, avrokuboklarda debüt etdim. İlk dəfə milli komandaya çağırıldım və yığmada debüt etdim. Nəhayət, ilin son günlərində "Qəbələ" ilə müqavilə bağladım.
Sportnet.az
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |